Mot Ũelesyo Wa Ĩvuku Yĩĩ
Ũelesyo Wa Ĩvuku Yĩĩ
Ĩvuku yĩĩ ya Motalo yĩeleetye maũndũ ala meekĩkie kwa andũ ma Ĩsilaeli ĩvindanĩ ya ta myaka mĩongo ĩna. Ĩvinda yĩu nĩ yĩla maumie Kĩĩmanĩ kya Sinaĩ nginya yĩla mavikie mũvakanĩ wa ngalĩko ya wumĩlonĩ wa syũa ya nthĩ ĩla Ngai wathanĩte akamanenga.
Ĩsyĩtwa ya ĩvuku yĩĩ yumanĩte na ũndũ ũmwe mũnene katĩ wa maũndũ ala maeleetw'e ĩvukunĩ yĩĩ. Ũndũ ũsu mũnene nĩ ũndũ Mwose watalile andũ ma Ĩsilaeli me Kĩĩmanĩ kya Sinaĩ matambĩĩsye kyalo kyoo kya kuma vau. O ta ũu nĩtũtavĩtw'e ĩũlũ wa ũtalo ũla ũngĩ weethĩiwe ĩtina wa kũvĩtũka kwa nzyawa ĩmwe, yĩla maĩ Moavi ngalĩko ya wumĩlonĩ wa syũa ya Ũsĩ wa Yolotani. Myakanĩ ĩla yĩ katĩ wa kũtalwa kwoo kwa mbee na kwa kelĩ, andũ ma Ĩsilaeli nĩmaendie kũvika ndũanĩ ya Katesi Mbalinea ĩla yĩ mũvakanĩ wa ngalĩko ya ĩtheo ya nthĩ ya Kanaani, ĩndĩ me vau maemwa nĩ kũlika nthĩ ya Kanaani. Ĩtina wa kwĩkala ndũanĩ ĩsu vandũ va myaka mingĩ, nĩmaendie kĩsionĩ ya nthĩ kĩla kĩ ngalĩko ya wumĩlonĩ wa syũa ya Ũsĩ wa Yolotani. Andũ amwe ma Ĩsilaeli nĩmatũie vau, na ala angĩ mambĩĩa kwĩyũmbany'a mainge ũsĩ ũsu malike nthĩ ya Kanaani.
Ĩvuku ya Motalo nĩ ũelesyo ĩũlũ wa andũ makusaa ngoo mavinda maingĩ na maĩ na w'ĩa yĩla makwatwa nĩ mathĩna. Andũ asu nĩmakothaa kũlea kũmwĩw'a Ngai na Mwose, ũla wanyuvĩtwe nĩ Ngai amatongoesye. Ũũ nĩ ũvoo ĩũlũ wa ũĩkĩĩku wa Ngai wa kũendeea kũsũvĩa andũ make o na vala maĩ onzu na nĩmaleaa kũatĩĩa mĩao yake. O ta ũu ũvoo ũũ nĩ ĩũlũ wa kwĩyumya kwa Mwose elũmĩtye amũthũkũme Ngai na andũ make, o na vala mavinda amwe nĩweethĩawa atena wũmĩĩsyo.
Maũndũ ala me Ĩvukunĩ Yĩĩ
Andũ ma Ĩsilaeli mayĩyũmbany'a maume Kĩĩmanĩ kya Sinaĩ 1.1—9.23
a. Andũ ma Ĩsilaeli Maitalwa ĩvinda ya mbee 1.1—4.49
b. Mĩao na Motw'ĩo me kĩvathũkany'o 5.1—8.26
c. Kũlilikana kwa Mboka ya Vasaka ĩvinda ya kelĩ 9.1-23
Kyalo kya kuma Kĩĩmanĩ kya Sinaĩ nginya nthĩ ya Moavi 10.1—21.35
Maũndũ ala meekĩkie Andũ ma Ĩsilaeli me Moavi 22.1—32.42
Ũvoo kwa ũkuvĩ ĩũlũ wa kyalo kya andũ ma Ĩsilaeli kuma nthĩ ya Misili nginya nthĩ ya Moavi 33.1-49
Andũ ma Ĩsilaeli Mainengwa Moelesyo mbee wa kũinga Ũsĩ wa Yolotani 33.50—36.13
Currently Selected:
Mot Ũelesyo Wa Ĩvuku Yĩĩ: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011