MATHIUS, NOPUKUA FASAO SORE, 19.
NOPUKUA FASAO SORE, 19.
1NOPOGERA Iesu kurava iotshi afasao tira, aia nifeke ia Calili, ma nimai ia watai o Juteia nofokagi Jortan.
2Tagata nalupai su niroro wamuri aia; ma aia neipenena acre iai.
3¶ Afarasi foci nimai iateia, nokotogofia aia, nokoutcua iateia, Mugaro tatane towaki tshana nahuna ia magane iotshi, mo jimra?
4Aia nifasao neitucage iacre, Tiaha acowa setawa mana, pe aia neimna acrawa ia nontafito, neimna acrawa tatane ma tafine,
5Neitucage, Ma ane nei, tatane kanatshicina tshana tamana ma nana, ma kanofo fakiliki ia tshana nahune, ma acrawa hepe tishana notshino.
6Ia ane nei wamuri nei acrawa jimra erua, kaia hepe tishana notshino, Akai hepra Atua nifousia hepe tishana, itapu tagata eivetea.
7Acre neitucage iateia, Tiaha Moses nifakairo keitufwa aia tatapuria neisiria iateia, ma keisigiake aia?
8Aia neitucage iacre, Moses ia ane nei arotowa mukei nifakairo acowa keitowaki tshowa nahune, kaia ia ta nontafito aia jimra hepra.
9Avau koutucua iacowa, Pe tatane tasi katowaki tshana nahune, kaia ma nitshigo tatane ana, ma pe aia karafia sece nahune, aia kotshigo ta fine tsha faruke; ma pe tatane tasi foci arafia tafine aia nitowaki, aia kotshigo tafine tsha faruke.
10¶ Tagata aia nifakairo neitucage iateia, Pe magane o tatane ia tshana nahune hepra, isa keiarafia nahune.
11Kaia aia neitucage iacre, Tagatotshi sekeiromana afasao tira, kaia iacre keitufwa keiro.
12Ma faru tatane iunuka, nana nifarere acre hepra, ma faru iunuka, tagata neimna acre iunuka, ma faru iunuka, acre ana neimna acre iunuka ma tshare acitiafakarafia o tavaka o taragi. Aia arapakau keiro anera, erefia aia kiero.
13¶ Nopogera iai acre niarafia iateia erecriki, pe aia fecitshia tshana norima iluga acre, ma mori; tagata aia nifakairo neisaciria acre iateia.
14Kaia Iesu neitucage, Arafia, erecriki, ma jimra neitucuasana acre, koromai iatavau; ma o acre hepra ko ta vaka o taragi.
15Aia nefecitshia tshana norima iluga acre, ma nifeke iai.
16Neicitia, tasi nimai neitucage iateia, Teriki Erefia, taha ane erefisa avau kamna, pe avau kamo anea mouri tou ma tou?
17Aia neitucage aia, Tiaha akoi neitucua avau erefisa? Jimra tasi erefia kaia tasi ana Atua; kaia pe akoi acitiafakarafia keifano ia anea mouri, maganerefia hepe fakairo o afasao tapu.
18Aia neitucage iateia, Akai o acre afasao tapu? Iesu neitucage, Akoi kanatshicina kotaia tagata, Akoi kanatshicina tshigo fafine tsha faruke, Akoi kanatshicina tshigofia iotshi, Akoi kanatshicina keiresia tagata.
19Maganerefia ia tamau ma nau; ma Akoi kacitiafakarafia tagata konofo fakaliki hepe akoi acitiafakarafia akoi.
20Ta atumtane neitucage iateia, Ane iotshira avau nakamna ia nopoge avau tamasisi, milownei ma; taha avau semaganerefia iateia?
21Iesu neitucage iateia, Pe akoi acitiafakarafia maganerefia iotshi, fano fakamata toutokogane tshau, ma keitufwa acre niare ane jimra, ma tshau fakamata katufwa ia taragi; ma komai wamuri avau.
22Kaia wamuri atamtane nifakarogona afasao tira, aia nifano tshana retu tshana roto nimy iateia, ma niana toutokogane nalupai su.
23Iai Iesu neitucage niana tagata aia nifakairo, Tamari avau koutucua iacowa, Pe tatane tasi toutokogane nalupai tshana mukei aia fano ia tavaka o taragi.
24Foci avau koutucua iacowa, Aia komeru ta kamela keifano ia fakafotu o ta suci, mukei tatane toutokogane tshana nalupai fano ia tavaka o Atua.
25Iai niana tagata aia nifakairo nifakarogona tira, acre nimasaro sore su, nokoutucua, Akai o tagata kafano taragi, mo?
26Kaia Iesu neicitia, ma neitucage iacre, Ia tagata tira mukei, kaia ia Atua ane iotshi meru.
27¶ Iai Pitrus nifasao neitucage iateia, Kowcitia acime natshicina ane iotshi, ma niromai wamuri akoi; taha katufwa acime iateia?
28Iesu neitucage iacre, Tamari avau koutucua iacowa, Pe acowa niromai wamuri avau, ia maganerefia, ia taha nopoge ta Nontariki o tagata kanofo ia ta fata (thron) i ta vaka o tshana nokobisa, acowa foci kanafo ia twelv afata, nokoioria ta twelv afoga o tagata o Isreil.
29Ma iotshi tagata natshicina afare, mo anoso, mo akave, mo tamana, mo nana, mo nanahune, mo erecriki, mo afanua, ma tshana acitiafakarafia ia tshaku neigo, katufwa aia tshici wun huntret, ma kamo anea mouri tau ma tau.
30Kaia nalupai nitapa acre mokagi, acre kamuri; ma acre wamuri kamokagi.
Currently Selected:
MATHIUS, NOPUKUA FASAO SORE, 19.: ANT
Highlight
Share
Copy
Want to have your highlights saved across all your devices? Sign up or sign in