Ephesians 1
1
1-2Paul, Jesus Christ ṫawahoṡiye kta ċa Wak̇aƞṫaƞka glaḣniġe. Ephesus el ṫaoyate eya uƞpi hena ena Jesus Christ faithful ihakab uƞpi ki hena. 3Mit̄ak̄uyep̄i, Iṫaċaƞ Jesus Christ atkuk̄u ki, Wak̇aƞṫaƞk̄a he etkiya wopila k̄icʹuƞp̄o. T̄ak̄u wak̇aƞya uƞk̄iwaṡte-pic̄a hena iyuha ouƞk̄iyap̄i. 4Mak̇oċe ki k̄aġe ṡnihaƞni ehaƞni uƞglaḣniġap̄i, heċel Christ uƞk̄iċiċap̄i na uƞwak̇aƞp̄i na uƞwaṡtep̄i ktelo. 5Wak̇aƞṫaƞk̄a ṫeuƞk̄iḣilap̄i k̄acʹuƞ ehaƞni Jesus Christ ognayaƞ ṫaċiƞc̄a kta uƞglaḣniġap̄i, leċel ṫawaċiƞ. 6Wak̇aƞṫaƞk̄a uƞṡiuƞk̄ilap̄i ki he uƞyaonihaƞp̄i. Ċiƞhiƞtku waƞ tek̄iḣila waƞ he waeċuƞ ognayan uƞṡiuƞk̄ilap̄i. 7Christ k̄ak̄ijiƞ na we kpapsuƞ heuƞ wowaḣt̄ani hetaƞ uƞk̄iyuṡkap̄i. Wak̇aƞṫaƞk̄a t̄ohaƞok̄ik̄a waṡte; 8t̄ohaƞok̄ik̄a [uƞk̄iwaṡtep̄ikte, 9Na Christ waeċuƞ ki he, Wak̇aƞṫaƞka ṫawookaḣniġe ki he okaḣniġepiċa ṡni ki kpazo. 10Hehaƞl tohaƞl waiyehaƞtu ki, Wak̇aƞṫaƞka taku eya iyukcaƞ ki hena iyuha eċel iyayiƞ kte, na Christ maḣpiya na mak̇oċe ki yuwaƞjila kte. 11Wak̇aƞṫaƞka taku eye ki hena gluiyeċetu, na leċetu kte ki he uƞ Christ ikaḣlogya uƞkaḣniġapi. 12Leċel waeċuƞ ki le uƞkiye ċa ṫokaheya Christ waċiƞyekiya uƞkaṗepi kte. 13Christ nakuƞ wowiċake ki niċahipi, Woṫaiƞ Waṡte ki le tokel naġiwiċayukinipiċa ki he e. Christ wiċayala ki he, na Wak̇aƞṫaƞka niyuha ki he Woniya Wak̇aƞ ki ikaḣlogya ablesniċiye. 14Woniya Wak̇aƞ ki nakuƞ, taku waƞ Wak̇aƞṫaƞka yuwiƞyeya kʹuƞ he slolyeuƞkiyapi, na taku waƞ Wak̇aƞṫaƞka iwahouƞyaƞpi waƞ he yuha uƞkiyapi kte. Hehaƞl Wak̇aƞṫaƞka uƞyuonihaƞpi na uƞyataƞpi kte. 15Wak̇aƞṫaƞka ṫaoyate ki uƞṡiwiċayala na Iṫaċaƞ Jesus wiċayala ki he onaċiḣ'uƞ. 16Heuƞ ciksuya ċaƞna ohiƞniya wopila uƞ waċewakiye. 17Wak̇aƞṫaƞka Ateyapi ki wowitaƞ na Jesus Christ Iṫaċaƞ ki, Woniya Wak̇aƞ ki he niċ'u kta uƞ waċewakiye. Woniya Wak̇an ki tokel Wak̇aƞṫaƞka slolyapi kte ki he ablesniċiƞyiƞ kte. 18Niṫawaċiƞpi ki uƞ waablesniċiyapi kte, heċel taku waƞ waktaya ayaṗe kʹuƞ he oyakaḣniġiƞ kte. Hehaƞl wiċayawaṡtepi oṫaƞṫuƞka waƞ yaƞke ki he niye na Wak̇aƞṫaƞka ṫaoyate kʹuƞ hena ob waƞlakiƞ kte. 19Wak̇aƞṫaƞka ṫawowaṡʹake ihaƞkeya ṫaƞka ki he etaƞ wiċauƞlapi ki hena yuha uƞkiyapi kte. Le wowaṡʹake ihaƞkeya waṡʹake waƞ uƞ 20Wak̇aƞṫanka Christ wiċuƞtʹe etaƞhaƞ yukini na maḣpiyata kiyotakapi waƞ hehaƞ iṡlayataƞhaƞ iyotag kiye. 21He etaƞhaƞ Christ taku ki iyuha oiṫaċaƞyaƞ yaƞke, wooṗe, wowaṡʹake, wowasukiye. Taku ṡkaƞṡkaƞpi ki hena iyuha napiwiċayuze, mak̇oċe ki leel na ṫokata mak̇oċe waƞ u kte ki hena kuƞ. 22Wak̇aƞṫaƞka taku ki iyuha Christ ṫawowaṡʹake ki hel oḣlate uƞ kta kiye, he ok̇olakiċiye wak̇aƞ ki iwaṡtepi kta uƞ oiṫaƞċaƞkiye. 23Ok̇olakiċiye wak̇aƞ ki he ṫaċaƞ ki e, na taku ki iyuha yuwak̇aƞ.
Currently Selected:
Ephesians 1: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society