Ŋikis. ŊUNA EGEUNETE
ŊUNA EGEUNETE
Igiritae lokitaabo ŋolo a Ŋikisila ŋakiro ŋuna alalak ŋuna kirworo Moses neni a Ŋisirael ŋapakio ŋuna alalak anakwap a Moab, aneni alomito ikes ekaku a awosit a ŋina aoyan analoŋisat, toapikinite ikes akikamar ka akiboikin nakwap ŋina a Kanaan.
Ŋakiro ŋace ŋuna apolok nooi ŋuna igiritae lokitaabo lo ikes nu: (1) Ŋakiro ŋuna apolok ŋuna apotu kitiyakinos alotooma ŋikaru ŋulutomoniomwon ŋuna alimuni Moses. Edyekit iŋes ŋituŋa atamun epite ŋolo arikitor Akuj ikes analoŋisat ka edyekit ikes akiwuap ŋakiro ka Akuj ka akitopoloorit Akuj. (2) Ŋakiciketa ŋunatomon ŋuna abu Moses kisileereu, nabo itogogoŋit apolou a Akiciket a ŋina ka apei, elimokinit ŋituŋa akilip neni ke Ekapolon bon. Elimunit nabo Moses ŋikisila ŋulu egeleglya ŋulu emaikina Ŋisirael kiwuapa anakwap a ŋina iikinitae ikes. (3) Elimokinit nabo Moses Ŋisirael apolou ŋina ka Acamunet a Akuj ka ikes, ido elimokinit ikes akikiteteun ainakina kec akitiya ŋuna emaikina ikes kitiyata anacamunet a ŋin. (4) Kituruworoe Yosua ekarikon ŋolo ilunyokin neni a Moses torik ŋituŋa ŋulu ka Akuj. Kedau Moses aeore eete ŋolo epuror akikinyoma ŋina ka Akuj ka kedau akiterereŋ ŋikabilae a Ŋisirael, abu iŋes totwan alo Moab, alo Kide a ŋolol Yorodan.
Akirot ŋina epol nooi alokitaabo alo iŋes ŋina abunio Akuj tolakunia ka kiterereŋ ŋituŋa keŋ ŋuluseuna, ŋulu emina iŋes; emaikina ŋituŋa keŋ totamunito ŋakiro ŋun, tominas Akuj ka kiwuapito ŋakiro keŋ, ikotere eyaryata ka erubakinete itereteŋitoe.
Ŋiŋaeta ŋulu epolok nooi ŋakiro kec alokitaabo alo ikes 6:4-6 ka eya nen ŋakiro nu ŋuna abu Yesu tolimu atemar erae akiciket ŋina iloit ŋakiciketa daadaŋ “Tominas Ekapolon Akuj kus a ŋitai kus a daadaŋ ka a akiyar kus a daadaŋ ka agogoŋu kus a daadaŋ.”
Currently Selected:
Ŋikis. ŊUNA EGEUNETE: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.