MATHIUS, NOPUKU AFASAO SORE, 21.
NOPUKU AFASAO SORE, 21.
1HEPE acre niromai itata Jerusalem, nimai ia Bethpeje, ia ta ora o Olivet, iai Iesu nikowna erua o niana tagata aia nifakairo.
2Nokoutucua ia acrawa, Roro ia tumrai sisi mokagi akorua, milowa iai akorua kacitia ta as ninoutshia, ma ta nontama ia aia iai; eivetea ta vava ma arafia acrawa iatavau.
3Pe tatane tasi fasao akorua, akorua katucua, Ta Teriki sore, acitiafakarafia acrawa, ma milowa aia kauna mai acrawa.
4Iotshira neimna, hepe tafasao ta profeta neitucua,
5Katucua gatumfafine o Saion, Kowcitia, tshou Teriki komai iatakoi, aroto gata tasi, nokoike ia nopua o ta as, ma nontama o ta as.
6Acrawa tagata aia nifakairo niroro neimna hepe Iesu neitucua acrawa.
7Niarafia ta as ma nontama, nifiricia tshare umiga ilugia acrawa, ma acre neinagi Iesu nikoike ilugia aia.
8Ma tagata nalupai su nifiricia tshare umiga ia teretu, faru foci tagata toutshiace anora o tererakau nifiricia acre ia teretu.
9Ma tagata nalupai su niroro mokagi, ma wamuri, nitapa, nokoutucua, Hosano ia Nontariki o Tevit! Erefisa aia nokomai ia neigo o ta Terki sore! Hosana ia taragi ilugai!
10¶ Aia nimai ia Jerusalem, iotshi, tagata o ta tumrai sore fakaloutshia, nokoutucua, Akai tatane tira?
11Tagatotshi iai neitucage, Tinei Iesu ta profeta o Nasareth o Calili.
12¶ Iesu nifano ia tafare sore o Atua, neisegeake acreotshi tagata iai efuafo acre nifakamata ma neitufwa ane ia tafare sore o Atua, ma neiturocina afata o tagata fakamata amune, ma apotu o acre nifakamata afoitu.
13Neitucage iacre, Aia nesereace, Tshaku tafare katapa neigo a aia ta fare o ta mori; kaia acowa nakeimna aia tapunaga o tagata tshigofia.
14Tagata foimata pouri, ma acre sape nimai iateia ia ta fare sore o Atua, ma aia neipenpena acre.
15Iai fatoriki o tafare mori ma fakou fakairo neicitia ane sore aia neimna, ma erecriki nokotapa ia tafare o Atua, nokoutucua, Hosana ia Nontariki o Tevit, acre nifakainina sore iateia.
16Ma neitucage iateia, Fakarogona akoi taha acre koutucua? Iesu naitucage iacre, Keini; acowa setawamana, Ia arogoutu o atamericriki ma atamerecriki koumia tou akoi nakamna kabisa erefisa?
17Aia natshicina acre, nifano watafa tumrai sore ia Bethane, ma neinofo iai.
18Ia tapopo hepe aia nimai tumrai sore, aia tshitogi takai.
19Iai aia neicitia tasi tererakau tsharupe ia tafa retu, aia nimai iateia, kaia secitia mana tsharupe iai norau ana, aia neitucage iateia, Erefia akoi sekohua wamuri iranei atou ma tou. Ma milou tererakau tsharupe nimero.
20Iai tagata aia nifakairo neicitia tira, acre nimasaro nokoutucua, Tiaha milowa tererakau tsharup nimero
21Iesu nifasao neitucage iacre Tamari Avau koutucua iacowa, Pe acowa nakamo fakarogrogo, ma sekumtacu, acowa vere hepe tira tsharupe, kaia foci pe acowa katucua i ora tira, Keiamke akoi, ma keitowaki akoi ia tatai; aia kamna hepra.
22Ma iotshi ane acowa nogia mori, nokofakarogrogo, acowa kamna.
23¶ Aia nimai ia tafare o Atua fakau fatoriki o tafare mori, ma fakau sore o tagata niromai iatei hepe aia nifakairo tagata iai, neitucage, Ia tomatua o akai akoi neimna ane iotshira? Ma akai neitufwa akoi tomatua iateia?
24Iesu nifasao neitucage iacre Avau foci kafakowia acowa tasi ana pe acowa koutucua iatavau anera Avau hepra katucua iacowa i tomatua tsha akai avau imna ane iotshira.
25Ta baptiso o Joanes nima wehe? Ia taragi, mo ia tagata Acre nifasao macre, nokoutucua, Pe Acime katucua, Ia taragi; aia katucua iacime, Tiaha acowa sefakarogrogo aia?
26Kaia pe acime katucua, O tagata; acime kumtacu tagata; ma tagatotshi keiro Joanes ta profeta.
27Acre nifasao Iesu, ma neitucage Acime puspusi. Aia neitucage iacre Foci avau sefasao iacowa ia tomatua tsha akai avau imna ane iotshira.
28¶ Kaia taha acowa komentua Tasi tatane niamo eruan tariki; aia nimai ia aia mokagi neitucage, Tucua tariki, fano akoi vere iranei ia tshaku vere o avaini.
29Aia nifasao neitucage, Avau natshicina; kaia wamuri tira aia kuafe tshana roto, nifano.
30Aia nifano ia aia wamuri, neitucage hepra. Aia nifasao neitucage Avau kofano teriki, ma sefano.
31Akai o acrawa neimna magane hepe tamanarawa neitucua? Acre neitucage iateia, Aia tourumatua Iesu nifasao iacre, Tamari avau koutncua iacowa, Pe tagata niamna mune tsha teriki, ma ta afine tshigofia tatane roro ia ta vaka o Atua mokagi acowa.
32Ma Joanes nimai iacowa ia teretu o maganerefia, ma acowa sefakarogrogo aia; kaia tagata niamo mune tsha teriki, ma afine tshigofia tatane nifakarogrogo aia; ma acowa, wamuri acowa neicitia tira, sekuafe arotowa keifeimacowa ma natshicina magane tshowa, pe acowa fakarogrogo aia.
33¶ Fakarogona tasi foci fakatagasia; Tatane tasi neinofo ia tshana fare, nipopra ta vere o avaini, nipopra ta koupa o asone kofori aia, neimna terua erefia tsha ta vai o avaini iai, neimna ta fare iluga iateia, neitufwa aia ia tagata kaipenpena ma vere avaini, ma aia nifano ia fanua papai;
34Tumrama avaini nimatua itata, aia nikowna niana afitshicou ia tagata neipenpena ta vaini, pe acre amo anohua o avaini.
35Tagata neipenpena avaini nipuputshia niana afitshicou neitshi tasi, neitshi nimate tasi foci, ma tshiria afatu tasi foci.
36Foci, aia wamuri tira nikowna faru foci afitshicou, wamuri acre mokagi; acre magane hepra foci iacre.
37Kaia wamuri acre, aia nikowna tshana nontariki iacre, nokoutucua Acre maganerefia ia tucutariki.
38Kaia iai tagata neipenpena ta avaini neicitia ta Nontariki, acre neitucua iacre, Tenei ta teriki o ta vere, ita acitia katshi aia komate, ma tshana vere acime kamo tshote.
39Acre nipurutshia aia, nitowaki aia watafa ta vere o avaini, ma neitshi aia nimate. 40Taha nopoge ta teriki a ta vere o avaini kamai, taha aia kamna ia tagata neipenpea ta vaini.
41Acre neitucage iateia, aia katshi komate acre tagata isa penpena ta vaini ma keitufwa tshana tavere o avaini ia faru foci tagata keipenpena, ma acre katufwa aia ta nohua ia tumrama o nohua.
42Iesu nifasao iacre, Acowa setawa mana ia tatapuria o Ihova. Ta fatu tira tagata neimna ta fare neitowaki, tafatu tira konofo iluga ia taturi fare; tinei ta vere o Ihova, foimatoteia komasara keicitia aia iai?
43Ia ane nei, avau koutucua iacowa, Ta vaka o Atua kamke ia acowa, ma katufwa ia tagata o fanua foci acre kamo nohua erefia iateia.
44Akai o tagata koto ia tafatu tira kafasia aia; kaia ia aia tafatu tira koto aia kamanono aia ia tefu.
45Iai wamuri fatoriki tsha tafare mori, ma tagata Farasi nifakarogona fakatagasia tira, acre nikeiro aia nifasao o acre.
46Kaia iai acre neicitiafakarafia keipurutshia aia, acre nimtacu tagata nalupai nifetacina iai, ia ane nei, acre neitucua aia ta profeta.
Currently Selected:
MATHIUS, NOPUKU AFASAO SORE, 21.: ANT
Highlight
Share
Copy
Want to have your highlights saved across all your devices? Sign up or sign in