MATHIUS, NOPUKU AFASAO SORE, 24.
NOPUKU AFASAO SORE, 24.
1IESU nifano efuafo, nifeke ta fare sore o Ihova; niana tagata aia nifakairo niromai iateia, niarafia aia nakamata afare iotshi o ta fare sore tsha Ihova.
2Iesu neitucage iacre, Secitiamana acowa iotshi anera? Tamari avau koutucua iacowa, Sekonofo icunei tasi fatu iluga tasi foci, pe katowaki iraro iotshi afatu.
3¶ Hepe aia neinofo ia ta ora o Olivet, niana tagata aia nifakairo niromai acre ana iateia, nokoutucua, Fakairo acime roaia ane iotshira karomai? ma taha ta ane kacitia kafakairo akoi nokomai, ma o ta nopoge wamuri?
4Iesu nifasao neitucage iacre, Fatshigeia acowa pe tasi takau jimra karasia acowa.
5Ma nalupai fakau kamai ia tshaku neigo, nokoutucua, Avau ta Kristo; acre karesia tagata nalupai.
6Acowa kafakarogona o atowa ma afasao o atowa; fatshigeia ma natshicina kumtacu acowa; ma ane iotshira tamari karomai kaia nopoge wamuri sekomai milou.
7Ma ta fanua kamasike kotaia foci fanua, ma ta vaka kamasike kotaia foci ta vaka, ma tagata tshitogi sore takai kojimra, ma amace sore isa, ma amahuke ia none nalupai.
8Ane iotshira neikamata o ane isa nalupai iauiai aroto o tagata.
9Ia taha nopoge acre katufwa acowa keitakaroiai acowa, ma kataia acowa komate; ma acre kafeimacowa acowa i afanua iotshi ianei acowa acitiafakarafia tshaku neigo.
10Ia taha nopoge tagata nalupai kataru iatavau, ma acre kafakareresia macre, ma acre kafeimacowa macre.
11Nalupai tagata aprofeta karesia kamasike, ma karesia tagata nalupai.
12Ia ane nei maganisa sore kanofo, acitiafakarafia tsha nalupai tagata mori kafakasisi.
13Kaia aia kamaganerefia ia nopoge wamuri, aia kafano taragi.
14Tenei fasao erefia o ta vaka kakova i afanua iotshi, ma kafakairo tagata i afanua iotshi; wamuri tira ta nopoge wamuri kamai.
15Taha nopoge acowa kacitia, ane isa takaroiai ane iotshi, nifasao iateia ia tatapuria o Taneil ta profeta, kotu ia none tapu (erefia aia tawa tatapuria, keiro erefia;)
16Taha nopoge komai erefia acre kanofo ia fanua Juteia kofura ia aora;
17Erefia aia kanofo ia tatahufu o ta fare jimra kamai iraro keiamke ane efare tshana.
18Foci erefia aia kanofo ia ta vere jimra komai foci keiamke tshana umega.
19Kowe ia acre fafine kafoinai, ma fafine kafakoumia nagatama i anopoge iateia.
20Kaia mori acowa pe tshowa kafura semai ia nopoge mukaligi, mo ia nopoge tapu;
21I taha nopoge karomai sore su ta my aroto o tagata, jimra hepe i anopoge mokagi ia neikamata o iafanua iotshi ia nopoge nei ma, jimra ma sekamai wamuri hepe tau ma tau.
22Ma pe jimra kamna fakapotpotu anapoge iateia, jimra tasi tagata konofo wamuri; kaia ma acre Atua acitifakarafia mokagi taha anopoge iateia kamna potpoto.
23Taha nopoge iateia pe takau tasi katucua iacowa, kowcitia Kristo icunei, mo icona; natshicina fakarogrogo aia.
24Ma Akristo karesia karomai, ma aprofeta karesia karomai, acre kamna ane sore nalupai ma ane kamna tagata kamasara iateia; pe acre tomatua iateia, acre karesia foci ma tagata Atua mokagi acitiafakarafia.
25Kowcitia, avau koutucua iacowa mokagi.
26Ia ane nei pe acre katucua iacowa, Kowcitia aia ia tugogau; Natshicina acowa roro watafa iateia; kowcitia, aia ia akesi efare; sefakarogrogo aia.
27Ma hepe tuptupeia komai ia nontafa itata tara konace, ma merama fano ia nuntafa tara takeifo iai; hepe ana ta nokomai o ta Nontariki o tagata.
28Ma ia none wehe ta noaga konofo, iai aicel kafetacina iateia.
29¶ Milowa wamuri amy sore o taha anopoge iateia, tara kamna pouri, ma tumrama kanatshicina katufwa tshana merama, afatu kamerigi ma taragi, ma atomatua o taragi karuruia.
30I taha nopoge nei ane sore o Nontariki o tagata kamai keicitia ia apa o taragi; i taha nopoge iateia tagatotshi i iafanua iotshi katagi iateia, ma acre kacitia ta Nontariki o tagata nokomai ia apa o taragi, ia tomatua ma merama sore su.
31Aia kakowna tshana agelo ia norio palo o tupu, acre kafitacina niana tagata aia mokagi acitiafakarafia ia tumtagi efa o taragi, ma ia tasi nopito o taragi ia tasi foci.
32Milow fakarogona ta fakatagasia o ta tsharupe; Pe tshana nora kotuptupu keiforasia noraw, acowa keiro koitata umrama ane otshi somo;
33Hepra acowa, pe acowa taha nopoge kacitia ane otshira, keiro acowa pe aia koitata, efuafo afitoca.
34Tamari avau koutucua iacowa, tagata konofo milownei sekafano, mokagi acowa kacitia ane otshira komaice.
35Taragi ma iafanua wararoni kafano, kaia tshaku fasao kanatshicina kafano.
36¶ Kaia o taha nopogi ma our iateia jimra tatane tasi keiro, agelo o taragi sekeiro, kaia tshaku Tata ana.
37Kaia hepe anopogera o Noa, hepra ta nokomai o ta Nontariki o tagata.
38Ma hepe i anopogera mokagi tavai tafe sore neinofo acre tagata nikokai ma neinumea, nifakavageina ma niavage afine, ia nopogera Noa nifano ia ta vaka sore,
39Acre sekeiro ia nopogera tavai tafe nimai, ma niamke acre otshi; hepra ma nokamai o ta Nontariki o tagata.
40Ia taha nopoge iateia erua tagata konofo ia tavere, kamo tasi ma natshicina tasi.
41Erua fafine kasoro fakaliki ia taganea; tasi kamke, ma natshicina tasi foci.
42Kuara kasara anera, ma acowa puspusi taha our tshowa teriki kamai.
43Kaia keiro tinei, pe tatane sore o tafare nikeiro, ia taha karatshia tagata tshigo nokomai, aia makaratshia, ma neitucuasana aia iauiai tshana fare.
44I anera erefia penapena acowa foci iateia; ma ia our acowa sekamintua ta Nontariki o tagata kamai.
45Aia akai fitshicou mari ma arapakau, aia tshana teriki neimna ta teriki keifatshigeia erefia ane iotshi efare tshano, keitufwa acre iai akai ia nontafa nopoge erefia iateia?
46Kosececesa ta fitshicou tira, pe ia taha nopoge tshana teriki komai kacitia aia maganerefia hepra.
47Tamari avau koutucua iacowa, Pe aia kamna aia teriki o ane otshi tshana.
48Kaia pe fitshicou tiru isa ma katucua ia niana roto, Tshaku teriki semai mana;
49Ma aia nekeimata kataia anoso afitshicau, ma keina ma meinu ia acre tagata meinu makona;
50Ta teriki o tira fitshicau kamai ia taha nopoge aia setari mana aia, ia our ma aia puspusi iateia,
51Aia kasawace aia erua, ma ioria aia tshana fakamata ia acre arotorea erua; iai acre nokatage ma kamagiugio aneforea.
Currently Selected:
MATHIUS, NOPUKU AFASAO SORE, 24.: ANT
Highlight
Share
Copy
Want to have your highlights saved across all your devices? Sign up or sign in