1 Mose 32
32
1Ni lebi mā̃ṅkpa le̱ Laban te ši ni eſo̱ſō̱ ebihĩĩ ke̱ ebiyei le̱ anã ni edšō̱ame̱. Ni Laban ṅõ-tšere̱ mli ke̱-kũ ese̱ ke̱-te emaṅ.
2Ni Iakob hũ ṅõ-ſie no̱; ni *Nyoṅmo̱ bo̱foi ke̱le̱ bakpe. *28,12. Lal 84,8.
3Ni beni Iakob naame̱ le̱, ekē̱: Ene̱ le̱ Nyoṅmo̱ ta ne̱! Ni ewo dše̱i Mahanaim.
4Ni Iakob tšũ bo̱foi ke̱-tšṍ ehĩe ke̱-te enyemi Esau ṅõ ye̱ *Seir šikpoṅ ni dši Edom ṅã le̱ no̱. *36,8.
5Ni ewoame̱ kitã ake̱: Nyeyakē̱a minuṅtšo̱ Esau akē̱: Bo̱ni otšũlo̱ Iakob kē̱ ne̱: Miyato gbo̱ ye̱ Laban ṅõ, ni mitše̱ ye̱ dše̱i āhũ ke̱-baši bene̱,
6ni miná tšinai ke̱ tedšii ke̱ tōi ke̱ tšūdšihĩĩ ke̱ tšũdšiyei; ni mitšũ ni abakē̱ minuṅtšo̱, koni mihĩe aba nyam ye̱ ohĩe.
7Ni bo̱foi le̱ kū ame̱se̱ ame̱ba Iakob ṅõ, ni ame̱kē̱: Wo̱te onyemi Esau ṅõ, ni le̱ hũ eke̱ hĩĩ obai-edſe̱ mība abakpeo.
8Ke̱ke̱ ni Iakob še gbeyei ni efe yeyēye naakpa, ni edša asafo ni fata ehe le̱ ke̱ tōi le̱ ke̱ tšinai ke̱ yomai le̱ amli kui enyo̱,
9ni ekē̱: Ke̱dši Esau ba asafoku kome ne̱ no̱ ni ebatſiaame̱ nii le̱, koni ku kome ní eſe̱ le̱ aná gbe̱ adšo foi.
10Ni Iakob sã kē̱: Mitše̱ Abraham Nyoṅmo̱ ke̱ mitše̱ Isak Nyoṅmo̱, Iehowa, *moni kē̱mi ake̱: Kũ ose̱ oya ošikpoṅ no̱ ke̱ owekumei aṅõ, ni mafeo dšogbāṅ le̱; *31,3. 13.
11omo̱bo̱nale̱i ke̱ onokwayeli fẽ ni odšie otšõ otšũlo̱ le̱, ekomeflo ne̱ke̱ *esaami; ši tšo mihĩe ke̱-fo Iordan ne̱, ni agbe̱ne̱ mitšṍ asafokui enyo. *2 Sam. 7,18.
12Mīkpao fai ni odšiemi ke̱-dše̱ mi-nyemi le̱ deṅ, ke̱-dše̱ Esau deṅ; ši mïšele̱ gbeyei, koni ekaba ni ebatſiami ke̱ nye ke̱ bii le̱ fẽ nii.
13Ši bö *okē̱ ake̱: Mafeo dšogbãṅ, ni mabã oseši atšṍ tamo̱ ṅšo̱ nā šia ní anyẽṅ akane ye̱ fále̱ nā! *28,13. 14.
14Ni ewo̱ dše̱i nakai nyõ le̱ṅ; ni eṅṍ nii ni ehĩe le̱ eko eyake enyemi Esau:
15tōabotiayei obai-enyo̱ ke̱ tōkpa-kpoi nyoṅmai-enyo̱, tõgwanteṅyei ohai-enyo̱ ke̱ tōagboi nyoṅmai-enyo̱,
16yomai ni hãa fufo̱ ke̱ ame̱bii nyoṅmai-etẽ, tšinayei nyoṅmai-edſe̱ ke̱ tšinahĩĩ nyoṅma, tedšiyei nyoṅmai-enyo̱ ke̱ te-dšibii nyoṅma
17Ni eṅõame̱ ewo etšũdši le̱ adeṅ, kui kui; ni ekē̱ etšũdši lē̱ ake̱: Nyetšṍa mibĩe ni nyehãa gbe̱ akãa ku ke̱ ku teṅ.
18Ni ewo tsutšumo le̱ kitã ake̱: Ke̱dši minyemi Esau ke̱o kpe, ni ebio ake̱: Namo gbomo dšio, ni nẽgbe̱ oyaä, ni namo nii dši ene̱mei ní nyie ohĩe ne̱? le̱,
19no le̱ okē̱ ake̱: Otšũlo̱ Iakob nikẽnii ní etšũ ake̱ ake̱-bake minuṅtšo̱ Esau ni; ni na, le̱ hũ enyie wo̱se̱.
20Ni nakai kitã noṅṅ ewo moni dši enyo̱ le̱ ke̱ moni dši etẽ le̱ ke̱ mei fẽ bũ ni nyie kui le̱ ase̱ le̱ ake̱: Kē̱ nyenina Esau le̱, bo̱ni nyeke̱le̱ awie ne̱;
21ni nyesā nyekē̱ale̱ ake̱: Na, otšũlo̱ Iakob nyie wo̱se̱. Edšake̱ ekē̱: Mike̱ nikēnii ni nyie mihĩe ne̱ yakpãtãle̱, ni no se̱ dãni mayana ehĩe, ekole̱ eekwe̱ mihĩe.
22Ke̱ke̱ ni ake̱ nikẽnii le̱ tšṍ ehĩe, ši le̱dientše̱ le̱ ehĩ asafo le̱ ṅõ nakai nyō le̱ṅ.
23Ni ete ši nakai nyō le̱ṅ, ni eṅõ eṅãmei enyo̱ le̱ ke̱ eweyei enyo̱ le̱ ke̱ ebihĩĩ nyoṅma ke̱ ekome le̱ ni eyafo Iabok fōhe le̱;
24ni eke̱ame̱ fo fā le̱ ke̱ enii ní eyo̱ le̱ fẽ.
25Ni ebaſe̱ Iakob kome. Ni nū ko ke̱le̱ banõ ke̱-yaši dšetše̱remo̱. Hos. 12,45.
26Ni beni ena ake̱ enyẽẽle̱ le̱, eta egboṅ talo̱ le̱ he, ni Iakob gboṅ talo̱ le̱ hwãṅ beni eke̱le̱ nõo̱ le̱.
27Ni ekē̱: Hã maya, ši dše mītše̱re! Ši ekē̱: *Mihãṅ oya, dša odšō̱mi dã! *Mat. 16,22-28.
28Ni ebile̱ ake̱: Té ogbe̱iṅ? Ni ekē̱: Iakob.
29Ni ekē̱ ake̱: *Atšē̱ṅ ogbe̱i Iakob doṅṅ, ši Israel aatšē̱o; edšake̱ oke̱ Nyoṅmo̱ ke̱ gbomei eši mple ni oye kũnim. *36,10.
30Ni Iakob bile̱ ake̱: Mīkpao fai ni *otšõmi ogbe̱i! Ni ekē̱: Meni hewo̱ ni obio̱ migbe̱i ne̱? Ni edšō̱le̱ ye̱ dše̱i. *Kodš. 13,17. 18.
31Ni Iakob wo dše̱i Peniel; edšake̱ ekē̱: *Mina Nyoṅmo̱ hĩe kē̱ hĩe, ši migboo. *2 Mose 33,20.
32Ni beni efoṅ ye̱ Peniel le̱, hũlũ dše ye̱ eno̱, ni etšutšo̱ ye̱ egboṅ le̱ mli.
33Nohewo̱ le̱ Israelbii le̱ yee fã ní suo̱ ni yo̱ gboṅ talo̱ le̱ mli le̱ ke̱-baši ṅme̱ne̱ṅme̱ne̱, edšake̱ eta Iakob gboṅ talo̱ le̱ he ye̱ fã ni suo̱ le̱ he.
Currently Selected:
1 Mose 32: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
