Luka 22

Ubusyobi bwa Yuda

(Mat. 26,1-5.14-16; Mar. 14,1-2.10-11)

1Ikyene ikyaka kya fisyesye ifisitankese, iki bikuti yo

2Pasa ingamu kyasegelile. Popapo abaputi abakulumba nabamanyakalata balinkulonda injila ya kungogelamo; namanga babatilaga abandu.

(Mat. 26,14-16; Mar. 14,10-11)

3Loli Setano alingile mwa Yuda uyu batigi yo Iskarioti, uyu

4ali yo yumo muli bala kalongo na babili; yo alinkubuka alinkwakuyobana nabaputi abakulumba nabakulumba ba

5basikali, isya kumbika mmaboko gabo. Abene balinkusekela,

6balinkwitikana nagwe ukunhomba indalama. Umwene alinkwitika, alinkulonda akabalilo akanunu aka kumbikila mmaboko gabo pabusita kilundilo.

Ukutendekesigwa kwa findu fya mayolo ifya bumalikisyo

(Mat. 26,17-19; Mar. 14,12-16)

7Popapo lilinkwisa ilisiku lya fisyesye ifisita nkese, ili lyali lya

8kwikemekesya akangʼosi ka Pasa. Popapo alinkubatuma ba-Peteri na Yohani alinkuti: Amubukege mukatutendeke-

9kesyege Pasa, ukuti twisetulye. Abene balinkundalusya

10balinkuti: Gwatigi tukatendekekesye kugu? Umwene alinkubabula alinkuti: Keta, bo mukwingila nkaya, isakwaganilaga nanumwe umundu uyu apimbile indeko ya misi, yo mukankongege, mukingilege nagwe nnyumba mumo ikwakwingilaga.

11Mukayobege nagwe umwenenyumba mukatigi: UMmanyisi ikuti: Yili kugu inyumba ya bahesya iya kulilamo une Pasa

12pamopene nabafundigwa bangu? Umwene isakubanangisyaga inyumba inywamu iya kwiyulu, iyi yitendekesigwe; mo

13mukatutendekekesyege. Popapo balinkubuka, balinkwakusyaga bo mumo ababulilaga, mo balinkutendekesya Pasa.

Ifindu fya mayolo ifya bumalikisyo

(Mat. 26,20-30; Mar. 14,22-26; 1 Kor. 11,23-25; Yoh. 13,21-30)

14Lelo bo kafikile akabalilo, alinkutugala pakulya pamopene

15nabatumigwa. Popapo alinkubabula alinkuti: Nnyonyilwe fiyo ukulya Pasa uyu nanumwe, bo tasi ngali ukukubilwa;

16namanga nikubabula une nikuti: Ndisakulyamo kangi, ukufika

17papo isakumalikilaga mbutwa bwa Kyala. Popapo alinkwega ikinwelo, alinkugwa ulupi alinkuti: Ele, iki muyabanege

18yuyumwe; buno nikubabula une nikuti, ukufuma lilino, ndisakwandisyamo ukunwa ifya museke sya mafilu, ukufika

19papo bukwisilaga ubutwa bwa Kyala. Popapo alinkwega ikisyesye, alinkugwa ulupi, alinkukimenyania alinkubapa alinkuti: Iki go gu mbili gwangu ugu gupegigwe panongwa yinu; bo mutendekege bunobuno ukungumbukilamo une.

20Bunobuno kyope nikinwelo, bo balile ifya mayolo, alinkuyoba alinkuti: Ikinwelo iki lo lwitikano ulupya ulwa mwilopa

21lyangu, ili likubonekelaga umwe. Loli keta, ikiboko kya uyu ikumbikaga mmaboko ga balugu, kili nanine pakitalati.

22Namanga Nnyamundu yo ikubuka bo mumo sitendekesigwe, loli hitata kumundu yula ikumbikaga mmaboko ga balugu!

23Abene balinkwanda ukulalusania ukuti, kali ayege ywani mmyabo uyu ikuya pakusibomba sisisi.

Ubukulumba bwa naloli

(Mat. 20,24-28; Mar. 10,41-45)

24Popapo lulinkutupuka ulukani mmyabo, ulwa kuti ywani

25uyu ikuyobigwa ukuya yo nkulumba kuli bosa. Umwene alinkubabula alinkuti: Abatwa ba bapanja bikubalambikila ulwa butwa abandu, naba bali namaka pamyabo, bikuyobigwa

26ukuya bape. Umwe loli bo singayaga kumyinu; unkulumba mmyinu yo ipelege ukuya bo yu nnandi, nundongosi ayege bo

27yu mbombi. Kali ywani nkulumba, uyu atugele pakulya, pamo uyu ikumbombela? Akaya yo uyu atugele pakulya?

28Loli une mmyinu ndi bo yu mbombi. Loli umwe, yo umwe

29mumilisye ukuya nanine mungelo syangu; nikubalekela

30umwe ubutwa, bo apa Tata andekile nanine, ukuti mwisemulyege nukunwa pakitalati kyangu mbutwa bwangu; nukutugala pafikota fya butwa, ukufilonga ifikolo kalongo na fibili fya Israeli.

Yesu ikuyobela ngani isya kwikana Peteri

(Mat. 26,31-35; Mar. 14,27-31; Yoh. 13,36-38)

31Popapo alinkuti: Gwe Simoni, Simoni, keta Setano

32abasumile ukuti abapetege bo ingano; loli une ngupyelekisye ukuti ulwitiko lwako lungagaga; nanungwe linga gwisile-

33kugomoka, gwisʼubakasyege abamyinu. Umwene alinkumbula alinkuti: Malafyale, nilinganikisye ngani ukubuka

34nanungwe munnyololo, nalinga mo mbufwe. Umwene alinkumbula alinkuti: Nikukubula ugwe Peteri, umusyugu yitisakukolela ingongobe bo ukikana katatu kumyangu, ukuti ukamanya.

35Popapo alinkubalalusya alinkuti: Pala mbatumege kisita nyambi ya ndalama, ninyambi ya munjila, nifilato, mwalya-

36gilwe fimo? Abene balinkuti: Himma, nafimo. Popapo alinkubabula alinkuti: Loli lilino, uyu linga ali ninyambi ya ndalama yo egege, bububo yope ninyambi ya munjila; loli uyu linga akaya nalo ulubo, yo ulisyege unselekesye gwake ulege

37lumo. Buno nikubabula une nikuti, isi sisimbigwe syo fikuti simalikilege mmyangu isya kuti: Abaliligwe lumo nabilangomelesyo. Namanga syosa isi sikunjoba une sili nubumalikilo.

38Abene balinkuti: Malafyale, keta silipo apa inyubo ibili.

Umwene alinkubabula alinkuti: Sifwene.

Yesu mu-Getsemani

(Mat. 26,36-46; Mar. 14,32-42)

39Popapo alinkusoka, alinkubuka kukyamba ikya misyunguti, bo mumo abombelaga bwila; bope nabafundigwa bake

40balinkunkonga. Lelo bo afikile papo, alinkubabula alinkuti:

41Amwiputege ukuti mungingilaga ndugelo. Umwene alinkwikwabapo kumyabo, ukufwana nuntambo gwa kulasila

42ilibwe, alinkufugama pasi alinkwiputa, alinkuti: Gwe Tata, linga gwiganile ukikisyege ikinwelo iki pamyangu; bomma

43ubwigane bwangu, loli ubwako bo bubombigwege. Popapo alinkunsetukila ugwandumi ukufuma kumwanya alinkunkasya.

44Lelo bo ali ndukubilo, alinkwiyumika fiyo ukwiputa; amafuku

45gake galinkuya bo amatonyela ga ilopa bo gikugwa pasi. Lelo bo asumwike apa iputaga, alinkwisa apa balipo abafundigwa

46bake, alinkwaga bagonile utulo twa busulumanie. Alinkuyoba nabo alinkuti: Fiki mugonile utulo? Amusumuke mwiputege, ukuti mungingilaga ndugelo.

Ukukoligwa kwa Yesu

(Mat. 26,47-56; Mar. 14,43-50; Yoh. 18,2-11)

47Lelo bo akali ikuyoba, keta, ikilundilo kya bandu kilinkwisa na uyu batigi Yuda ingamu, yumo muli bala kalongo na babili, abalongolile, yo alinkusegelela kwa Yesu ukuti amfipe.

48Umwene Yesu alinkumbula alinkuti: Gwe Yuda, kumbika

49Nnyamundu mmaboko ga balugu nulufipo? Abene lelo aba bali nagwe, bo basibwene isi syayaga pakuboneka, balinkuti:

50Malafyale, tubasengege nulubo? Popapo yumo umwinabo alinkunsenga untumwa gwa mputi unkulumba, alinkumwa-

51ngula imbulukutu ya kukililo. Popapo Yesu alinkwamula alinkuti: Amusilekege bububo; popapo alinkuyipalamasya

52imbulukutu, alinkumbumbulusya. Umwene Yesu alinkuyoba nabo abaputi abakulumba, nabalongosi ba Tempeli, nabakulumba aba balimwisile, alinkuti: Muliti mwisile nkulikola

53inyambuta apa mutwele inyubo ningili? Bwila nayaga nanumwe mwa Tempeli, mulinkusita nukungola; loli aka ko kabalilo kinu, go maka ga ngisi.

Peteri ikunkana Yesu

(Mat. 26,57-58.69-75; Mar. 14,53-54.66-72; Yoh. 18,12-18.25-27)

54Popapo balinkunkola balinkubuka nagwe, balinkwakwingila nnyumba ya mputi unkulumba; umwene Peteri yo alinku-

55konga pabutalipo. Lelo bo bakosisye umoto nkati ndupaso

56batugele pamopene, yope Peteri alinkutugasania nabo. Popapo yumo undindwana umbombi alinkumbona bo atugele mundangalila, alinkundulalila alinkuyoba alinkuti: Yope na

57yuyuyu ayaga pamopene nagwe. Umwene alinkukana ali-

58nkuti: Gwe nkikulu, une ngammanya. Lelo bo pakindilepo panandi, uyungi alinkumbona alinkuti: Nanungwe uli mwinabo. Loli Peteri alinkuti: Gwe kanya, ngaya yo une.

59Panyuma bo kakindile akabalilo kamo, uyungi alinkumilisya alinkuti: Sya naloli yope na yuyuyu ali nagwe, kabuno gwa

60mu-Galilai. Umwene Peteri alinkuti: Gwe kanya, ngasimanya nisi kuyoba. Nakalinga itolo bo akali ikuyoba,

61ingongobe yilinkukolela. Popapo uMalafyale alinkusyutuka, alinkunketa Peteri. Umwene Peteri alinkulikumbuka ilisyu lya Malafyale, mumo alimbulile ukuti: Umusyugu bo ningongobe yikali ukukolela kwisakwikana kumyangu katatu.

62Popapo alinkusoka panja, alinkulila nikitima.

Yesu ikoheligwa nukukomigwa

(Mat. 26,67-68; Mar. 14,65)

63Abene abandu aba bandindilililaga Yesu, balinkumwangalila

64nukunkoma. Balinkunkinga kumaso, balinkundalusya bali-

65nkuti: Kunguluka lelo, ywani uyu akukomile? Balinkuyoba namasyu agangi ga mingi aga kunhelula.

Yesu nkyeni mbaputi abakulumba

(Mat. 26,59-66; Mar. 14,55-64; Yoh. 18,19-24)

66Lelo bo bukile nulubunju, popapo balinkubungana abakulumba ba bandu, abaputi abakulumba nabamanyakalata,

67balinkuntwala kulukomano lwabo, balinkuti: Linga gwe Kristi yuyugwe, ulitubulaga. Umwene alinkubabula alinkuti:

68Linga nikubabula mutisakwitika napanandi; nalinga nikuba-

69lalusya, mutisakwamula. Loli ukwanda lilino, Nnyamundu

70isakutugasyaga kukililo ikya maka ga Kyala. Bosa balinkundalusya balinkuti: Ngimba lelo uli Mwana gwa Kyala? Umwene alinkubamula alinkuti: Bo lilyo mukuyoba, yo une.

71Popapo balinkuyoba balinkuti: Po twatigi tubulondege bwaki ubuketi ubungi? Buno tusipilike yuyuswe ukufuma nkanwa mmyake.

Currently Selected:

Luka 22: NYY

Highlight

Copy