1 Mose 41
41
1Ni eba mli ake̱ afii nãkplo̱i enyo̱ se̱ le̱ Farao la lamõ ko, ni na, edamo̱ fā le̱ nā.
2Ni na, tšinayei kpawo ni he yo̱ fe̱o ni ame̱ſíſī fã kpo ke̱-dše̱ fā le̱ mli, ni ame̱yaye nii ye̱ dſe̱iaṅ.
3Ni na, tšinayei krokomei kpawo hũ dše̱ fā le̱ mli dše kpo ye̱ ame̱se̱, ame̱he ye̱ nyãṅemo̱, ni ame̱trã lō, ni ame̱badamo̱ tšinai krokomei le̱ amase̱i ye̱ fā le̱ nā.
4Ni tšinai ni he yo̱ nyãṅemo̱ ni ame̱trã lõ le̱ ye tšinai kpawo ni he yo̱ fe̱o ni ame̱ſíſī le̱. Ke̱ke̱ ni Farao hĩe tšẽ.
5Ni esã ewo̱ ni ela ekoṅ; ni na, abletšei kpawo ba tšo kome yi, eba kpokplō.
6Ni na, abletšei kpawo ni noko be̱ yi ni bokã kō̱yo̱ egbĩame̱ keklẽ bakwẽ ye̱ ame̱se̱.
7Ni abletšei kpawo ni noko be̱ yi le̱ mĩ abletšei kpawo ni eba kpokplō le̱. Ni Farao hĩe tšẽ, ni na, lamõ ni.
8Ni eba mli ake̱ lebi le̱ etšui bõi yeli ye̱ emli, ni etšũ ayatšē̱ Mizraim woloṅlelo̱i ke̱ nilelo̱i fẽ kē̱-ba, ni Farao badšadše elamõ lē̱ etšõame̱; ši mokomoko be̱ ni nyẽ tšõ Farao šiši. Dan. 2,2.
9Ke̱kē̱ ni dā̃woio̱i anukpa le̱ ke̱ Farao wie ake̱: Mikai mitõmo̱ ṅme̱ne̱.
10Farao mli fũ etšũdši le̱, ni ewomi tšũṅ ye̱ oblafoi atše̱ le̱ we le̱, mike̱ abološãlo̱i anukpa le̱ fẽ;
11ni wo̱la lamõi komei nyōṅ kome mli, mi ke̱ le̱, wo̱la, mo ke̱ elamõ ke̱ ešiši.
12Ni oblanyo Hebrinyo ko ni dši oblafoi atše̱ le̱ tšũlo̱ le̱ ke̱wo̱ yo̱ dše̱i; ni wo̱dšadše wo̱tšõle̱, ni etšõwo̱ wo̱lamõi le̱ ašiši, mofẽmo bo̱ni ela ebã le̱, nakai etšõ šiši.
13Ni eba mli ake̱, bo̱ni edšadše šiši etšõwo̱ le̱, nakai eba mli; mi le̱ aṅõmi ato migbe̱he ekoṅ, ni le̱ le̱ ase̱ṅle̱.
14Ke̱ke̱ ni Farao tšũ ayatšē̱ Iosef; ni ame̱dšielē̱ oyá ye̱ bu le̱ṅ ke̱-ba, ni eše̱ eyi, ni etšake etade, ni eba Farao ṅõ.
15Ni Farao kē̱ Iosef ake̱: Mila lamõ ko, ni mokomoko be̱ ni nyẽ šiši tšõ; ni minu ni akē̱ ye̱ ohe ake̱ ke̱dši onu lamõ ko le̱, onyẽo̱ šiši otšõo̱.
16Ni Iosef here Farao no̱ ake̱: *No he̱ mimli; Nyoṅmo̱ aahã Farao hedšo̱le̱ hetō. *40,8.
17Ni Farao dšadše etšõ Iosef ake̱ Milamõ le̱ mli le̱, na, midamo̱ fā le̱ nā,
18ni na, tšinai kpawo ni eſiſī ni he yo̱ fe̱o fã kpo ke̱-dše̱ fā le̱ mli, ni ame̱yaye nii ye̱ dſe̱iaṅ.
19Ni na, tšinai krokomei kpawo hũ nyie ame̱se̱ ba, ame̱nii ye̱ mo̱bo̱ ni ame̱he ye̱ nyãṅemo̱ ni ame̱trãtrā̃ lō hũ, ni minako ame̱no̱ pẽṅ ke̱ tãṅ ye̱ Mizraim šikpoṅ le̱ no fẽ.
20Ni tšinai ni etrã lō ni ame̱he yo̱ nyāṅemo̱ lē̱ ye kleṅkleṅ tšinai kpawo lē̱ ni eſiſī le̱.
21Ni beni ame̱bote ame̱mũsũṅ le̱, anaa ake̱ ame̱yeame̱; ši moṅ ame̱be ye̱ nyãṅemo̱ lolo tamo̱ tšutšu le̱ noṅṅ. Ke̱ke̱ ni mihĩe tšẽ.
22Ni misā mikwe̱ ye̱ milamõ le̱ mli, ni na, abletšei kpawo ba tšo kome yi, eba kpokplō.
23Ni na, abletšei kpawo ni nii be̱ yi, ní yo̱ legelege, ní bokã kō̱yo̱ egbĩame̱ keklē bakwẽ ye̱ ame̱se̱.
24Ni abletšei legelegei le̱ mĩ abletšei kpakpai kpawo le̱. Ni midšadše ene̱ mitšõ woloṅlelo̱i le̱, ši mokomoko enaa he eko ekē̱ē̱mi.
25Ni Iosef kē̱ Farao akē̱: Farao lamõ lē̱ ekomeṅ. Nyoṅmo̱ etšõ Farao noni ebafe.
26Tšinai kpakpai kpawo le̱ afii kpawoṅ, ni abletšei kpakpai kpawo le̱ hũ afii kpawo ni; lamõ lē̱ ekomeṅ.
27Ni tšinai kpawo ní etrã lõ, ni he yo̱ nyãṅemo̱, ni nyie ame̱se̱ ba le̱, afii kpawoṅ, ni abletšei kpawo ni noko be̱ yi ni bokã kō̱yo egbĩame̱ keklē le̱, hõmo̱yeli afii kpawo ni.
28Ene̱ dši noni mikē̱ Farao akē̱ noni Nyoṅmo̱ bafe le̱, no edšie etšò Farao ne̱ le̱.
29Na, afii kpawo mība ni abaná niyenii babaō ye̱ Mizraim šikpoṅ lē̱ no̱ fẽ.
30Ni no se̱ le̱ hõmo̱yeli afii kpawo baba, ni mei ahĩe aakpa nifále̱ le̱ fẽ no̱ ye̱ Mizraim šikpoṅ le̱ no̱; ni hõmo̱ le̱ aakpãtã šikpoṅ le̱ hĩe.
31Ni hõmo̱ ni banyie se̱ aba le̱ hãṅ ale nifále̱ le̱ doṅṅ ye̱ šikpoṅ le̱ no; edšake̱ enā bawa naakpa.
32Ni noni akũ lamõ le̱ abo̱ he toi enyo̱ ahã Farao le̱, ešiši dši ake̱ Nyoṅmo̱ bafe nakai le̱le̱ṅ, ni Nyoṅmo̱ bafe le̱ oyá.
33Nohewo̱ le̱ agbe̱ne̱ hã Farao atao moko ni dši hĩešikãlo̱ ke̱ nilelo̱, ni eṅõle̱ eto Mizraim šikpoṅ le̱ no̱.
34Hã Farao afe ene̱, ni eto no̱kwe̱lo̱i ye̱ šikpoṅ le̱ no̱, ni eṅõ Mizraim šikpoṅ le̱ no̱ niyenii le̱ amlidšā enumo̱ mli ekome ye̱ nifále̱ afii kpawo le̱ mli.
35Ni hã ni ame̱bua niyenii fẽ ni aaná ye̱ nakai afii kpakpai ni baä le̱ amli le̱ nā, ni ame̱bua able nā ame̱to Farao deṅ, ni efe niyenii ni ake̱-to ye̱ mãdši le̱ amli;
36ni aṅõ nakai niyenii le̱ ato se̱ ahã šikpoṅ le̱ ye̱ hõmo̱ afii kpawo le̱ ni baba Mizraim šikpoṅ le̱ no̱ le̱ hewo̱, koni šikpoṅ le̱ akafite ye̱ hõmo̱ le̱ mli.
37Ni wiemo̱ le̱ sa Farao ke̱ etšũdši le̱ fẽ hĩe.
38Ni Farao kē̱ etšũdši le̱ ake̱: *Ani wo̱o̱nyẽ wo̱ná moko ni Nyoṅmo̱ Mumo̱ yo̱ emli tamo̱ mone̱? *Abe̱i 14,35.
39Ni Farao kē̱ Iosef akē̱: Gbĩĩabo̱ ni Nyoṅmo̱ eṅõ ene̱ fẽ etšõo ne̱, mokomoko be̱ ni dši hĩešikãlo̱ ke̱ nilelo̱ tamo̱ bo.
40Bo ooye miwe le̱ no̱, ni odāṅ gbẽ toi mimaṅbii le̱ fē aabo; sẽi le̱ gbe̱fãṅ pe̱ mafèo ye̱. Dsads. 4,14. Lal. 113,7; 37,37.
41Ni Farao kē̱ Iosef ake̱: Na, miṅõo mito Mizraim šikpoṅ le̱ fẽ no̱. Bo̱f. 7,10
42Ni Farao *dšie ewolonāso̱omo̱ga le̱ ye̱ enine ni eṅõ-wo Iosef nine, ni ewole̱ klala fe̱fe̱o atadei, ni eṅõ †šika kõsõṅ-kõsõ ewo ekue̱; *Est. 3,10; 8,2. †Dan. 5,29.
43ni ehã etá eſīli ni dši enyo̱ le̱ mli, ni ame̱ble̱ ke̱-nyie ehĩe ake̱: Nyekũlaä ši! Ni ewole̱ Mizraim šikpoṅ le̱ fẽ no̱ onukpa.
44Ni Farao kē̱ Iosef akē̱: Mi, midši Farao le̱; ni moko edšeṅ ose̱ ewóṅ enine lo enane no̱ ye̱ Mizraim šikpoṅ le̱ fẽ no̱.
45Ni Farao wo Iosef gbe̱i ake̱ Zafenat-Panea; ni eṅõ On oso̱fo Potifera biyō Asenat le̱ ehãle̱ gblã. Ni Iosef dše kpo eyakpa Mizraim šikpoṅ le̱ no̱.
46Ni Iosef eye afii nyoṅmai-etẽ, beni eyadamo̱ Mizraim maṅtše̱ Farao hĩe le̱. Ni Iosef dše kpo ye̱ Farao hie, ni eya-kpa Mizraim šikpoṅ le̱ no̱ fā.
47Ni nifále̱ afii kpawo le̱ mli le̱ šikpoṅ le̱ ba nii babaō ke̱-teke no̱.
48Ni ebua afii kpawo le̱ mli niyenii le̱ fẽ ni ba ye̱ Mizraim šikpoṅ le̱ no̱ le̱ nā, ni eto niyenii le̱ ye̱ mãdši le̱ amli; ṅmõši niyenii ni yo̱ maṅ-fẽ-maṅ be le̱ eṅõ-to no noṅṅ mli.
49Ke̱ke̱ ni Iosef bua able nā eto babaō dientše̱ take̱ ṅšo̱ nā šia, ke̱-yaši beyino̱ ni efõ kanemo̱; edšake̱ ebe̱ yikule̱.
50Ni Iosef fo̱ bibĩĩ enyo̱, dãni hõmo̱ afii le̱ ba, mei ní eke̱ Asenat, On oso̱fo Potifera biyō le̱, fo̱ le̱.
51Ni Iosef wo ekromo̱bi le̱ Manase, ni ekē̱: Edšake̱ Nyoṅmo̱ ehã mihĩe ekpa mihaomo̱ le̱ fẽ ke̱ mitše̱ we le̱ fẽ no̱.
52Ni ewo moni dši enyo̱ le̱ Efraim, ni ekē̱: Edšake̱ Nyoṅmo̱ ehã miwo ſĩei ye̱ mimanehũlũ šikpoṅ le̱ no̱.
53Ni afii kpawo ní niyenii ba babaō ye̱ Mizraim šikpoṅ le̱ no̱ le̱ se̱ fo;
54ni hõmo̱yeli afii kpawo le̱ bõi bā, take̱ bo̱ni Iosef kē̱ lē̱. Ni hõmo̱ ba šikpõdši fẽ no̱; ši Mizraim šikpoṅ le̱ no̱ fẽ le̱ niyenii ye̱.
55Ni beni Mizraim šikpoṅ mũ le̱ fē bõi hõmo̱yeli le̱, maṅ le̱ fó tšē̱ Farao ake̱ ehãame̱ niyenii; ni Farao kē̱ Mizraimbii le̱ fẽ ake̱: Nyeyaä Iosef ṅõ, ni noni eekē̱nye le̱, nyefea.
56Ni beni hõmo̱ le̱ eba šikpoṅ le̱ no̱ fẽ le̱, Iosef gble fiasei le̱ fẽ nā, ni ehõ able ehã Mizraimbii le̱; edšake̱ hõmo̱ le̱ nā wa naakpa ye̱ Mizraim šikpoṅ le̱ no̱.
57Ni mãdšimãdši fẽ bahe able ye̱ Iosef ṅõ ye̱ Mizraim; edšake̱ hõmo̱ le̱ nā ewa naakpa ye̱ šikpõdši le̱ fë no̱. 12,10.
Currently Selected:
1 Mose 41: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
