SENESI 44
44
Ahiahii e Sosefo ona tehina
1Nee tuku leva e Sosefo te fakatotonu aeni ki te pule o tona fale: fafao ke fonu i te u meakai te u taga a te u tagata aeni, o mulimuli ki tanatou lavai, pea ke tuku leva te paaga a te tagata taki toko tahi ki oluga o anatou loto taga. 2Tuku toku ipu, te ipu siliva, ki oluga o te taga a te muli, o fakatahi mo te paaga o tana fulumeto. Nee fai leva e te tagata pule te u mea fuli ae nee fakatotonu age e Sosefo kia ia.
3I te ala uhu ake, i te mafoa mai o te aho, nee tuku leva ia natou ke olo mo anatou asino. 4Nee natou mavae leva i te kolo, pea nee heeki natou mamao osi. Pea nee ui leva e Sosefo ki te pule o tona fale: Tuu, o tuli te u tagata aena, pea ka ke mau anai natou, ke ke ui kia natou: Kotea e koutou totogi ai te lelei aki te kovi? 5Pe e mole koutou nonofo mo te ipu ae e inu ki ai toku aliki, ae e ina toe fakaaoga ki te faikikite? E kovi te mea ae kua koutou fai. 6Nee mau leva natou e te tagata pule o te fale, pea nee ina fai leva te u palalau aia kia natou. 7Nee natou tali leva kia ia: Kotea e palalau feia ai tomatou aliki? Ke mamao ia matou te fai o he mea fena! 8Koeni, nee matou toe liufaki mai, mai te fenua o Kanaane te paaga ae nee matou mau i oluga o amatou loto taga; pea e feafeai anai hamatou kaihaa he paaga pe ko he aulo i te fale o tou aliki? 9Kapau e mau anai te ipu aia i te taga a he tahi ia matou, pea e mate anai te tagata aia, pea e matou popula anai kia koe! 10Nee ui leva e te tagata: Ke fai ki te mea ae kua koutou lea mai ki ai! Kae e popula toko tahi anai te tagata ae e mau ai anai te ipu, kae e ateaina anai natou ake ae. 11Pea nee natou fakavilivili leva o tahi tuku tana taga ki te kele. 12Pea nee hue leva e te tagata pule anatou taga, o kamata mai te uluaki o fakaosi ki ae e muli, pea koeni, nee tuku te ipu i te taga a Pesamino.
13Nee natou hae leva onatou kofu, nee natou toe hili anatou taga ki te u asino, pea nee natou toe liliu leva ki te kolo. 14Nee kaku leva ia Suta mo ona tehina ki te fale o Sosefo, kae kei nofo ia Sosefo i ai, pea nee natou punou leva ki te kele i ona mua. 15Pea nee ui leva e Sosefo kia natou: Kotea te mea ae kua koutou fai? E mole koutou iloi ko te tagata faikikite au? 16Pea nee tali leva e Suta: Kotea ka matou ui ki tomatou aliki? Kotea ke fakatonuhia ai matou? Kua fakaha e te Atua te agakovi o ana tagata faifekau. Koeni matou ke popula ki toku aliki, mo ae nee mau ai te ipu. 17Nee ui leva e Sosefo: Ke taofi au e te Atua ke aua naa au fai te mea aia! Ke popula toko tahi pe te tagata ae nee mau ai te ipu, kae ko te toega, ke koutou toe liliu i te tokalelei ki takotou tamai.
18Pea nee fakaoviovi leva ia Suta kia Sosefo, o ui: Ofa mai toku aliki, o fakagafua ki tau tagata faifekau ke palalau ki toku aliki, pea ke aua naa to tona ita ki tana tagata faifekau, koteuhi e ke tatau mo Falaone! 19Nee fehui mai e toku aliki ki ana tagata faifekau, o ui: Pe kei mauli takotou tamai? Pe kei i ai hokotou tahi tehina? 20Nee matou tali leva: Kei mauli tamatou tamai kae kua matua, pea e i ai foki tomatou tehina muli ae nee tupu kia ia i tona temi matua. E ofa kehe age tamatou tamai ki te fanau aia, koteuhi ko te fanau aia e tahi kei toe kia ia i te fafine ae nee ofa mamahi ia ia ki ai; kua mate te tahi foha. 21Nee ke ui mai ki au tagata faifekau: Koutou aumai ia ia kia au, e au fia sio mata kia ia. 22Nee matou tali leva ki toku aliki: E mole feala ke mavae te fanau aia i tana tamai; kapau e mavae anai ia ia maia ia, e mate anai tana tamai. 23Pea nee ke ui mai leva ki au tagata faifekau: Kapau e mole koutou omai anai mo tokotou tehina muli, pea e mole koutou toe ha mai anai ki oku mua. 24I tamatou liliu ki tau tagata faifekau, tamatou tamai, nee matou fakaha leva kia ia te u palalau a tomatou aliki. 25Pea nee ui leva e tamatou tamai: Koutou toe liliu o totogi mai he meakai. 26Nee matou tali kia ia: E mole feala ke matou toe liliu ki Esipito mo kapau e mole hau tomatou tehina muli mo matou. Koteuhi kapau e mole hau ia ia mo matou, pea e mole tali anai matou e te tagata pule o te fenua. 27Pea nee ui mai leva e tau tagata faifekau, tamatou tamai, kia matou: E koutou iloi nee fanaui e toku ohoana ni foha e lua kia au. 28Kua puli te tahi foha talu mai te aho ae nee mavae ai i heni; pea e au mahalo kua kai ia ia e he manu fekai, koteuhi e heeki au toe sio kia ia o kaku mai ki te aho aeni. 29Kapau e koutou toe too anai te fanau aeni, pea kapau e hoko anai he mea kovi kia ia, e koutou fakahifo anai toku ulu hina ki te nofoaga o te kau mate. 30Koia i te aho nei, kapau e au toe liliu anai ki tau tagata faifekau, taku tamai, kae e mole matou olo mo te fanau ae e pipiki ki ai tona laumalie, 31pea e mate anai ia ia mo kapau e puli te fanau; pea e hala anai au tagata faifekau, i tamatou fakahifo i te mamahi te ulu hina o tamatou tamai, tau tagata faifekau, ki te nofoaga o te kau mate. 32Pea nee ui leva e tau tagata faifekau ki tana tamai o uhiga mo te fanau: Kapau e mole au aumai anai ia ia kia koe, pea e au hala anai i ou mua o heegata. 33Koia e au kole atu ai kia koe, ke ke fakagafua mai ki tau tagata faifekau ke nofo o fetogi te fanau, o popula ki toku aliki, kae ke toe hake te fanau mo ona tehina ki tamatou tamai. 34Pe feafeai anai haku toe liliu ki taku tamai, kae e mole hake anai te fanau mo au? Ke aua naa au sio anai ki te mamahi o taku tamai!
Currently Selected:
SENESI 44: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 44
44
Ahiahii e Sosefo ona tehina
1Nee tuku leva e Sosefo te fakatotonu aeni ki te pule o tona fale: fafao ke fonu i te u meakai te u taga a te u tagata aeni, o mulimuli ki tanatou lavai, pea ke tuku leva te paaga a te tagata taki toko tahi ki oluga o anatou loto taga. 2Tuku toku ipu, te ipu siliva, ki oluga o te taga a te muli, o fakatahi mo te paaga o tana fulumeto. Nee fai leva e te tagata pule te u mea fuli ae nee fakatotonu age e Sosefo kia ia.
3I te ala uhu ake, i te mafoa mai o te aho, nee tuku leva ia natou ke olo mo anatou asino. 4Nee natou mavae leva i te kolo, pea nee heeki natou mamao osi. Pea nee ui leva e Sosefo ki te pule o tona fale: Tuu, o tuli te u tagata aena, pea ka ke mau anai natou, ke ke ui kia natou: Kotea e koutou totogi ai te lelei aki te kovi? 5Pe e mole koutou nonofo mo te ipu ae e inu ki ai toku aliki, ae e ina toe fakaaoga ki te faikikite? E kovi te mea ae kua koutou fai. 6Nee mau leva natou e te tagata pule o te fale, pea nee ina fai leva te u palalau aia kia natou. 7Nee natou tali leva kia ia: Kotea e palalau feia ai tomatou aliki? Ke mamao ia matou te fai o he mea fena! 8Koeni, nee matou toe liufaki mai, mai te fenua o Kanaane te paaga ae nee matou mau i oluga o amatou loto taga; pea e feafeai anai hamatou kaihaa he paaga pe ko he aulo i te fale o tou aliki? 9Kapau e mau anai te ipu aia i te taga a he tahi ia matou, pea e mate anai te tagata aia, pea e matou popula anai kia koe! 10Nee ui leva e te tagata: Ke fai ki te mea ae kua koutou lea mai ki ai! Kae e popula toko tahi anai te tagata ae e mau ai anai te ipu, kae e ateaina anai natou ake ae. 11Pea nee natou fakavilivili leva o tahi tuku tana taga ki te kele. 12Pea nee hue leva e te tagata pule anatou taga, o kamata mai te uluaki o fakaosi ki ae e muli, pea koeni, nee tuku te ipu i te taga a Pesamino.
13Nee natou hae leva onatou kofu, nee natou toe hili anatou taga ki te u asino, pea nee natou toe liliu leva ki te kolo. 14Nee kaku leva ia Suta mo ona tehina ki te fale o Sosefo, kae kei nofo ia Sosefo i ai, pea nee natou punou leva ki te kele i ona mua. 15Pea nee ui leva e Sosefo kia natou: Kotea te mea ae kua koutou fai? E mole koutou iloi ko te tagata faikikite au? 16Pea nee tali leva e Suta: Kotea ka matou ui ki tomatou aliki? Kotea ke fakatonuhia ai matou? Kua fakaha e te Atua te agakovi o ana tagata faifekau. Koeni matou ke popula ki toku aliki, mo ae nee mau ai te ipu. 17Nee ui leva e Sosefo: Ke taofi au e te Atua ke aua naa au fai te mea aia! Ke popula toko tahi pe te tagata ae nee mau ai te ipu, kae ko te toega, ke koutou toe liliu i te tokalelei ki takotou tamai.
18Pea nee fakaoviovi leva ia Suta kia Sosefo, o ui: Ofa mai toku aliki, o fakagafua ki tau tagata faifekau ke palalau ki toku aliki, pea ke aua naa to tona ita ki tana tagata faifekau, koteuhi e ke tatau mo Falaone! 19Nee fehui mai e toku aliki ki ana tagata faifekau, o ui: Pe kei mauli takotou tamai? Pe kei i ai hokotou tahi tehina? 20Nee matou tali leva: Kei mauli tamatou tamai kae kua matua, pea e i ai foki tomatou tehina muli ae nee tupu kia ia i tona temi matua. E ofa kehe age tamatou tamai ki te fanau aia, koteuhi ko te fanau aia e tahi kei toe kia ia i te fafine ae nee ofa mamahi ia ia ki ai; kua mate te tahi foha. 21Nee ke ui mai ki au tagata faifekau: Koutou aumai ia ia kia au, e au fia sio mata kia ia. 22Nee matou tali leva ki toku aliki: E mole feala ke mavae te fanau aia i tana tamai; kapau e mavae anai ia ia maia ia, e mate anai tana tamai. 23Pea nee ke ui mai leva ki au tagata faifekau: Kapau e mole koutou omai anai mo tokotou tehina muli, pea e mole koutou toe ha mai anai ki oku mua. 24I tamatou liliu ki tau tagata faifekau, tamatou tamai, nee matou fakaha leva kia ia te u palalau a tomatou aliki. 25Pea nee ui leva e tamatou tamai: Koutou toe liliu o totogi mai he meakai. 26Nee matou tali kia ia: E mole feala ke matou toe liliu ki Esipito mo kapau e mole hau tomatou tehina muli mo matou. Koteuhi kapau e mole hau ia ia mo matou, pea e mole tali anai matou e te tagata pule o te fenua. 27Pea nee ui mai leva e tau tagata faifekau, tamatou tamai, kia matou: E koutou iloi nee fanaui e toku ohoana ni foha e lua kia au. 28Kua puli te tahi foha talu mai te aho ae nee mavae ai i heni; pea e au mahalo kua kai ia ia e he manu fekai, koteuhi e heeki au toe sio kia ia o kaku mai ki te aho aeni. 29Kapau e koutou toe too anai te fanau aeni, pea kapau e hoko anai he mea kovi kia ia, e koutou fakahifo anai toku ulu hina ki te nofoaga o te kau mate. 30Koia i te aho nei, kapau e au toe liliu anai ki tau tagata faifekau, taku tamai, kae e mole matou olo mo te fanau ae e pipiki ki ai tona laumalie, 31pea e mate anai ia ia mo kapau e puli te fanau; pea e hala anai au tagata faifekau, i tamatou fakahifo i te mamahi te ulu hina o tamatou tamai, tau tagata faifekau, ki te nofoaga o te kau mate. 32Pea nee ui leva e tau tagata faifekau ki tana tamai o uhiga mo te fanau: Kapau e mole au aumai anai ia ia kia koe, pea e au hala anai i ou mua o heegata. 33Koia e au kole atu ai kia koe, ke ke fakagafua mai ki tau tagata faifekau ke nofo o fetogi te fanau, o popula ki toku aliki, kae ke toe hake te fanau mo ona tehina ki tamatou tamai. 34Pe feafeai anai haku toe liliu ki taku tamai, kae e mole hake anai te fanau mo au? Ke aua naa au sio anai ki te mamahi o taku tamai!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland