1 Mose 40
40
1Ni sãdši ne̱ ase̱ le̱ eba mli ake̱ Mizraim maṅtše̱ le̱ dā̃wolo̱ le̱ ke̱ ebološãlo̱ le̱ yatõ ame̱nuṅtšo̱ ní dši Mizraim maṅtše̱ le̱ no̱.
2Ni Farao mli fũ epiafoi enyo̱ ne̱, edā̃wolo̱i anukpa le̱ ke̱ ebološãlo̱i anukpa le̱,
3ni eyawoame̱ tšũṅ ye̱ oblafoi atše̱ le̱ šĩa le̱, ye̱ gbokle̱foi atšũ le̱ṅ, heni aṅõ *Iosef awo le̱. *39,20.
4Ni oblafoi atše̱ le̱ tuame̱ ewo Iosef deṅ, ni esṅmoo̱ame̱, ni ame̱tše̱ kplaṅ ye̱ tšũ le̱ṅ.
5Ni ame̱yi enyo̱ le̱ fẽ ame̱la ye̱ nyōṅ kome mli, Mizraim maṅtše̱ le̱ dā̃wole̱ le̱ ke̱ ebološãlo̱ le̱ ni awoame̱ tšũṅ le̱ fẽ, mo ke̱ elamõ, mo ke̱ elamõ, ni mofẽmo lamõ ye̱ šiši.
6Ni Iosef ba ame̱sramo̱ lebi, ni ekwe̱amē̱, ni na, ame̱fe mo̱bo̱mo̱bo̱.
7Ni ebi Farao piafoi le̱ ni ke̱le̱ yo̱ mõ le̱ṅ ye̱ enuṅtšo̱ we le̱ ake̱: Mẽba nyefe mo̱bo̱mo̱bo̱ ne̱ke̱ ṅme̱ne̱?
8Ni ame̱kē̱le̱ ake̱: Wo̱la lamõ ko, ni moko be̱ ni aatšõ šiši. Ni Iosef kē̱-ame̱ ake̱: Ani *šišitšõmo̱ le̱ dšee Nyoṅmo̱ nõṅ? mīkpanye fai, nyegbaämi! *41,16. Dan. 2,27. 28.
9Ni dā̃wolo̱i anukpa le̱ gba Iosef elamõ le̱, ni ekē̱le̱ ake̱: Milamõ le̱ mli le̱, na, weintšo ko mã mihĩe,
10ni egbla nidši etẽ, ni efĩmo̱ afofrokpo̱i, ni egba ni ewo yibii šabii ni etšu;
11ni mihĩe Farao kpulu le̱; nimitšere̱ weinyibii le̱, ni miṅã miwo Farao kpulu le̱ mli, ni miṅõ kpulu le̱ miwo Farao deṅ.
12Ni Iosef kē̱le̱ ake̱: Ešišitšõmo̱ ne̱; nidši etẽ le̱ gbĩĩ etẽ ni;
13biē̱ gbĩĩ etẽ le̱ Farao aawó oyitšo no̱ ni eke̱o aayato ogbe̱he le̱ ekoṅ, ni ooṅõ Farao kpala le̱ owo edeṅ, take̱ bo̱ni ofeo̱ sá, beni odši edā̃wolo̱ le̱.
14Ši ké̱ ehĩ hão le̱, mĩkpao fai ni okaimi, ni omli ahĩ ye̱ mino̱, ni otšĩ mitã otšõ Farao, ni abadšiemi ye̱ tšũ ne̱ṅ.
15Ši *dšu adšumi ye̱ Hebrimei ašikpoṅ le̱ no̱, ni bie̱ ne̱ hũ mifeko noko ni sa ake ameaṅõmi amewo bu neṅ. *37,28.
16Ni beni abološãlo̱i anukpa le̱ na ake̱ šišitšõmo̱ le̱ hĩ dšogbāṅ le̱, ekē̱ Iosef akē̱: Mi hũ milamõ le̱ mli le̱, na, mitēre akpānõ kpãnyãi etẽ ye̱ miyiteṅ;
17ni kpãnyã ni mã yiteṅ le̱, niyenii sro̱toi fẽ ní dši abološãlo̱ nitšumo̱ ni etšuo̱ ehãa Farao le̱ ye̱ mli; ni lofõdši ye ye̱ kpãnyã le̱ mli ye̱ miyiteṅ.
18Ni Iosef here no̱ ni ekē̱: Ešišitšõmo̱ nē̱: kpãnyãi etẽ le̱ gbĩĩ etẽ ni;
19bie̱ gbĩĩ etẽ le̱ Farao aawó oyitšo no̱, ni eese̱ṅo ye̱ tšo no̱; ni lofõdši aaye ohelo ye̱ ohe.
20Ni eba mli ake̱ gbĩ ni dši gbĩ etẽ le̱ ní dši Farao fo̱mo̱gbĩ le̱, eṅmẽ etšũdši le̱ fē okplõ; ni ehole dā̃wolo̱i anukpa le̱ ke̱ abološãlo̱i anukpa le̱ ayitšei ano̱ ye̱ etšũdši le̱ ateṅ;
21ni ehã dā̃wolo̱i anukpa le̱ yaye enukpa le̱ ekoṅ, ni eṅõ kpulu le̱ ewo Farao deṅ;
22ši abološãlo̱i anukpa le̱, ese̱ṅle̱, take̱ be̱ni Iosef tšõame̱ šiši le̱.
23Ši dā̃wolo̱i anukpa le̱ *eyakaii Iosef, ši ehĩe kpa eno̱. *K. 14.
Currently Selected:
1 Mose 40: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
