Seònd Matìe 15
15
1Alòre i si fasèrin dònge dai Scrìbis, e dai Farisèos di Jerusalèm, disìnji:
2Parcè mài ju tiei discèpui no ossèrvino lis tradiziòns dai anziàns? parcechè no si làvin lis mans cuand che màngin pan.
3Lui po rispuindìnd ur disè: Parcè ànçhe vo’ àltris no osservàiso lu comandamènt di Dio par càuse de’ vuèstre tradiziòn? Parcechè Dio l’ à ditt:
4Onòre lu pàri e le màri: Cùi, cu maledirà lu pàri, o le màri, ch’ al sèvi çhastijàd cu le muart.
5Vo’ àltris po o’ dìsis: Ognidùn dirà al pàri, o a le màri: Ogni ufièrte fàte da me, ti zovarà:
6E nol onorarà so pàri, o so màri: e o’ vês distrùtt lu comandamènt di Dio cu le vuèstre tradiziòn.
7Ipòcritis, ben l’ à profetàd di vo’ àltris Isaìe, disìnd:
8Chest pòpul mi onòre cui làvris: ma ’l lor cûr al è lontàn di me.
9E sènze resòn mi onòrin, insegnànd dutrìnis e comandamènts umàns.
10E clamàdis a sè lis tùrbis, ur disè: Sintìt, e capìt.
11No chell, ch’ al èntre pe’ bòçhe, al spòrçhe l’ om: ma chell, ch’ al ven fûr de’ bòçhe, l’ è chell, ch’ al spòrçhe l’ om.
12Alòre fasìnsi dònge ju siei discèpui, i disèrin: Sàstu, che ju Farisèos, sintùdis chèstis peràulis, si son scandalizàds?
13Ma lui rispundìnd al disè: Ogni plànte, che no è stàde plantàde dal celèst gno Pàri, e’ sarà sradisàde.
14Lassàiju stà: son uarbs, e condutòrs di uarbs. E se un uarb al mène un àltri, e’ çhàdin duçh doi in tal fossàl.
15Rispuindìnd po Pièri i disè: Spièghinus chèste paràbule.
16Ma lui al disè: Sèso ançhimò ànçhe vo’ àltris sènze intelètt?
17No capìso, che dutt cè, cu èntre pe’ bòçhe, al va te’ pànze, e po al sàlte fûr par daûr?
18Ma chês çhòssis, cu vègnin de’ bòçhe, sàltin fûr dal cûr, e chês e’ spòrçhin l’ om:
19Parcechè dal cûr e’ jèssin ju pinsìrs çhatìvs, ju mazzalìcis, ju adultèris, lis fornicaziòns, lis robarìis, lis fàlsis testemoneànzis, lis blestèmis.
20Chèstis son lis çhòssis, cu spòrçhin l’ om. Ma lu mangià sènze lavàssi lis mans, nol spòrçhe l’ om.
21E land vie di là Jèsu al si dirizè des bàndis di Tìro e di Sidòn.
22Cenonè ùne fèmine cananèe vignùde fûr di chês bàndis e’ vosà, disìnd: Vèvi pietàd di me, o Signòr, fi di Dàvid: me fìje e’ jè malamèntri tormentàde dal demòni.
23Ma lui no i rispuindè peràule. E fasìnsi dònge ju siei discèpui lu prejàvin disìnd: Màndile vie: parcechè e’ cijùle daûr di nô.
24Lui po rispuindìnd al disè: O’ soi mandàd nòme pes piòris pierdùdis de chàse di Israèl.
25Ma jê e’ vignì dònge, e lu adorà, disìnd: Signòr, jùdimi.
26E lui i rispuindè: No l’ è ben di çhòli lu pan dai fîs, par butàlu ai çhans.
27Ma jê disè: Si, l’ è vêr, o Signor: parcechè ànçhe ju çhanùts màngin ju fruzzòns, che çhàdin de’ tàule dai lor paròns.
28Alòre Jèsu rispuindìnd, i disè: O fèmine, grànde e’ jè le to fède: che ti sèi fatt còme che tu vûs. E in chê òre stèsse e’ fo vuarìde so fìje.
29E jessìnd Jèsu partìd di là, al lè viers lu mar di Galilèe: e làd su d’ ùne mont, al stève sentàd lì.
30E i si fasèrin dònge gran tùrbis di int, che menàvin cun lor muts, uarbs, zuèts, strupiàds, e un monçh di àltris malàds: e ju butàrin ai siei pids, e ju vuarì:
31In mûd che lis tùrbis si maravejàvin, viodìnd, che ju muts fevelàvin, ju zuèts çhaminàvin, ju uarbs viodèvin: e glorificàvin lu Dio di Israèl.
32Jèsu po, clamàds ju siei discèpui, al disè: O’ ài pietàd des tùrbis, che da tre dìs no si slontànin di me, e no àn ce mangià: e no vuèj mandàju vie dizùns, parchè no còlin di languòr par stràde.
33E ju discèpui i disèrin: Ma dulà çhatarìno tal desèrt tant pan, par pàssi tànte int?
34E Jèsu ur disè: Cetànçh pans vèso? E lor i rispuindèrin: Siett, e pôs pessùts.
35E al comandà a lis tùrbis di sentàssi par tière.
36E pijànd ju siett pans, e ju pess, e ringraziànd, ju rompè, e ju dè ai siei discèpui, e ju siei discèpui ju dèrin al pòpul.
37E mangiàrin ducuànçh, e si son passùds. E di chell, ch’ al vanzà di fruzzòns, jemplàrin siett còrbis.
38Chèi, cu mangiàrin, e’ jèrin cuàtri mil ùmign, sènze ju pìzzui, e lis fèminis.
39E licenziàde le tùrbe, al montà in bàrçhe: e al lè des bàndis di Magèdan.
Currently Selected:
Seònd Matìe 15: FUR1860
Highlight
Share
Copy
Want to have your highlights saved across all your devices? Sign up or sign in
First published in London in 1860.
