1 Mose 34
34
1Ni Dina, Lea hiyõ le̱ *ní eke̱ Iakob fo̱ le̱, dše kpo ete šikpoṅ le̱ no̱ biyei le̱ akwe̱mo̱. *30,21.
2Ni beni šikpoṅ le̱ no̱ lumo̱ ní dši Hivnyo Hamor le̱ bi Šekem le̱ nale̱ le̱, emõle̱ ni eke̱le̱ wo̱ ni efitele̱.
3Ni etšui mõ Iakob biyō Dina le̱, ni ešumo̱ oblayō le̱ sane, ni ehã oblayō le̱ tšui.
4Ni Šekem kē̱ etše̱ Hamor ake̱: Yaw̌e̱ ne̱ke̱ oblayō ne̱ ohãmi.
5Agbe̱ne̱ Iakob nu ake̱ abule ebiyō Dina le̱; no mli le̱ ebihĩĩ le̱ ke̱ ekoloi le̱ ye̱ ṅãno̱, hewo̱ le̱ Iakob bu enā ke̱-yaši beyino̱ ní ame̱ba.
6Ni Šekem tše̱ Hamor le̱ dše kpo ke̱-te Iakob ṅō, koni eke̱le̱ ayawie he.
7Ni beni Iakob bihĩĩ le̱ nu be le̱, ame̱dše̱ ṅã le̱ no̱ ame̱ba. Ni edo̱ oblahĩĩ le̱ ni ame̱mli wo la naakpa, edšake̱ efe *hĩegbedšianii ye̱ Israel, ake̱-ní eke̱ Iakob biyō le̱ wo̱ le̱; ši esaa ake̱ afeo̱ nakai noko. *5 Mose 22,21.
8Ni Hamor ke̱ame̱ wie ekē̱: Mibi Šekem tšui emõ nyebiyō le̱; mĩkpanye fai ni nyeṅõle̱ nyehãle̱ gblã.
9Nyeke̱wo̱ ayea yōw̌ē̱; nyeṅōa nyebiyei nyehãawo̱ gblã, ni nye hũ nyew̌e̱ wo̱biyei,
10ni nyeke̱wo̱ ahĩa ši. Šikpoṅ le̱ nā kã hãnye; nyehĩa no̱, ni nyetšu no̱ nii, ni nyenáa nii ye̱ no̱.
11Ni Šekem kē̱ etše̱ ke̱ enyemimei le̱ ake̱: Nyehãa mihĩe abaä nyam ye̱ nyebleaṅ, ši nofẽno ni nyeabimi le̱, mahã.
12Nyebiami gblãnii ke̱ kẽnii bo̱fẽbo̱, ni bo̱ni nyeabimi le̱ mahãnye, koni nyeṅõ oblayō le̱ nye̱bãmi. 2 Mose 22,16.
13Ni Iakob bii le̱ wie ni ame̱ke̱ hĩelakamo̱ hã Šekem ke̱ etše̱ Hamor hetō, edšake̱ ebule ame̱nyemiyō Dina le̱,
14ni ame̱kē̱ame̱ ake̱: Wo̱nyẽṅ ne̱ke̱ sane wo̱ye, ni wo̱ṅõ wo̱nyemiyõ le̱ wo̱hã moko ní dši fōlo̱, edšake̱ no le̱ wo̱to kpa.
15Ši gbe̱ no̱ ni wo̱o̱kplẽnye ke̱ke̱ ne̱: ke̱dši nyeatšṍmo̱ tamo̱wo̱, ni aaflo̱ nyeteṅ hĩĩ fẽ ketia le̱.
16No le̱ wo̱o̱ṅõ wo̱biyei wo̱hãnye gblã, ni wo̱ hũ wo̱o̱ṅõ nyebiyei, ni wo̱ke̱nye aabī ši, ni woo̱tšṍ maṅ kome.
17Ši ke̱dši nyeboowo̱ toi ní nyehã aflo̱nye ketia le̱, no le̱ wo̱o̱ṅõ wo̱biyō le̱ ní wo̱ya
18Ni ame̱wiemo̱i le̱ sa Hamor ke̱ Hamor bi Šekem hĩe.
19Ni oblanyo le̱ eṅõõ nakai nii le̱ femo̱ le̱ ešašaoo ši, edšake̱ eye̱ Iakob biyō le̱ be tšui. Ni abuo̱le̱ fè etše̱ we le̱ bii fẽ.
20Ni Hamor ke̱ebi Šekem le̱ ba ame̱mā le̱ṅ agbó le̱ nā, ni ame̱ke̱ ame̱mã le̱ṅ hĩĩ le̱ wie ní ame̱kē̱:
21Ne̱ke̱ gbomei ne̱ ke̱wo̱ ye̱ ye̱ hedšo̱le̱ mli, nohewo̱ le̱ nyehãa ame̱hĩa šikpoṅ le̱ no̱, ni ame̱tšu no̱ nii; ni na, šikpoṅ le̱ hũ da āhũ hãame̱; nyebãa wo̱ṅõa ame̱biyei le̱ wo̱w̌e̱a, ni wo̱ hũ wo̱ṅõ wo̱biyei le̱ wo̱hãame̱.
22Ši kē̱ aflo̱ wo̱teṅ hĩĩ fẽ ketia, tamo̱ bo̱ni aflo̱ame̱ le̱, dša no, dãni gbomei le̱ aakplẽ wo̱ke̱ šihĩle̱, ni ame̱ke̱wo̱ aafe maṅ kome.
23Ame̱kolokui ke̱ ame̱nii ní ame̱yo̱ ke̱ ame̱šĩa koloi fẽ le̱, dšee wo̱nii ebatšṍmo̱ṅ? Nyehãa wo̱kplẽa wo̱hãa-ame̱ ke̱ke̱, ni ame̱ke̱wo̱ ahī ši.
24Ni mei ni tšṍo̱ Hamor maṅ le̱ agbó le̱ mli dšeo̱ kpo̱ fẽ bole̱ ke̱ ebi Šekem toi, ni afio̱ hĩĩ fẽ ní tšṍo̱ emaṅ le̱ agbó le̱ mli dšeo̱ kpo le̱ ketia.
25Ni eba mli ake̱ gbĩ ní dši gbĩ etẽ le̱, beni ame̱fadši le̱ ewo wu le̱, Iakob bihĩĩ enyo̱ *ni dši Simeon ke̱ Levi, Dina nyemimei le̱, kŏ̱lo̱ ame̱klantei ni amebatua maṅ le trukã, ni amegbe hĩĩ le̱ fē; *49,5-7.
26ni ame̱gbe Hamor ke̱ ebi Šekem hũ ye̱ klante nā, ni ame̱yaṅõ Dina ye̱ Šekem we le̱, ni ame̱yiṅ ame̱te.
27Ni Iakob bihĩĩ le̱ banina mei ni enyõnyõi Ie̱, ni ame̱ha maṅ le̱, edšake̱ ame̱bule ame̱nyemiyō le̱.
28Ame̱tōi ke̱ ame̱tšinai ke̱ ame̱tedšii ke̱ nii ní yo̱ mã le̱ṅ ke̱ nii ni yo̱ ṅãno̱ le̱, ome̱lō ke̱-te.
29Ni ame̱ṅõ ame̱henii fẽ ke̱ ame̱bii bibii fẽ ke̱ ame̱ṅãmei nom, ni ame̱ha ame̱we nibii fẽ.
30Ni Iakob kē̱ Simeon kē̱ Levi ake̱: Nyewomi amane mli, ni nyebã mihe *edše fũ ewo šikpoṅ le̱ no̱ bii ní dši Kanaanbii ke̱ Perizbii le̱; ni mi hũ ni miyikule̱ dši fiõ ne̱, ame̱abua ame̱he nä amebatuami ni ame̱agbemi; ni aakpãtã mihĩe, mike̱ miwe le̱. *2 Mose 5,21.
31Ni ame̱ke̱: Aso edša ake̱ afe wo̱nyemiyō le̱ tamo̱ afeo̱ adſamaṅ ko?
Currently Selected:
1 Mose 34: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
