Ts'etta 21
21
I'saq'ın yedike ıxhay
1Rəbbee ögiyl uvhuyn xhinne, Sarrays yugvalla haa'ana. Mang'vee huvuyn cuvab aqqaqqan. 2Allahee uvhuyne gahıl, Sarra vuxhne ayxu, q'əsde İbrıhımıs dix uxu. 3İbrıhımee Sarrayke ıxhayne dixes I'saq' (əqəna) do giyxhe. 4Allahee İbrıhımık'le cune əmree uvhuyn xhinne, mang'vee dix, I'saq' ıxhayne molyne yiğıle sunnat ha'a. 5I'saq' yedike ıxhayng'a, İbrıhımıqa vəş senniy vod.
6Sarree uvhuyn:
– Allahee yizde aq'veeqa əqəna qali'ı! Man g'ayxhıyne gırgıng've zaka sacigee əqəna ha'as!
7Sarreecad meed eyhen:
– Şavaa İbrıhımık'le eyheyiy, ine q'əsvalee zı uşax uxu yic gyoqa'as? Haane, yicıd uxuyn!
8Uşax xət qıxha, nikneke gyarğılyna. I'saq' nikneke gyarğılyne yiğıl, İbrıhımee xədın otxhun-ulyodğuy hele.
Haacariy I'smı'ı'l g'e'eebaşenbı
9Sarrayk'le g'ecen, Misirğançene Haacaree İbrıhımıke uxuyne dixee I'saq'ıle əqənavud ha'a. 10Sarree İbrıhımık'le eyhen:
– İna həmbal zəiyfayiy cena dix g'e'eepşe. Mane həmbal zəiyfayne dixes yizde dixes I'saq'ıs xhinne yiğın kar axvas deş.
11Mançike İbrıhımee it'umda aq'va givaxana'a, nya'as uvhee, I'smı'ı'lir mang'una dixniy vor.
12Allahee İbrıhımık'le eyhen:
– Gadeyliy həmbal zəiyfayl-alla ğu aq'va givaxan hımaa'a. Sarree vak'le eyhene gırgınçil k'ırı alixhxhe. I'smı'ı'like g'abıynbı deş, I'saq'ıke g'abıynbı yiğna nasıl vuxhes. 13Mane həmbal zəiyfayne dixeked millet g'alya'as, manar yiğna dixnançe.
14İbrıhım miç'eer çakra suğotsu, gıneyiy sa tuluğ xhinen alyaat'u, Haacarne mıgalqa hele. Qiyğa manayiy uşax mang'vee yəqqı'l aa'a. Haacar əlyhəəme, Beer-Şevayne sahree ileekkana.
15Tuluğeedın xhyan g'att'umee, məng'ee dix ğı'ç'iyk avur gya'a. 16Qiyğar sa avhuyn vuk hixharasdemeena yəq apk'ın, «Dix nəxüriy qek'ava g'ımececenva» uvhu, geeşe giy'ar.
17Allahık'le gade geşşe g'iyxhen. Allahne malaaikın xəənçe Haacarılqa onu'u, eyhen:
– Haacar vak hucoona ıxha? Qı'meeq'ən, gade gyu'urne cigeençe Allahık'le mana geşşe g'ayxhiyn. 18Oza qiyxhe, yeera gade xılyaqa alert'e. Zı mang'uke xədın millet g'alya'as.
19Allahee Haacarın uleppı aaqa, məng'ı'k'le xhinekana kahrız g'ooce. Ark'ın, tuluğ xhinen gyatsts'ı'ı, gadeys ulyoğa'a.
20Allah mane gadeyka ıxha. Mana xər qıxha, sahree axva, mang'uke yugda vuk ayhena eyxhe. 21Mana Paranne sahree axva. Yedee mang'us Misirğançe xhunaşşe hee'e.
İbrıhımeeyiy Avimelekee cuvab g'ats'ayk'van
22Mane gahıl Avimelekeeyiy mang'une g'oşunne vuk'lel ulyorzulyne Pikolee, İbrıhımık'le eyhen:
– Ğu hucooyid he'ee, Allah vaka vor. 23Həşde inyaa'ad Allahne ögiyl ğu zas k'ın g'aysre, zasıy zake g'abıynbışis ğu qəlasın ha'as deş. Cuvab hele, zı vaka eyxhena xhinne, ğunar zakayiy ğu axvane cigabışde insanaaşika yugra ixhes.
24İbrıhımee «Zı k'ın g'iysaranva» eyhe.
25Avimelekne nukaraaşe avquyne kahrızıl-alla, İbrıhımee Avimelekıs güx haa'a. 26Avimelekee eyhen:
– Man şava hı'ı ıxhay zak'le ats'a deş. Ğunad zak'le ats'axhxhı'ı deş, man zak'le həşde g'iyxhe.
27İbrıhımee çavra-vəq'ə g'əyxı', Avimelekıs hele. Məxüd manbışe cuvab g'ats'ayk'van. 28İbrıhımee cune vəq'əbışike yighıble vəq'ə curaa'a. 29Avimelekee İbrıhımık'le eyhen:
– İna ğu curav'una yighıble vəq'ə nəxbınane?
30Mang'vee eyhen:
– İna yighıble vəq'ə alept'e, mana kahrız zı alipk'ırva, mana yizda vobva, işaarat ixhecen.
31Mançil-allad mang'vee mane cigayn do Beer-Şeva#21:31 Beer-Şeva: mançina q'öb'esda mə'na «yighınçina kahrız» vobna. (k'ınena kahrız) giyxhe, manbışde q'öng'eesana maa'ad k'ın g'aysır.
32Məxüd Beer-Şevee cuvab g'ats'ayk'van. Mançile qiyğa Avimelekır, mang'une g'oşunne vuk'lel ulyorzulyna Pikolur mançe Filiştinbışde cigabışeeqa siviyk'al. 33İbrıhımee Beer-Şevee tamariskna yiv oozu, maa'ad Rəbbis, gırgıne gahbışil vorne Allahıs ı'bəədat ha'a. 34İbrıhım Filiştinbışde cigabışee menne cigabışeençe qarına xhinne geer axva.
Currently Selected:
Ts'etta 21: YIQSUM
Highlight
Share
Copy
Want to have your highlights saved across all your devices? Sign up or sign in
