Jɛnɛsis 45
45
Yosef tsɔ̃ɔ enyɛmimɛi lɛ mɔ ni ji lɛ
1 #
Bɔf 7.13
Agbɛnɛ Yosef nyɛɛɛ ehiɛ emia dɔŋŋ yɛ mɛi ni damɔ emasɛi lɛ fɛɛ ahiɛ, kɛkɛ ni efã ekɛɛ, “Mɔ fɛɛ mɔ aje kpo ashi mi.” No hewɔ lɛ, mɔ ko mɔ ko bɛ emasɛi be ni ejie ehe shi etsɔ̃ɔ enyɛmimɛi lɛ. 2Kɛkɛ ni ejwa yaafo bɔ ni Ijiptbii lɛ kɛ Farao we lɛ mli bii lɛ tete nu he. 3Ekɛɛ enyɛmimɛi lɛ akɛ, “Mi Yosef nɛ. Ani mitsɛ yɛ jeŋ lolo?” Shi enyɛmimɛi lɛ nyɛɛɛ lɛ hetoo ahã ejaakɛ amɛ jijaa yɛ ehiɛ. 4#Jɛn 37.28 No hewɔ lɛ, Yosef kɛɛ enyɛmimɛi lɛ akɛ, “Nyɛtsia nyɛbɛŋkɛa mi koo!” Kɛkɛ ni amɛtsi amɛbɛŋkɛ lɛ. Yosef kɛɛ amɛ akɛ, “Mi ji nyɛnyɛmi Yosef mɔ ni nyɛhɔɔ kɛba Ijipt lɛ. 5#Jɛn 50.20 Amrɔ nɛɛ nyɛkahãa edɔa nyɛ ni nyɛmli akawowoa nyɛhe la hu yɛ hɔɔmɔ ni nyɛhɔɔ mi kɛba biɛ lɛ hewɔ; ejaakɛ Nyɔŋmɔ diɛŋtsɛ ni tsu mi kɛtsɔ̃ nyɛhiɛ kɛba biɛ koni atsɔ̃ minɔ ahere mɛi ayiwala. 6Ejaakɛ afii enyɔ nɛ ni hɔmɔ ba shikpɔŋ lɛ nɔ, ni eshwɛ afii enumɔ hu lolo ni aduŋ nii ni akpãŋ nii hu. 7Shi Nyɔŋmɔ tsu mi kɛtsɔ̃ nyɛhiɛ koni ahã nyɛteŋ mɛi komɛi kɛ̃ ashwɛ yɛ shikpɔŋ lɛ nɔ koni ahere nyɛteŋ mɛi babaoo ayiwala ahã nyɛ. 8#Jɛn 41.40-43 Belɛ jeee nyɛ nyɛhã mibaje biɛ, shi Nyɔŋmɔ moŋ ni; ni lɛ nɔŋŋ ehã mitsɔ̃ tamɔ nɔ ni Farao tsɛ ji mi, ni ewo mi ewe lɛ fɛɛ nɔ nuŋtsɔ kɛ Ijipt shikpɔŋ lɛ fɛɛ nɔyelɔ. 9Nyɛhe afea oya ni nyɛyaa mitsɛ ŋɔɔ nyɛyakɛa lɛ akɛ, ‘Bɔ ni obi Yosef kɛɛ nɛ. Nyɔŋmɔ ewo mi Ijipt fɛɛ nɔ nuŋtsɔ, ba miŋɔɔ; kaatsɛ. 10Ba ni obahi Goshen kpokpai anɔ yɛ Ijipt, bɔ ni afee ni obɛŋkɛ mi, bo kɛ obii kɛ onabii kɛ otoi kɛ otsinai kɛ nibii fɛɛ ni oyɔɔ; 11ni malɛ bo yɛ jɛi; ejaakɛ eshwɛ hɔmɔ afii lɛ enumɔ lolo ni baaba; koni bo, kɛ owebii kɛ mɛi fɛɛ ni kɛ bo yɔɔ lɛ akabaye ohia.’
12“Ni naa, nyɛhiɛ tua, ni minyɛmi Benyamin hu hiɛ tua akɛ mi Yosef diɛŋtsɛ; mi kɛ nyɛ wieɔ hiɛ kɛ hiɛ nɛɛ. 13Nyɛyagbaa mitsɛ bɔ ni mihiɛ eba nyam yɛ Ijipt lɛ kɛ nɔ fɛɛ nɔ ni nyɛna lɛ. Nyɛhe afea oya koni nyɛkɛ mitsɛ aba biɛ.”
14Kɛkɛ ni Yosef fua enyɛmi Benyamin ni ejwa yaafo, ni Benyamin hu fua lɛ ni lɛ hu ejwa yaafo. 15Yosef saa eshwɔshwɔɔ enyɛmimɛi lɛ fɛɛ anaa ni efo. No sɛɛ lɛ, enyɛmimɛi lɛ kɛ lɛ bɔi wiemɔ.
16Be ni anu sane nɛɛ he yɛ Farao we lɛ akɛ Yosef nyɛmimɛi lɛ eba lɛ, eŋɔɔ Farao kɛ etsuji lɛ anaa jogbaŋŋ diɛŋtsɛ. 17No hewɔ lɛ, Farao kɛɛ Yosef akɛ, “Kɛɛmɔ onyɛmimɛi lɛ akɛ nɔ ni misumɔɔ ni nyɛfee nɛ: Nyɛfimɔa jatsui nyɛterea nyɛtejii lɛ, ni nyɛkua nyɛsɛɛ kɛyaa Kanaan shikpɔŋ lɛ nɔ 18ni nyɛyaŋɔa nyɛtsɛ kɛ nyɛbii kɛ nyɛhɔi kɛbaa. Mibahã nyɛ Ijipt shikpɔŋ lɛ he ni hi jogbaŋŋ ni nyɛhi nɔ ni nyɛye shikpɔŋ lɛ mli ŋɔɔmɔ. 19Asaŋ ofã amɛ akɛ, ‘Nyɛfea enɛ; nyɛŋɔa shwiilii kɛjɛa Ijipt shikpɔŋ lɛ nɔ kɛyaa yɛ nyɛbii kɛ nyɛŋamɛi lɛ ahewɔ koni nyɛkɛ nyɛtsɛ aba. 20Nyɛkahaoa nyɛhe yɛ nyɛnibii ni nyɛbaashi hewɔ ejaakɛ Ijipt shikpɔŋ lɛ fɛɛ nɔ nibii kpakpai fɛɛ lɛ, nyɛnɔ ni.’ ”
21Yakob bihii lɛ fee nakai; ni Yosef hã amɛ shwiilii yɛ Farao fãmɔ lɛ naa, ni ehã amɛ gbɛ nɔ niyenii hu. 22Asaŋ ehã amɛteŋ mɔ fɛɛ mɔ hetsakemɔ atade; shi Benyamin lɛ, ehã lɛ shika jwiɛtɛi kukuji ohai etɛ̃ kɛ hetsakemɔ atadei srɔtoi enumɔ. 23Nibii ni ekɛmaje etsɛ Ataa lɛ nɛ: tejii nyɔŋma ni tere Ijipt shikpɔŋ lɛ nɔ nibii kpakpai, kɛ tejiyei nyɔŋma ni tere abele kɛ aboloo ni etsɛ baaye yɛ gbɛ lɛ nɔ. 24#Jɛn 42.22 Kɛkɛ ni ewo enyɛmimɛi lɛ gbɛ. Be ni amɛyiɔ mli lɛ, ekɛɛ amɛ akɛ, “Nyɛkayabea yɛ gbɛ lɛ nɔ.”
25Ni amɛkɛshwie nɔ kɛjɛ Ijipt shikpɔŋ lɛ nɔ, ni amɛba amɛtsɛ ŋɔɔ yɛ Kanaan shikpɔŋ lɛ nɔ. 26Ni amɛbakɛɛ amɛtsɛ akɛ, “Ataa, Yosef yɛ jeŋ lolo, ni lɛ eyeɔ lumɔ yɛ Ijipt shikpɔŋ lɛ fɛɛ nɔ. Yakob yiŋ fee lɛ kɔshikɔshi ejaakɛ eheee amɛ eyeee.”
27Shi be ni amɛgba lɛ wiemɔ ni Yosef kɛ amɛ wie lɛ fɛɛ ni ena shwiilii ni Yosef hã koni akɛbaŋɔ lɛ kɛba lɛ, amɛtsɛ Yakob he tse lɛ, 28#Jɛn 46.30 ni ekɛɛ akɛ, “Omanye sane!#45.28: Omanye sane: Heb. Efa Mibi Yosef yɛ jeŋ lolo! Matee mayana ehiɛ dani magbo!”
Currently Selected:
Jɛnɛsis 45: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
