1 Mose 23
23
1Ni Sara ye afii oha ke̱ nyoṅmai-enyo̱ ke̱ kpawo; afii abo̱ ni Sara ye ne̱.
2Ni Sara gbo ye̱ Kiriat-Arba, no dši Hebron ni yo̱ Kanaan šikpoṅ le̱ no̱ le̱. Ni Abraham baye Sara he ṅko̱mo̱ ni ebafóle̱.
3Ni Abraham te ši ke̱-dše̱ egbonyo le̱ he, ni eke̱ Hetbii le̱ yawie ake̱:
4*Gbo̱ dšimi, ni nye mibato; nyehãami fũhe ko ye̱ nyeteṅ, koni mato migbonyo ni kã mihīe ne̱. 17,8.
5Ni Hetbii le̱ here Abraham no̱ ni ame̱kē̱le̱ ake̱:
6Bowo̱ toi, minuṅtšo̱! Nyoṅmo̱ lumo̱ dšio ye̱ wo̱teṅ; wo̱fū̃hei le̱ ateṅ noni hĩ fè fẽ le̱, fũ ogbonyo le̱ ye̱ mli; wo̱teṅ mokomoko etšīṅo gbe̱ ake̱ okafũ ogbonyo le̱ ye̱ efū̃he le̱.
7Ni Abraham te ši edamo̱ ši, ni ekoto šikpoṅ le̱ no̱ bii ni dši Hetbii le̱,
8ni eke̱ame̱ wie ekē̱: Ke̱dši nyeye̱ he tšui ake̱ mifũ migbonyo ni kã mihĩe ne̱, nyeboami toi, ni nyekpaä Zohar bi Efron le̱ fai nyehãami,
9koni eṅõ Makpela te̱kplo ni eyo̱, ní yo̱ ešikpoṅ le̱ nãgbẽ le̱, ehãmi; bo̱fẽ-bo̱ ni dši enā le̱ eṅõ-hãmi mahe, mafe midientše̱ mifühe ye̱ nyeteṅ.
10Ni Efron tá Hetbii le̱ ateṅ. Ni Efron, Hitnyo le̱, here Abraham ne̱ ye̱ Hetbii le̱ atoiiaṅ, ye̱ mei fẽ ni boteo̱ emaṅ le̱ agbó le̱ mli le̱ ahĩe, ake̱:
11Dahi, minuṅtšo̱, bomi toi! Šikpoṅ le̱ mike̱-mīhão, ni te̱kplo le̱ ni yo̱ mli le̱ hũ mike̱-mīhão; mimaṅbii le̱ ahĩe mike̱-hãao ye̱ ne̱. Fū ogbonyo le̱!
12Ni Abraham koto ši ye̱ šikpoṅ le̱ no̱ bii le̱ ahĩe,
13ni eke̱ Efron wie ye̱ šikpoṅ le̱ no̱ bii le̱ atoiiaṅ ekē̱; Ke̱dši oobomi toi ke̱ke̱ le̱, mahão šika maṅõ-he šikpoṅ le̱; he ye̱ mideṅ, ni mafũ migbonyo le̱ ye̱ dše̱i.
14Ni Efron here Abraham no̱, ni ekē̱le̱ ake̱:
15Minuṅtšo̱, bomi toi! Šikpoṅ ní nā dši dſie̱te̱i šekeli ohai-edſe̱ le̱, meni dši no ye̱ mike̱o teṅ? Nohewo̱ le̱ fũ ogbo-nyo le̱!
16Ni Abraham bo Efron toi, ni Abraham ṅmẽ dſie̱te̱i ní Efron tšĩ tã ye̱ Hetbii atoiiaṅ le̱ ehãle̱, dſie̱te̱i šekeli ni dšra-yele̱i yeo̱ le̱ ohai-edſe̱.
17Ni atn Efron šikpoṅ le̱ ni yo̱ Makpela, ye̱ Mamre hĩe le̱, abō̱ le̱ ke̱ te̱kplo le̱ ní yo̱ mli le̱, ke̱ tšei fẽ ní yo̱ abō̱ le̱ mli, ke̱ nii ni mãmo̱ ehũsũi ano̱ ke̱-kpe le̱ fẽ,
18awo Abraham dẽ, koni etšṍ enõ ye̱ Hetbii le̱ fẽ ke̱ mei fẽ ni tšṍo̱ emaṅ le̱ agbṍ mli le̱ ahĩe.
19Ni ene̱ se̱ le̱ Abraham fũ eṅã Sara le̱ ye̱ te̱kplo ni yo̱ Makpela abō̱ le̱ṅ le̱ mli ye̱ Mamre hĩe, no dši Hebron ní yó̱ Kanaan šikpoṅ le̱ no̱ le̱.
20Ni atn abō̱ le̱ ke̱ *te̱kplo le̱ ní yo̱ mli le̱ awo Abraham dẽ, ni etšṍ le̱dientše̱ eſū̃he ní dše̱ Hetbii le̱ adeṅ. *25,9. 10; 47,30; 49,29. 30; 50,13.
Currently Selected:
1 Mose 23: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
