Luka 21
21
Akabupe ka nkikulu umfwile
(Mar. 12,41-44)
1Popapo alinkwinula amaso, alinkubabona abakabi
2bikusopa ifyabupe fyabo nkya kusopelamo. Alinkumbona unkikulu yumo undondo umfwile ikusopamo utusenti
3tubili. Popapo alinkuyoba alinkuti: Naloli nikubabula une nikuti, unkikulu umfwile undondo uyu, yo asopilemo ukuba-
4kinda bosa. Namanga bosa bababa basopilemo mfyabupe ukufuma muli ifi fiyelile; loli umwene mbulondo bwake, asopilemo fyosa ifi ali nafyo.
Yesu ikuyobela ngani isya kubulutuka kwa Tempeli
(Mat. 24,1-2; Mar. 13,1-2)
5Lelo abandu bamo, bo bikuyoba isya Tempeli, muno anokesigwe namabwe amanunu nifyabupe, alinkubabula
6alinkuti: Fyosa ifi mukufiketa, — gikwisaga amasiku apa nalimo ilibwe litisakulekigwaga pibwe ilinine ilisitakubulutuligwamo.
(Mat. 24,3-14; Mar. 13,3-13)
7Popapo balinkundalusya balinkuti: Mmanyisi, kali sisisi sikuyangako ndili? Nikimanyilo kya kwisakumanyilamo ukuti
8syosa sisisi sikuya pakwisa kyo kiliku? Umwene alinkubabula alinkuti: Mwandege, nayumo angabasyobaga. Namanga bingi bisakwisilaga mungamu yangu bisakutigi: Yo yuyune, kangi bisakutigi: Akabalilo kasegelile; bo mungisakuba-
9kongaga. Linga mukupilika isya bwite nukulundukana, mungisakunyomokaga; buno sisisi syo fikuti sitalege tasi, loli ubumalikisyo bo butikwisaga nakalinga.
Ubutolwe ubu bukwisaga
(Mat. 24,3-25; Mar. 13,3-23)
10Popapo alinkubabula alinkuti: Ikikolo kisakukisambukilaga ikikolo ikinine, bope ubutwa bwisakubusambukilaga ubutwa
11ubunine; twisakuyako utusenyenda utukulumba mbuyo bu bwingi, ninjala, nimbungo imbela filalilali; sisakuyako imbela
12lutende, nifika ifikulumba ukufuma kumwanya. Loli bo sikali syosa sisisi, bisakubakolaga nukubafwima, bisakubatwalaga mmaSinagogi na nnyumba sya bannyololo; bisakubatwalaga kubatwa na kubalindililakisu panongwa ya ngamu yangu.
13-14Syo sisakuyaga sya lusisimikisyo kumyinu. Syo musibikege lelo mundumbula syinu, mungisakwinogonelaga ngani
15isya kwilongela; buno une nisakubapaga amasyu nkanwa namahala, aga bosa aba bikubafifya bisakutoligwaga ukuka-
16nikana nago, pamo ukugapinga. Bope na ba bapapi binu nabamyinu, nabakamu binu, nabamanyani binu bisakubabikaga mmaboko ga balugu; bamo muli umwe mwisakugogi-
17gwaga; kangi mwisakubengigwaga nabandu bosa panongwa
18ya ngamu yangu. Loli nalumo ulunywili lwa pamitu gyinu
19lutisakonangikaga. Mbufindangʼoma bwinu mo mwisakukabilaga ubumi bwinu.
(Mat. 24,14-28; Mar. 13,14-23)
20Linga mwisilekwaga akaya ka Yerusalemu kasyungutiligwe nifilundilo fya bwite, po mwisemumanyege ukuti ukupalanga-
21nika kwake kusegelile. Po aba bali mu-Yudai babopelege mfyamba, naba bali nkati mmyake basokengemo, kangi naba
22bali mmigunda bangingilangamo; buno go masiku ga lubukisyo#lubukisyo, bamo bikuti kugalukisyapo. gagaga, ukuti syosa isi sisimbigwe mo simalikilege.
23Hitata kuli aba bali nififuba, na kuli aba bikongesya mmasiku gala! Namanga bwisakuyako ubutolwe bu bwingi nkisu,
24ningalalisi kukikolo kya bandu aba. Bisakugwaga kubwembe bwa lubo, kangi bisakukoligwaga nukutwaligwa nifikolo fyosa; Yerusalemu isakukanyangigwaga nabapanja, ukwisakufika papo akabalilo ka bapanja kisakumalikilaga.
Ubumalikilo bwa kisu
(Mat. 24,29-31; Mar. 13,24-27)
25Po fisakubonekaga ifika mwisuba na mmwesi na mundondwa; pakisu ifikolo fya bandu fisakuyaga nubukamandanigwa, bisakwagaga kusobile kulekile itolo bo inyanja yikobela
26nukuyunganika kwa mayiga. Abandu bisakusilikaga panongwa ya lutende, na panongwa ya kusigulila isi sikukisilaga ikisu, namanga amaka ga kumwanya gisakuyunganikaga.
27Panyuma lelo po bisakumbonaga Nnyamundu bo ikwisa
28mmabingu, namaka nubukulumba bu bwingi. Loli linga sikwanda ukuboneka sisisi, po mwise muketege kumwanya, mwise mwinulege imitu gyinu, namanga bo ukubangigwa kwinu kusegelile.
Isya kuya maso
(Mat. 24,32-35; Mar. 13,28-31)
29Popapo alinkubabula ikifwanikisyo alinkuti: Amuketege
30unkuyu nimipiki gyosa; bo gitulwile mugibwene, po muku-
31manya yuyumwe ukuti umpingo guli kifuki. Bunobuno lelo nanumwe, bo mukusibona sisisi ukuboneka, po mumanyege
32ukuti ubutwa bwa Kyala busegelile. Naloli nikubabula une nikuti: Ingulilo ya lilino iyi yitisakuyongaga yosa, ukufika
33papo syosa sisisi sikubonekelaga. Ikya kumwanya nikya pasi fyo fikuyongaga, loli amasyu gangu gatisakuyongamo siku.
34Mwandege ukuti indumbula syinu singipelaga sito nubupafu nubugale, nukwikolania nifya bumi ubu, ko kuti ilisiku
35lila lingisakubisilaga nukubambulania bo untego; namanga bo
36Bisakubisilaga bosa aba bayengile pamwanya pakisu. Loli amuyege maso bwila mwiputege, ukuti mwisemubwage ubuponelo muli syosa isi sikuya pakwipela, nukwima nkyeni mwa Nnyamundu.
37Bwila pamusi alinkumanyisya mwa Tempeli, pakilo po
38alinkwakugona nkyamba iki batigi kya misyunguti. Nulubunju abandu bosa balinkutemelela ukubuka kukumpilikisya mwa Tempeli.
Currently Selected:
Luka 21: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
