1 Mose 33
33
1Ni Iakob hole ehĩṅme̱ii ane̱ ekwe̱, ni na, *Esau mība, ni mei ohai-edſe̱ fata ehe. Ni edša gbekẽbii le̱ amli ebã Lea ke̱ Rahel ke̱ weyei enyo̱ le̱; *32,7.
2ni eṅõ weyei le̱ ke̱ ame̱bii le̱ eto hĩegbe̱, ni Lea ke̱ ebii le̱ nyie se̱, ni Rahel ke̱ Iosef kpe yi;
3ši le̱dientše̱ le̱ eho eyi ame̱hĩe ni ekoto ši fle̱ofle̱o šii kpawo ke̱-yaši be-yino̱ ní eše̱ enyemi le̱ ṅõ.
4Ni Esau ša foi eke̱le̱ bakpe, ni elōle̱ atū, ni eke̱ eyitšo fõ ekue̱ no̱, ni eſo̱ enā, ni ame̱fó.
5Ni ehole ehīṅme̱ii ano̱, ni ena yei le̱ ke̱ gbekẽbii le̱, ni ekē̱: Namei dši mei ní fata ohe ne̱? Ni ekē̱: Bii *ní Nyoṅmo̱ edro otšũlo̱ le̱ ni. *Lal. 127,3.
6Ke̱ke̱ ni weyei le̱ tši ba, ame̱ke̱ ame̱bii le̱, ni ame̱bakoto ši.
7Ni Lea hũ ke̱ ebii le̱ tši ba, ni ame̱bakoto ši; ni no se̱ le̱ Iosef ke̱ Rahel tši ba, ni ame̱bakoto ši.
8Ni ekē̱: *Kui kui ni mike̱-kpe ne̱ fẽ le̱, té ešišiṅ? Ni ekē̱: Beni afe ní mihĩe aba nyam ye̱ minuṅtšo̱ hĩe. *32,14-21.
9Ni Esau kē̱: Bo̱ni miyo̱ le̱ fá, minyemi, hã onõ le̱ ahĩ ši ahão!
10Ni Iakob kē̱: Dabida, mĩkpao fai, ni ke̱dši mihĩe eba nyam ye̱ ohĩe le̱, no le̱ hemo̱ mideṅ nikēnii le̱; ši ni mina ohĩe ne̱, tamo̱ noni mina *Nyoṅmo̱ hĩe, ni oná mihe tšui hũ. *2 Sam. 14,17.
11Mīkpao fai ni ohe *minikẽnii ni ake̱-bahão ne̱; edšake̱ Nyoṅmo̱ edromi, ni misã miye̱ nofēno hũ. Ni ehĩele̱ āhũ, ni ehe. *1 Sam. 26,27; 30,26.
12Ni ekē̱: Hã ni wo̱ṅõ-ſie no̱ ni wo̱ya, ni matšṍ ohĩe.
13Ni ekē̱le̱ ake̱: Minuṅtšo̱ le ake̱ gbekẽbii le̱ ahĩe esako, ni tōi ke̱ tšinai ni bãa fufo̱ fata mihe; ni ke̱dši atšire̱ ame̱yise̱ gbĩ kome dšenamo̱ le̱, koloi le̱ fẽ aabagboi.
14Nohewo̱ le̱ hã ni minuṅtšo̱ atšṍ etšũlo̱ hĩe, ni mi le̱ manyie ble̱ōble̱ō, bo̱ni koloi le̱ ni nyie mihĩe le̱ ke̱ gbekẽbii le̱ aanyẽ, ke̱-yaši beyino̱ ní maba minuṅtšo̱ ṅõ ye̱ Seir.
15Ni Esau kē̱: Hã mašĩ mei ni ke̱mi nyie lē̱ eko mato ohe. Ni ekē̱: Mēba ehia? Hã ni mihĩe aba nyam ye̱ minuṅtšo̱ hĩe ke̱ke̱!
16Ke̱ke̱ ni Esau kũ ese̱ nakai gbĩ le̱, ni eyiṅ ke̱-te Seir.
17Ni Iakob ṅõ-ſie no̱ ke̱-te Sukot, ni eyamã etšũ ye̱ dše̱i, ni efe asesei ehã ekoloi le̱; nohewo̱ le̱ awo dše̱i Sukot.
18Ni Iakob še̱ šekem maṅ le̱ ni yo̱ Kanaan šikpoṅ le̱ no̱ le̱ ſeſēſe, beni edše̱ Mesopotamia ebaä le̱, ni ebašišĩ ebūi ye̱ maṅ le̱ hĩe.
19Ni ebā dſie̱te̱i kukudši oba *eke̱he šikpoṅ le̱ ni eši ebū le̱ ye̱ no̱ le̱, ye̱ Šekem tše̱ Hamor bii le̱ adeṅ. *Ios. 24,32.
20Ni emã afo̱lešãlate̱ ye̱ dše̱i, ni ewole̱ gbe̱i ake̱ Israel Nyoṅmo̱ Mawu le nõ. 12,7. 8.
Currently Selected:
1 Mose 33: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
