Ts'etta 22
22
İbrıhım siliys ı'xı'
1Sabara gahıle Allahee İbrıhım siliys ı'xı'yxə.
Mang'vee «İbrıhımva!» ona'an.
İbrıhımee «Hooyva!» eyhe.
2Allahee mang'uk'le eyhen:
– Vas ıkkanna, vorna-deşda yiğna dix I'saq'ır alyart'u Moriya eyhene cigeeqa hoora. Zı vak'le haagvasde suval, dix gyoxhxhane'e, q'urbanna alle'e.
3İbrıhımee çakra miç'eeqana suğotsu cune əməleys palanbı ı'xı'yxə. Mang'vee cukasana q'öyre mek'vna, sayir dix I'saq' ıkkekka. Mang'vee q'urban gyooxhan ha'asın osbıd qaxı, yəq avqaaqana Allahee uvhuyne cigeeqa. 4Man ciga İbrıhımık'le xhebıd'esde yiğıl, vuk'ul ooqa qav'uyng'a, əq'ənançe g'ece. 5Mang'vee mek'vunbışik'le eyhen:
– Şu əməleyka inyaa aaxve, zı dixeka şaqa ı'qqəs. I'bəədat ha'u, şosqa savk'alas.
6Q'urban gyooxhan ha'as qaxıyn osbı İbrıhımee cune dixene I'saq'ne mıgalqa hele. Ts'ayiy ç'ikad vucee alyaat'a. Cona q'öyre maqa əlyhəəng'ə, 7I'saq'ee dekkık'le İbrıhımık'le eyhen:
– Dek!
Mang'vee alidghıniy qelen:
– Dix, yizın k'ırı val vod.
I'saq'ee qiyghanan:
– Ts'ayiy osbı vodunbı, saccu q'urbanna beder nençene vuxhes?
8İbrıhımee eyhen:
– Dix, q'urbanna beder Allahee Vucee haagvasda.
İnbı sacigee avayk'ananbı. 9Manbı qavaylenbı Allahee mang'uk'le uvhuyne cigeeqa. İbrıhımee maa'ad q'urbanbı allya'an ciga ali'ı, çilqad osbı giyk'an. Qiyğar I'saq' ayt'ıl mane q'urbanbı allya'ane cigalyne osbışilqa g'alya'a. 10İbrıhımee dix gik'asva xıl hotku ç'ika alyaat'a.
11Mane gahıl Rəbbine malaaikee xəybışeençe mang'ulqa ona'an:
– İbrıhım, İbrıhım!
Mang'vee eyhen:
– Zı inyaa vor!
12Malaaikee eyhen:
– Gadeyk simet'a! Mang'uk vuççud hıma'a! Həşde zak'le ats'axhxhayn, ğu Allahıle qəyq'ən vor, vaqa vornacar hamana sa dix, vucur ğu Cule qiykkın deş.
13İbrıhımee vuk'ul ooqa qav'umee, ğı'ç'ee gaçbı açatxırna sa g'arg g'ooce. İbrıhımee hark'ın mana g'arg qabı, dixene cigee q'urbanna ablyaa'a. 14İbrıhımee mane cigayn do Yahve-İre (Rəbbee hagvasın) giyxhe. Mançil-allad həşdilqamee insanaaşe məxüd eyhe: «Vucee Rəbbee suval hagvasın».
15Rəbbine malaaikee xəybışeençe İbrıhımılqa onu'u meed eyhen:
16– Rəbbee inəxüdud eyhe: «Ğu ina iş hav'uva, vornacar sa dix qidiykınva, Zı Yizde doyulen k'ın g'iysar: 17Zı vas hək'ebab xayir-düə hevles, yiğna nasıl xəədın xənebımee, deryahne hiqiy-allana g'um xhinne hexxaa'asda. Duşmanaaşin şaharbıd yiğne nasılınbı ixhes. 18Ğu Yizde cuvabıl k'ırı alixhxhiyl-alla, dyunyeyne gırgıne milletbışe yiğne nasılıke xayir-düə alyapt'as».
19İbrıhım siyk'alna cuka abıyne mek'vunbışisqa. Mançe manbı sacigee siviyk'alanbı Beer-Şeveeqa. İbrıhım Beer-Şevee axva.
İbrıhımne çocun Naxorun uşaxar
20Sabara gah ılğevç'uyle qiyğa, İbrıhımık'le eyhen:
– Milkayke yed yixha, məng'ee yiğne çocus Naxorus dixbı vuxu: 21ts'erriyna dix Uts, mang'una çoc Buz, Qemuel (Qemuel Aramna dek eyxhe), 22Kesed, Xazo, Pildaş, İdlaf, Betuel. 23(Betuelike yiş Rivq'a yeexhe.)
Man molyulle uşax Milkee İbrıhımne çocus Naxorus uxooxa. 24Reuma donane mang'une həmbal zəiyfeeyib mang'us Tebax, Gaxam, Taxaş, Maaka donan dixbı uxooxa.
Currently Selected:
Ts'etta 22: YIQSUM
Highlight
Share
Copy
Want to have your highlights saved across all your devices? Sign up or sign in
