Imbombo sya batumigwa 8
8
Ukufwimigwa nukubalanila kwa baKristi
1Umwene Sauli yope alinkuti bayile apa bangogile. Lelo musi gugo, po bulinkwanda ubufwimigwa ubukulumba nkipanga kya mu-Yerusalemu; popapo bosa balinkubalanila mfisu fya mu-Yudai na Samaria, balinkusyala bene ba
2batumigwa. Abandu abatila-Kyala balinkunsyila Stefani,
3balinkundilila ifwa ingulumba. Umwene Sauli loli alinkukyonanga ikipanga, alinkwingila nnyumba nnyumba, alinkubakwaba abanyambala nabakikulu nukubigalila nnyumba ya bannyololo.
Filipu mu-Samaria
4Abene loli aba babalanile, bo balinkwembela balinkuli-
5fumusya ilisyu. Loli Filipu yo alinkusuluka ukubuka nkaya
6ka Samaria, alinkumfumusya Kristi kumyabo. Ifyene ifilundilo filinkupilikisya nindumbula yimoyene isi ayobaga
7Filipu, filinkupilika nukufibona ifika ifi apelaga. Namanga bingi aba bali nimbepo inyali, balinkwaga sikusoka bo sikukuta fiyo; kangi bingi aba bakokonyele naba bakwemaga
8balinkubumbuluka itolo. Popapo lulinkuyamo ulusekelo ulukulumba nkaya mumo.
Simoni ugwa manjele
9Lelo alipo umundu yumo uyu ali yo Simoni ingamu, uyu atalilemo nkaya kala, yo abombaga amanjele nukubaswigisya abandu ba mu-Samaria, bo ikwiyoba ukuya yo mundu yumo
10unkulumba; uyu bosa itolo abanandi nabakulumba bampilikaga, balinkuti: Uyu yo yu maka ga Kyala aga bikuti maku-
11lumba; balinkumpilikisya, papo amasiku ga mingi abaswigi-
12syaga namanjele gake. Lelo bo bamwitike Filipu, apa alumbililaga inongwa inunu sya butwa bwa Kyala ningamu ya Yesu Kristi, popapo balinkosigwa abanyambala nabakikulu.
13Yope na Simoni alinkwitika; lelo bo osigwe alinkumumilila Filipu, alinkuswiga bo ikufibona ifika mfiswigu ifikulumba ifi fyapeligwaga.
Peteri na Yohani mu-Samaria
14Lelo bo abatumigwa aba mu-Yerusalemu bapilike ukuti ikya mu-Samaria kilyambilile ilisyu lya Kyala, po balinku-
15batumila ba-Peteri na Yohani. Abene bo basulwike, balinku-
16basumila ukuti bambililege Mbepo Mwikemo, namanga akali ukunsololokela nayumo mmyabo, loli balyokesigwe itolo
17mungamu ya Ntwa Yesu. Abene balinkubabikapo amaboko,
18popapo balinkwambilila Mbepo Mwikemo. Umwene Simoni bo asibwene ukuti bikwambilila Mbepo Mwikemo, bo abatumigwa bikubabikapo amaboko, popapo alinkubatwalila inda-
19lama, alinkuti: Nanine mumbege amaka gagaga, ukuti uyu linga nikumbikapo amaboko, ambililege Mbepo Mwikemo.
20Umwene Peteri alinkumbula alinkuti: Bukaga nindalama syako kubupyutigwa, namanga kwinogona ukukikaba ikiku-
21ngilwa kya Kyala nindalama. Ukaya nakamenya, kangi ukaya nakayabo munongwa yiyiyi, papo indumbula yako yikagoloka
22nkyeni mwa Kyala. Upindukege lelo kububibi bwako bububu, unsumege uNtwa ukuti akuswege inyinogono sya
23mundumbula yako; buno ngubwene ukuya munyongo#munyongo bamo bikuti mukayongo. ya
24bukali, na ndugoye lwa buniongafu. Umwene Simoni alinkwamula alinkuti: Amusumilege yuyumwe kuNtwa, ukuti singanyagaga nasimo isi muyobile.
25Abene loli bo balisisimikisye nukuliyoba ilisyu lya Ntwa, popapo balinkugomoka ukubuka mu-Yerusalemu, balinkulumbilila inongwa inunu ntwaya tu twingi twa baSamaria.
Filipu numfule gwa ku-Etiopia
26Popapo ugwandumi gwa Ntwa alinkumbula Filipu alinkuti: Sumukaga ulabilege kwitongo kunsebo ugu gukusuluka ukufuma ku-Yerusalemu, gukulabila ku-Gaza, ugwa ndungala-
27ngala. Umwene alinkusumuka alinkubuka; popapo alinkumbona umundu gwa mu-Etiopia, umfule, ulifumu gwa Kandake umalafyale unkikulu gwa bʼEtiopia, uyu alindililaga ikyuma kyake kyosa, yo alisile mu-Yerusalemu nkwiputa;
28lilino lelo agomokaga ukubuka kukaya, atugele pigeleti lyake,
29abalaga kalata gwa Yesaya unkunguluka. Popapo Mbepo alinkumbula Filipu alinkuti: Bukaga segelela, ulongosaniege
30nigeleti ilyo. Popapo Filipu alinkubopa, alinkupilika bo ikubala kalata gwa Yesaya unkunguluka, alinkundalusya
31alinkuti: Kali kusyagania isi kubala? Umwene alinkuti: Po nati nsyaganie bulebule bo nayumo akandingania? Popapo
32alinkunsuma Filipu ukuti akwele, atugasanie nagwe. Loli inongwa iyi abalaga pakalata yali yo iyi:
Alongosigwe ukubuka pabubolelo bo yi ngʼosi,
Bo akangʼosi aka kikumyeka itolo nkyeni munsenyalusyoya,
Bunobuno yope alinkusita nukwinula imilomo gyake.
33Ndwiyisyo lwake, ubulongi bwake ubugolofu bulinkukanigwa,
Ywani isakupanga isya luyungu lwake?
Buno ubumi bwake busosigwemo nkisu.
34Popapo umfule alinkumbula Filipu alinkuti: Nikukusuma, kali unkunguluka ikumbala ywani papapa? Ikwibala yuyo
35pamo ikumbala yumo uyungi? Popapo Filipu alinkwinula imilomo gyake, alinkwanda pabusimbe bububu ukumfumu-
36kisya inongwa inunu sya Yesu. Lelo bo bikwenda munsebo, balinkufika apa galipo amisi; popapo umfule alinkumbula alinkuti: Keta, amisi aga, fiki fikunganisyaga ukosigwa?
37[Popapo Filipu alinkumbula alinkuti: Linga gwitike nindumbula yako yosa, po sibagile. Umwene alinkwamula alinkuti: Nikwitika ukuti Yesu Kristi yo yu Mwana gwa Kyala.]
38Popapo alinkulagila ukuti iligeleti lyimege; bo babili, Filipu
39numfule balinkusuluka mmisi, popapo alinkumosya. Lelo bo bikufyuka ukufuma mmisi, Mbepo gwa Ntwa alinkunnyaka Filipu, umwene umfule alinkusita nukumbona kangi, loli
40alinkwenda itolo injila yake nulusekelo. Loli Filipu alinkubonekela mwa Azoti, lelo bo ikukinda, alinkufumusya inongwa inunu ntwaya tosa ukwakufika mu-Kaisaria.
Currently Selected:
Imbombo sya batumigwa 8: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
