Marku 3
3
Uvonihinya wa ntthu oonririya ntata
Mateu 12.9-14; Luka 6.6-11
1Yesu ahokela tho nsinakoka. Ahaawo mommo ntthu oonririya ntata. 2Vano yahaawo atthu yaananhottela wakhala wiira nanvoniha nihuku no ntivela, wiira amphwanyane nantuthi oomootheryaca. 3Yesu ahomwiirela ntthu aarina ntata noonririya: Wunwe ni uwe iriyari ila va. 4Wahoolo ahaakoha eeraka: Nihuku no ntivela unlamuliya upanka yoorera atthuna yoonanara, woopola ukumi atthuna wiiva? Ale yahomaalaca.
5Vano, aawehaka n'urusiya, ni ummweryaka nrima nlattu wooturumala mirima caya, ahomwiirela ntthu ule: Utaphule ntata. Ahotaphula ni nne nahovona. 6Vano mafarisi na annaheroti yahokhuma ni yahopacera uvaanela mananna oomwiiva Yesu.
Yesu nawaavoniha aretta enci
7Yesu ahorwaa untthiyani n'eetthuci awe, atthariyaka ni mphwinko muulupale waakhuma uKalileya, ni Yuteya, 8uYerusalemu, wItumeya, ukhopela Yortani, ni nceresere uTiru ni uSitoni. Ahophwanyinya ni mphwinko muulupale, wewiilyaya itthu yaapankawe. 9Ahaahimerya eetthuci awe anlokihere ikalawa yankani, wiira hiphunyererihiye ni mphwinko uyo. 10Woona ahaavoniha atthu enci, ni nlattu w'etthu ila, ale yaanawaaninya ni ikwerere wiira ankwanye. 11Minepa coonanara, waamoonaya, caanankhoromela wamiithoni wawe ni caanakhuwa ciiraka: We uMwana a Nluku. 12Nanso ule ahaalamulela wiira ahicuwelihe.
Uthanliya wa amitthenka khumi n'eeli
Mateu 10.1-4; Luka 6.12-16
13Wahoolo ahowela mmwaakoni, ni aheehana ale yaatthunnyawe, na ale yahomwaattamerya. 14Ahaathanla khumi n'eeli phwaavahaka ncina na amitthenka wiira yakhale n'uyo, ni aarume ulalya, 15ni yaphwanyeke ikuru yowoomola minepa coonanara. 16Ahaathanla khumi n'eeli ala: Simoni, ammahilyawe ncina na Peturu, 17Yakopu, mwanawe Sepeteu, ni Yohani nhimawe Yakopu, ammahilyawe ncina Powanerce, maanaya asaana utari; 18Anteree, Filipe, Partolomeu, Mateu, Tomee, Yakopu mwanawe Alfeu, Tateu, Simoni nseloti, 19ni Yuta Iskariyoti, anthumihile Yesu.
Yesu ni Sotwani
Mateu 12.22-32; Luka 11.14-23; 12.10
20Waaphilyaya uwani, mphwinko wa atthu wahothukumana tho, mpaka wahinooryaya ulya. 21Ni amawawe, wiiwa waya itthu ila, yahokhuma wiira ammare, nlattu yeeriya: Hoolociya. 22Mayowantikha yaakhuruwenle uYerusalemu yeera: Hovariya ni Peelsepu. Ula noomola macini ni ikuru ca nlamuli o macini.
23Vano Yesu aheehana ni waahimerya mmalikaniheroni: Noorya cani, Sotwani umoomola Sotwani? 24Umwene wakawanyaka, khunkhala tho, 25ni ntthoko nakawanyaka khaninkhala tho. 26Vano, Sotwani eecaanihaka ikhotto mwanene eekawanihaka, ni khanoorya ukhala tho, homala. 27Khaawo noorya ukela inupa ya ntthu oolipa n'umwiinyera mihakhu cawe woohipaca ummara wahoolo phumwiinyeraka. 28Khweli kinawuhimeryani: Itampi cothene ni ikufuru cothene cinkhala coromoliya na atthu, cothene cimmoleveleliya, 29nanso, ntthu nohala ukufurwela Nnepa Nttakattifu khanhala uleveleliya; nowookhala ni itampi awe mahuku othene.
30Ahaahimerya itthu ila nlattu yahimenrye: Ule naavariya ni nnepa woonanara.
Aloko awe Yesu
Mateu 12.46-50; Luka 8.19-21
31Vano yahophiya anumwane na asunnawe, ni aneemenle uta, yahaaruma atthu umwiihana. 32Mphwinko wa atthu wahonkoma ntotho wawe, atthu yahonhimerya: Ahaawo vate anumwana na asunnaa, anawuphavela. 33Ahaakhula: Amaanyi ni asunnaka phapani? 34Ni athetulaka miitho mwa atthu ale yaanrukurenrye, aheera: Ala ph'amaanyi na asunnaka. 35Ntthu nopanka utthuna wawe Nluku, ule phi nhimaaka, mwanrokoraka na amaanyi.
Currently Selected:
Marku 3: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
Marku 3
3
Uvonihinya wa ntthu oonririya ntata
Mateu 12.9-14; Luka 6.6-11
1Yesu ahokela tho nsinakoka. Ahaawo mommo ntthu oonririya ntata. 2Vano yahaawo atthu yaananhottela wakhala wiira nanvoniha nihuku no ntivela, wiira amphwanyane nantuthi oomootheryaca. 3Yesu ahomwiirela ntthu aarina ntata noonririya: Wunwe ni uwe iriyari ila va. 4Wahoolo ahaakoha eeraka: Nihuku no ntivela unlamuliya upanka yoorera atthuna yoonanara, woopola ukumi atthuna wiiva? Ale yahomaalaca.
5Vano, aawehaka n'urusiya, ni ummweryaka nrima nlattu wooturumala mirima caya, ahomwiirela ntthu ule: Utaphule ntata. Ahotaphula ni nne nahovona. 6Vano mafarisi na annaheroti yahokhuma ni yahopacera uvaanela mananna oomwiiva Yesu.
Yesu nawaavoniha aretta enci
7Yesu ahorwaa untthiyani n'eetthuci awe, atthariyaka ni mphwinko muulupale waakhuma uKalileya, ni Yuteya, 8uYerusalemu, wItumeya, ukhopela Yortani, ni nceresere uTiru ni uSitoni. Ahophwanyinya ni mphwinko muulupale, wewiilyaya itthu yaapankawe. 9Ahaahimerya eetthuci awe anlokihere ikalawa yankani, wiira hiphunyererihiye ni mphwinko uyo. 10Woona ahaavoniha atthu enci, ni nlattu w'etthu ila, ale yaanawaaninya ni ikwerere wiira ankwanye. 11Minepa coonanara, waamoonaya, caanankhoromela wamiithoni wawe ni caanakhuwa ciiraka: We uMwana a Nluku. 12Nanso ule ahaalamulela wiira ahicuwelihe.
Uthanliya wa amitthenka khumi n'eeli
Mateu 10.1-4; Luka 6.12-16
13Wahoolo ahowela mmwaakoni, ni aheehana ale yaatthunnyawe, na ale yahomwaattamerya. 14Ahaathanla khumi n'eeli phwaavahaka ncina na amitthenka wiira yakhale n'uyo, ni aarume ulalya, 15ni yaphwanyeke ikuru yowoomola minepa coonanara. 16Ahaathanla khumi n'eeli ala: Simoni, ammahilyawe ncina na Peturu, 17Yakopu, mwanawe Sepeteu, ni Yohani nhimawe Yakopu, ammahilyawe ncina Powanerce, maanaya asaana utari; 18Anteree, Filipe, Partolomeu, Mateu, Tomee, Yakopu mwanawe Alfeu, Tateu, Simoni nseloti, 19ni Yuta Iskariyoti, anthumihile Yesu.
Yesu ni Sotwani
Mateu 12.22-32; Luka 11.14-23; 12.10
20Waaphilyaya uwani, mphwinko wa atthu wahothukumana tho, mpaka wahinooryaya ulya. 21Ni amawawe, wiiwa waya itthu ila, yahokhuma wiira ammare, nlattu yeeriya: Hoolociya. 22Mayowantikha yaakhuruwenle uYerusalemu yeera: Hovariya ni Peelsepu. Ula noomola macini ni ikuru ca nlamuli o macini.
23Vano Yesu aheehana ni waahimerya mmalikaniheroni: Noorya cani, Sotwani umoomola Sotwani? 24Umwene wakawanyaka, khunkhala tho, 25ni ntthoko nakawanyaka khaninkhala tho. 26Vano, Sotwani eecaanihaka ikhotto mwanene eekawanihaka, ni khanoorya ukhala tho, homala. 27Khaawo noorya ukela inupa ya ntthu oolipa n'umwiinyera mihakhu cawe woohipaca ummara wahoolo phumwiinyeraka. 28Khweli kinawuhimeryani: Itampi cothene ni ikufuru cothene cinkhala coromoliya na atthu, cothene cimmoleveleliya, 29nanso, ntthu nohala ukufurwela Nnepa Nttakattifu khanhala uleveleliya; nowookhala ni itampi awe mahuku othene.
30Ahaahimerya itthu ila nlattu yahimenrye: Ule naavariya ni nnepa woonanara.
Aloko awe Yesu
Mateu 12.46-50; Luka 8.19-21
31Vano yahophiya anumwane na asunnawe, ni aneemenle uta, yahaaruma atthu umwiihana. 32Mphwinko wa atthu wahonkoma ntotho wawe, atthu yahonhimerya: Ahaawo vate anumwana na asunnaa, anawuphavela. 33Ahaakhula: Amaanyi ni asunnaka phapani? 34Ni athetulaka miitho mwa atthu ale yaanrukurenrye, aheera: Ala ph'amaanyi na asunnaka. 35Ntthu nopanka utthuna wawe Nluku, ule phi nhimaaka, mwanrokoraka na amaanyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.