Imbombo sya batumigwa 7
7
Amasyu ga Stefani
1Popapo umputi unkulumba alinkundalusya alinkuti: Bule,
2bo sili sisisi? Umwene alinkuyoba alinkuti: Mwe bamyitu, na mwe batata, amupilikisyege, Kyala Umwenebukulumba alinsetukile tata Abrahamu, apa ali mu-Mesopo-
3tamia, bo akali ikuyenga mu-Harani, alinkumbula alinkuti: Sokaga nkisu kyako na mbakamu bako, ubukege kukisu iki
4nikukunangisyaga yuyune. Popapo alinkusokamo nkisu kya baKaldai; alinkwakutugasya mu-Harani. Lelo bo afwile ugwise, Kyala alinkunsamisya ukufuma kuko, alinkuntwala
5nkisu iki muyengilemo umwe lilino. Alinkusita nukumpa nakimo ikilingo mumo, kyope nikya kuti kifwane uluyayo, loli alinkufinga ulufingo ukumpa ukuti kiyege kyake, nuluyungu lwake ulu lukunkongaga, napapo akali numwana.
6Umwene Kyala alinkuyoba bo bunobuno ukuti, aba nduyungu lwake bisakuyaga bahesya nkisu kya bangi, nukuti, bisakubabikaga mbutumwa nukubabalila ifyinja bamia bana (400).
7Kangi Kyala ayobile atile: Ikikolo iki bisakumbombelaga, kyo nisakukilongaga yuyune; lelo panyuma pali sisisi, bisa-
8kusokangamo nukumbombela mbuyo bububu. Popapo alinkwenda nukumpa ulwitikano lwa bubutigwa; umwene Abrahamu alinkumpapa Isaka, alinkumbutako pisiku lya lwele; umwene Isaka alinkumpapa Yakobu, umwene Yakobu alinkubapapa abisukulu bitu kalongo na babili bala.
9Abene abisukulu bitu bala balinkumulisya Yosefu mwʼEgipti
10panongwa ya kabini; loli Kyala alinkuya nagwe, alinkumpoka mbutolwe bwake bosa, alinkumpa ilipyana namahala nkyeni mwa Farao untwa gwa Egipti, alinkumpela ndindilili gwa
11Egipti, na nnyumba yake yosa. Popapo yilinkugwa injala nkisu kyosa kya Egipti nikya Kanani, bulinkuyamo ubutolwe bu bwingi; abene abatata bitu balinkusita nukufyaga ifindu.
12Loli Yakobu bo apilike ukuti ifindu filimo mwʼEgipti, popapo
13ulwa kwanda alinkubatuma batata; lelo ulwa bubili, po Yosefu alinkwinangisya kubamyabo, popapo Farao alinkwenda
14nukulumanya ikikolo kya Yosefu. Popapo Yosefu alinkutuma kukumbilikila ugwise Yakobu pamopene nikikolo kyake kyosa,
15abandu amalongo mahano na mabili na bahano (75). Popapo Yakobu alinkwikilila ukubuka mwʼEgipti, mo alinkufwila
16yuyo pamopene nabatata bitu; balinkupimbigwa ukwakufika mu-Sikemu, balinkubuligwa mwipumba ili Abrahamu alyulile nindalama kubanya Emori mu-Sikemu.
17Lelo bo kasegelile akabalilo ka lufingo, aka Kyala afingile na Abrahamu, popapo ikikolo kilinkukula nukubala mwʼEgipti,
18ukufika papo abonekege untwa uyungi mwʼEgipti, uyu aka-
19limmenye Yosefu. Yo alinkukitwalila ubukomu ikikolo kyitu, nukubangalila batata, nukubapelela ukubataga abanabo
20abafyele, ukuti bangayangako kubumi. Pakabalilo kako po alinkupapigwa Mose, alinkuboneka ubununu kwa Kyala; yo
21alinkuswiligwa imyesi mitatu nnyumba ya gwise. Lelo bo atagigwe, popapo umwana undindwana gwa Farao alinkuntola,
22alinkunswila ukufwana mwanake. Umwene Mose alinkumanyisigwa amahala gosa aga bʼEgipti; alinkuya namaka mmasyu na mumbombo syake.
23Lelo bo amalile ifyinja amalongo mana (40), alinkwinogona mundumbula ukuti abuke kukubaketa abamyabo abanyʼIsraeli.
24Lelo bo agile yumo ikubombeligwa imbibi, popapo alinkuntula uyu aboneligwaga, alinkumbukisya ikibuli bo ikunkoma
25umwʼEgipti. Umwene alinkwinogona ukuti abamyabo bikusyaganiaga ukuti Kyala ikubapaga ubupoki nkiboko kyake,
26loli abene balinkusita nukusyagania. Ulwa kilabo alinkubaga bo bikumana, alinkulonda ukubamanyania alinkuti: Mwe tunya muli banyamundu, mukumana fiki mwe babo batupu?
27Loli uyu ambombelaga unnine imbibi, alinkungutila kulubafu alinkuti: Ywani uyu akubikile ugwe ukuya ndagili nukuya
28ndongi gwitu? Kingamo kulonda ukungoga nanine bo papo
29gwalingogile umwʼEgipti mmayolo? Popapo Mose alinkuyonga panongwa ya isyu lilili, alinkwakuya mbuhesya nkisu kya Midiani; mo alinkwakupapila abana abalumyana babili.
30Lelo bo fikindile ifyinja amalongo mana (40), popapo ugwandumi alinkunsetukila ndungalangala lwa kyamba Sinai,
31ndulapi lwa moto nkisyanju. Umwene Mose bo asibwene sisisi, alinkuswiganika kuli isi syabonike; lelo bo ikusegelela
32ukuti akete kanunu, alinkwaga ilisyu lya Ntwa likuti: Yo une ne Kyala gwa baguso, ne Kyala gwa Abrahamu, Isaka na Yakobu. Popapo Mose alinkutetema alinkutila nukuketako.
33Loli uNtwa alinkumbula alinkuti: Fulaga ifilato fyako
34mmalundi, buno pabuyo apa gwimilepo kisu kikemo. Ukuketa ko ngetile ukukubilwa kwa bandu bangu mwʼEgipti, ninguto yabo njipilike, lelo ilikilile kukubapoka; lilino lelo isaga ngutume mwʼEgipti.
35Mose yuyuyu uyu balinkanile balile: Ywani uyu akubikile ugwe ukuya ndagili nukuya ndongi? yo uyu Kyala alinkuntuma ukuya ndagili, kangi nukuya mpoki, nkiboko kya gwandumi
36uyu alinsetukile nkisyanju kila. Yo alinkubasosya bo ikupela ifiswigu nifika nkisu kya Egipti, na muNyanja Ifubifu, kangi
37na ndungalangala ifyinja amalongo mana (40). Yuyuyu yo Mose uyu ababulaga abanyʼIsraeli atigi: Kyala isakubasumukisyaga unkunguluka mbamyinu, uyu ali bo yuyune.
38Yo uyu ayaga nugwandumi nkipanga ndungalangala mula, uyu ayobege nagwe nkyamba Sinai, ali pamopene nabatata, uyu
39ambililaga amasyu amumi ukuti atupege uswe; uyu batata bakalondaga ukumpilika, loli balinkunsyokela, nindumbula
40syabo balinkusilabisya mwʼEgipti, balinkuyoba na Aroni balinkuti: Isaga utubumbilege bakyala ba kutulongolela nkyeni; buno Mose uyu atusosisye nkisu kya Egipti, tuka-
41manya isi simwagile. Popapo mmasiku gago balinkubumba ingwata, balinkutwala kukifwani ifya kwikemesya, balinku-
42yisekelela imbombo ya maboko gabo. Loli umwene Kyala alinkubasinda inyuma; alinkubataga ukuti bafibombelege ifilundilo fya kumwanya, bo lilyo lisimbigwe mwa kalata gwa bukunguluka ili likuti:
Kali mwalindwalile une ifinyamana ifya kuboligwa nifya kwikemesya,
Ifyinja amalongo mana (40) ndungalangala, gwe nyumba ya Israeli?
43Himma, mwatwele yene yi hema ya Moloka,
Nulutondwa lwa kyala gwinu Refani,
Ififwani ifi mwabumbile ukuti mufibombelege;
Nisakubasamikisyaga kubutali ukukinda mu-Babeli.
44Batata bali nayo ihema ya lusisimikisyo ndungalangala, bo mumo uyu ayobaga na Mose, alindagile ukuyitendekesya
45ukufwana nikifwani iki akibwene, iyi batata bapokanilaga; lelo bo bali na Yosua, balinkuyitwala nkisu iki bakikabaga ukufuma kubapanja, aba Kyala abakagaga nkyeni mwa batata, ukwisaku-
46fika mmasiku ga Davidi, uyu akabile ilipyana nkyeni mwa Kyala, uyu asumaga akundondela Kyala gwa Yakobu ubuyo.
47-48Umwene Solomoni yo alinkunjengela inyumba. Loli umwene Unkinde atikutugala munjengigwa namaboko; bo lilyo ikuyoba unkunguluka apa ikuti:
49Kumwanya kyo kikota kyangu ikya butwa,
Loli ikisu ko kakota ka kubikapo amalundi gangu;
Yo nyumba ngi iyi mukunjengelaga? bo ikuya uNtwa,
Pamo po poki pabutukisyo une?
50Kikaya kyo kiboko kyangu iki kyapelile fyosa fififi?
51Mwe bakafu amakosi umwe, mwe basitakubutigwako indumbula nimbulukutu, mwe mukumwila bwila Mbepo Mwikemo, bo mumo abisemwe babombile, mo mumo muku-
52bombela nanumwe. Yo nkunguluka aliku uyu bakamfwimamo abisemwe? Abene babagogaga aba bafumukisyaga ngani ukwisa kwa Ngolofu, uyu nanumwe lilino mumbikile mmaboko
53ga balugu nukungoga; umwe mwe mwalwambilile ululagilo bo mumo babatwalile abandumi, loli mulinkusita nukulukonga.
Ukufwa kwa Stefani
54Lelo bo bapilike sisisi, popapo silinkubalasa munda, bali-
55nkwimemena. Umwene loli bo iswile Mbepo Mwikemo, popapo alinkululalila kumwanya, alinkububona ubukulumba bwa Kyala, alinkumbona na Yesu bo imile kukiboko ikililo
56kya Kyala, alinkuti: Keta, nkubwene kumwanya kwigwike, numbwene yope na Nnyamundu imile kukiboko ikililo kya
57Kyala. Abene balinkuywega fiyo, balinkusindila imbulukutu
58syabo, balinkumotokela pamopene; lelo bo bansosisyemo nkaya, popapo balinkuntika namabwe. Abene abaketi balinkubika imyenda gyabo mmalundi ga ndumyana yumo, uyu
59batigi Sauli ingamu. Lelo bo bikuntika Stefani namabwe, popapo alinkukolela alinkuti: Gwe Ntwa Yesu, ambililaga
60imbepo yangu. Popapo alinkufugama, alinkukolela ilisyu ilikulumba alinkuti: Gwe Ntwa, ungababalilaga imbibi isi; lelo bo ayobile lilili, alinkufwa.
Currently Selected:
Imbombo sya batumigwa 7: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
