MATHIUS, NOPUKN AFASAO SORE, 22.
NOPUKN AFASAO SORE, 22.
1IESU nifasao neitucua acre foci ia afakatagasia, aia neitucage.
2Ta vaka o taragi aia hepe tasi teriki aia neimna tokotokoga ia tafine o tshana nontariki acrawa masike.
3Aia nikowna watafa tshana afitshicou keitapa acre koromai aia mokagi neitapa ia tokotokoga o tafene acrawa masike, kaia acre natshicina komai iateia.
4Foci aia nikowna watafa faru foci afitshicou, nokoutucua, Koutucua iacre mokagi nitapa, Kowcitia avau kapenpena tshaku kai; tshaku akurimatau kotshice ma ane pese iateia, ane iotshi ma komoa; koromai acowa ia tokokotoga o ta fine.
5Kaia acre kowkata iateia nifakamana, niroro ia tshare aretu, tasi ia tshana vere, foci ia tshana fakamata ane;
6Ma acre faru foci neinofo iai nipurutshia tshana afitshicou, nifakoko acre, nitataia mate acre.
7Kaia iai ta teriki nifakarogona, aia nifakainina sore, aia nikowna tshana tagata tsha tatowa, nitaia nimate acre tagata nitatia mate niana afitshicou, ma neitugiace tshare tumrai sore.
8Nopogera iai aia neitucage niana afitshicou, Avau neipenpena tokotokoga o ta fine, kaia acre neitapa iateia isa ana.
9Roro acowa ia aretu sore, ma acreiotshi acowa kowcitia iai, tapa acre koromai ia tokokotoga o ta fine.
10Hepra niana afitshicou niroro ia aritu sore, nifetacina acre iotshi neicitia iai, acre tagata isa ma erefia; tagata nalupai niromai ia tokotokoga o ta fine.
11¶ Ta teriki nimai keicitia acre nifetacina iai iateia, ma aia neicitia iai tasi tane aia sekataka ia tumiga erefia iateia;
12Aia neitucage iateia, Neli, tiaha akoi komai efare nei ma natshicina tumiga o tokotokoga o ta fine? Ma tshan afasao nijimra.
13Iai teriki neitucage ia niana afitshicou, Fousia aia norima ma novai, amke aia, towaki aia ia apouri sore watafa; iai acre nokotagi sore ma mugiugio aniforea.
14Ma tagata nalupai nitapa, kaia toru ana karafia erefia.
15¶ Iai Afarasi niroro, nifasao ia tshare acitiafakarafia takaroiai aia i afasao,
16Acre nikowna iateia tagata acre nifakairo ma tagata o Herot, nokoutucua, Teriki acime keiro akoi ta mari, ma akoi fakairo ta retu o Atua, ma akoi sekumtacu tagata, ma akoi sekumtacu foimata o takau sore.
17Fakairo acime ane nei, Taha akoi kamintua? Mugaro keitufwa mune ia Sisar, mo jimra?
18Kaia Iesu nikeiro tshare finagaro isa, ma neitucage, Tiaha acowa acitiafakarafia keresia avau, arotowa erua?
19Amai avau kowcitia tase mune, acowa katufwa teriki, acre nimai iateia tasi pene.
20Aia neitucage iacre, Tsha akai noata o tagata ma tatapuria tira?
21Acre neitucage iateia, tsha Sisar. Iai aia neitucage iacre, Keitufwa Sisar toutokogane tsha Sisar; ma ia Atua keitufwa toutokogane tsha Atua.
22Iai acre nifakarogona afasao tira, acre nimasaro sore, natshicina aia niroro tshare retu.
23¶ Nopogera niromai iateia, Asatusi, acre neitucua tagata komate semasike foci, acre nifakowia aia.
24Nokoutucua Teriki, Moses neitucage, pe tatane tasi komate, ma niana ericriki kojimra, mugaro tshana noso karafia tshana nahune, ma amo erecriki ia tshana noso.
25Milou neinofo iacime fitu anoso; aia tourumatua niavaga inahune tshana ma aia nimate, tshana erecriki jimra, ma tshana fine neinofo ia tshana noso;
26Hepra foci magane o ta noso erua, ma o aia ta toru, ma acre iotshi efitu.
27Wamuri acre iotshi ta fine ma nimate.
28Ia anera, ia nopoge wamuri, acre nimate kamasike foci aia nahune tsha akai o acre efitu? ma acre iotshi niarafia aia.
29Iesu nifasao neitucage iacre, Tshowa fasao safi, acowa puspusi tatapuria o Ihova, ma ta tomatua o Atua.
30Ma ia ta kamasike o tagata nimate acre jimra karafia nahune, foci, acre jimra kavaga nahune, kaia acre hepe ta agelo o Atua ia taragi.
31Kaia tinei ia ta kamasike o tagata nimate, acowa tawa, mo jimra, taha Atua nifasao iacowa, nokoutucua.
32Avau ta Atua o Ebraham, ma ta Atua o Aisak, ma ta Atua o Jekob? Atua kojimra ta Atua o acre nimate, kaia o acre komouri.
33Acre iotshi tagata nalupai nifetacina iai nifakarogona anera, acre nimasaro sore ia tshana fakairo.
34¶ Kaia nopogera Afarasi nifakarogona pe aia kotshice afasao o ta Asatusi, acre nifetacina iateia.
35Tasi o acre fakau nifakairo nokano o afasao, nifakowia aia acitiafakarafia takaroiai aia, nokoutucua,
36Teriki taha aia ta sore tafasao fakairo ane tapu, o afasao ane iotshi tapu o Ihova?
37Iesu neitucage iateia, Akoi kacitiafakarafia ta Ihova tshou Atua ia iotshi tshou roto, ma ia iotshi tshou nokano, ma ia iotshi tshou fenagaro.
38Tenei ta mokagi ma ta sore ta fasao fakairo tapu tsha Ihova.
39Ta fakairo erua hepra aia, Akoi kacitiafaakrafia tagata konofo fakaliki akoi hepe akoi acitiafakarafia akoi.
40Ia tira erua afasao fakairo tapu, kotau iotshi afasao fakairo tapu, ma afasao o aprofeta.
41¶ Iai Afarasi nifetacina iateia, Iesu nifakowia acre,
42Nokoutucua, Taha acowa kamintua o Kristo? aia nontariki tsha akai? Acre neitucage iateia, Ta nontariki o Tevit.
43Aia neitucage iacre, Tiaha Tevit ia nokano neitapa aia Teriki Sore, nokoutucua.
44Ta Ihova neitucage ia tshaku Teriki Sore, Nofo akoi ia tshauk norima matau, ia taha nopoge avau kamna tagata feimacowa akoi moy iraro tshou novai?
45Pe Tevit neitucua aia Teriki Sore, tiaha aia tshana nontariki?
46Jimra tasi tane o acre tomatua keifasao aia tasi afasao iateia, foci jimra tasi tane o acre wamuri nopoge tira tomatua fokowia aia ane foci.
Currently Selected:
MATHIUS, NOPUKN AFASAO SORE, 22.: ANT
Highlight
Share
Copy
Want to have your highlights saved across all your devices? Sign up or sign in