MATHIUS, NOPUKU AFASAO SORE, 20.
NOPUKU AFASAO SORE, 20.
1Ma tavaka o tarage ko hepe tatane konofo ia tshana fare, aia nifano watafa i tafeitiata tapopo keiarafia tagata vere o avaini.
2Aia neitucage iacre, keifako acre vere tasi pene mune ia tasi nopoge, wamuri tira aia nikowna acre ia tshana vere a avaini.
3Aia nifano watafa wamuri tara neinace our toru, neicitia faru foci tagata nokotu ia emrai severe.
4Aia neitucage iacre, Roro acowa foci ia ta vere o avaini, ma taha fakamata totonu avau katufwa acowa, Acre niroro.
5Foci aia nifano watafa ia our ono ma ia our eva, neimna hepra mokagi
6Ma itata our eleven aia nifano watafa foci ia emrai neicitia faru foci tagata nokotu iai severe, aia neitucage iacre, Tiaha acowa kotu icunei iotshi nopoge severe?
7Acre neitucage iateia, Jimra tatane tasi arafia acime. Aia neitucage iacre, Roro acowa foci ia ta vere o avaini, ma taha fakamata totonu katufwa acowa.
8Fiafii nimai, teriki o ta vere o avaini neitucage ia tshana fitshicau sore nifatshigeia tshana aneamane, Tapa acreiotshi tagata vere, keifako acre, neikamata ia acre koromai wamuri, ia acre mokagi.
9Acre niromai aia niarafia itata our eleven aia neifako acre iotshi tasi pene.
10Kaia acre niromai niroro vere mokagi, acre nimentua aia kafako acre faru foci, acre foci ma nifako tasi pene.
11Iai acre niamo tshare fakamata, acre nimusia ia tatane o tafare tira.
12Nokoutucua, Acre wamuri vere sisi i our tasi, ma akoi fako acre hepe acime, ma acime nivere iotshi nopoge nitshiga tara.
13Kaia aia nifasao tasi o acre neitucage, Neli avau semagane safiatakoi; tiaha akoi neitucua mokagi fako tshou vere tasi pene?
14Amke tshou fako ma fano tshou retu, avau katufwa tinei wamuri, hepe avau neitufwa akoi.
15Tiaha jimra mugaro pe avau katufwa tshaku ane hepe avau acitiafakarafia, mo? Tshou foimata kosa iatavau maganerefia, mo jimra?
16Hepra aia wamuri, aia mokagi ma aia mokagi wamuri, ma nitapa nalupai tagata, kaia karafia toru ana.
17¶ Hepe Iesu nifitshi ia Jerusalem; aia niamo ana ia teretu ta twelv tagata aia nifakairo ma neitucage iacre.
18Kowcitia acitia fitshikace ia Jerusalem; ta Nontariki o tagata kafakareresia aia ia fatoriki o tafare mori, ma ia fakau fakairo, ma acre kafasao kotshi aia komate.
19Acre katufa aia ia tagata o fanua pouri keifakamana aia, ma keitshi aia ia toura, ma keitucua aia ia tererakau fakaravasia; ma ia nopoge toru wamuri aia kamasike foci.
20¶ Iai nimai iateia ta nana o erecriki o Sebeteius ia eruantariki, nokomori aia, ma nifakowia aia keitufwa aia ane tasi.
21Aia neitucage iateia, Taha akoi acitifakarafia? Aia neitucage iateia, Keitufwa pe eruantariki tshaku konofo tasi ia tshou norima matau, ma sece ia tshou norima masui ia tavaka tshou,
22Kaia Iesu nifasao neitucage, Acoutou puspusi taha acoutou nogia. Akorua tomatua keinumia o ta kup avau kanumia o aia, ma keiamo ta baptiso neibaptiso avau iateia, mo jimra? Acrawa neitucage aia, Acimawa tomatua.
23Aia neitucage iacrawa, Akorua kanumia tamari o tshaku kup, ma kabaptiso akorua i ta kaptisao nibaptiso avau iateia; kaia konofo ia tshaku norima matau ma ia tshaku norima masui, kojimra tshaku keitufwa, kaia ia acre neimna iateia ia tshaku Tata.
24Nopogera ta ten nifakarogona tira, acre nifakainina sore acrawa noso.
25Kaia Iesu nitapa acre iateia ma neitucage, Ta fatoriki o tagata o fanua pouri kafasao iacre, acre sore ma kafasao mukei acre.
26Kaia acowa jimra kamna magane hepra, kaia aia tasi kasore o acowa, erefia aia kafitshicau tshowa;
27Aia tasi o acowa acitiafakarafia aia teriki o acowa, erefia aia kavere o fitshicau tshowa;
28Hepe ta Nontariki o tagata nimai sekeiamo vere o afishicau iateia, kaia keimna avere o fitshicou, ma keitufwa tshana aniamouri kaioria o tagata nalupai.
29¶ Hepe, acre nirocea Jerico, tagata nalupai su niroro wamuri aia.
30Neicitia erua tatane foimata pouri neinofo ia tafaretu iai, acrawa neirogona pe Iesu kofano acrawa nitapa fakapalo nokoutucua, Kowcitiafakarafia acimawa, Teriki sore, akoi Nontariki o Tevit!
31Tagata nifetacina niroro iai, neitucuasana acrawa, ia anera pe acrawa natshicina kotapa; kaia acrawa nitapa foci fakapola sore, nokoutucua kowcitiafakarafia acimawa Teriki sore, akoi Nontariki o Tevit!
32Iesu nikotu iai, nitapa acrawa, neitucage, Taha akorua acitiafakarafia avau kamna ia iakorua?
33Acrawa neitucage iateia, Teriki sore, pe foimatamawa kuara.
34Iesu nikarafeina acrawa, ma nitofia tsharawa foimata, ma milowa foimatarawa nikuara merama, ma acrawa niroro wamuri aia.
Currently Selected:
MATHIUS, NOPUKU AFASAO SORE, 20.: ANT
Highlight
Share
Copy
Want to have your highlights saved across all your devices? Sign up or sign in