Ekim. 26
26
Kimarae anyamet ŋinakitete
1Kedaun edeke ŋolo abu toar ŋituŋa, kirwor Ekapolon neni a Moses ka neni ka Eleasar a esacaradoti a ŋolo arae lokoku ka Aron, 2“Kimara Ŋisirael daadaŋ ŋulu erae ŋikaru kec ŋatomoniarei ka adepar. Kimara ikes a ŋatekerin kec, kimara Ŋisirael daadaŋ ŋulu epedorito alosit lojie.” 3Apotu Moses ka Eleasar esacaradoti kirworo ka ŋituŋa anadipoe a Moab alodiyete aŋolol Yorodan aneni iteosi ka Yeriko; tolimokis Moses ka Eleasar ŋituŋa temasi, 4“Kimara ŋituŋa daadaŋ ŋulu erae ŋikaru kec ŋatomoniarei ka adepar, ikwapei icikitor Ekapolon Moses.”
Ŋisirael ŋulu apote anakwap a Ijipit ikes lu:
5Ŋiletok a Ruben alokoku a Isirael a ŋolo kiya ikes lu: Anok, iŋes papaa a ateker a Ŋianoki, Palu, iŋes papaa a ateker a Ŋipalui, 6Esiron iŋes papaa a ateker a Ŋierisoni; Karimi, iŋes papaa a ateker a Ŋikarimi. 7Arae ŋun ŋatekerin a ŋiletok a Ruben, arae ekimar a ŋulu aponi kimarunae ŋalipyo ŋatomoniomwon ka ŋauni ka ŋamiae ŋakanikaarei ka ŋatomoniuni. 8Lokoku a Palu iŋes Eliab 9ka ŋidwe a Eliab ikes lu: Nemuel, Dasan ka Abiram. Dasan ka Abiram ŋul ikes abu sek ekiŋaren atukot a Ŋisirael toseu ka ikes apotu kitepega Moses ka Aron, toriwo ka ata a Kora apaki ŋina aŋerioto Ekapolon. 10Apotu ikes kiyuuwaar tooma nalup, tolomasi ikes daadaŋ nalup kaapei ka Kora ŋolo apotu ŋirukitos keŋ totwaka apaki ŋina anomiyarya akim ŋikilyok ŋulu arae ekimar kec ŋamiae ŋaarei ka ŋatomonikan; apotu ŋun toruworos akitoodikinet aneni a Ŋisirael. 11Nai pa keponi toarae ŋiletok a Kora.
12Ŋiletok a Simeon a ŋatekerin kec ikes lu: Nemuel iŋes papaa a ateker a Ŋinemueli, Yamin iŋes papaa a ateker a Ŋiyamini, Yakin iŋes papaa a ateker a Ŋiyakini, 13Sera iŋes papaa a ateker a Ŋisera, Saul iŋes papaa a ateker a Ŋisauli. 14Arae ŋun ŋatekerin a Ŋisimeoni, ido arae ekimar a ŋulu aponi kimarunae ŋalipyo ŋatomoniarei ka ŋaarei ka ŋamiae ŋaarei
15Arae lu ŋiletok a Gad a ŋatekerin kec: Sipon iŋes papaa a ateker a Ŋisiponi, Agi iŋes papaa a ateker a Ŋiagi, Suni iŋes papaa a ateker a Ŋisuni, 16Oseni iŋes papaa a ateker a Ŋioseni, Eri iŋes papaa a ateker a Ŋieri, 17Arod iŋes papaa a ateker a Ŋiarodi, Areli iŋes papaa a ateker a Ŋiareli. 18Arae ŋun ŋatekerin a Ŋigadi, ekimar a ŋulu aponi kimarunae arae ŋalipyo ŋatomoniomwon ka ŋamiae ŋakan. 19Arae Er ka Onan ŋidwe a Yuda ŋulusapa ŋulu apotu totwaka anakwap a Kanaan. 20Ŋiletok a Yuda a ŋatekerin kec ikes lu: Sela iŋes papaa a ateker a Ŋisela, Peres iŋes papaa a ateker a Ŋiperes, Sera iŋes papaa a ateker a Ŋisera. 21Ŋiletok a Peres ikes lu: Esiron iŋes papaa ateker a Ŋiesironi, Amiul iŋes papaa a ateker a Ŋiamuli. 22Arae ŋun ŋatekerin a ŋiletok a Yuda; arae ekimar a ŋulu aponi kimarunae a daadaŋ ŋalipyo ŋatomonikanikaarei ka ŋakanikaarei ka ŋamiae ŋakan. 23Ŋiletok a Isakar a ŋatekerin kec ikes lu: Tola iŋes papaa a ateker a Ŋitola, Pupa iŋes papaa a ateker a Ŋipupa, 24Yasub iŋes papaa a ateker a Ŋiyasubi Simiron iŋes papaa a ateker a Ŋisimironi. 25Arae ŋun ŋatekerin a ŋiletok a Isakar; arae ekimar a ŋulu aponi kimarunae ŋalipyo ŋatomonikanikapei ka ŋaomwon ka ŋamiae ŋauni
26Ŋiletok a Sebulon a ŋatekerin kec ikes lu: Sered iŋes papaa a ateker a Ŋiseredi, Elon iŋes papaa a ateker a Ŋieloni, Yaleel iŋes papaa a ateker a Ŋiyeleeli. 27Arae ŋun ŋatekerin a ŋiletok a Sebulon; arae ekimar a ŋulu aponi kimarunae ŋalipyo ŋatomonikanikapei ka ŋamiae ŋakan.
28Arae Manase ka Epuraim ŋidwe a Yosepu ŋulusapa. 29Ŋiletok a Manase a ŋatekerin kec ikes lu: Makir iŋes papaa a ateker a Ŋimakiri arae Makir papa a Gilead; Gilead iŋes papaa a ateker a Ŋigilead 30Arae lu ŋiletok a Gilead: Ieser iŋes papaa a ateker a Ŋieseri, Elek iŋes papaa a ateker a Ŋieleki; 31Asiriel iŋes papaa a ateker a Ŋiasiriel, Sekem iŋes papaa a ateker a Ŋisekemiti 32Semida iŋes papaa a ateker a Ŋisemida, Eper iŋes papaa a ateker a Ŋieperi. 33Amamukar Selopead lokoku ka Eper ŋidwe ŋulusapa, nai ayakar ŋidwe ŋulupesur, tosodi arae lu ŋirorwa a ŋidwe Selopead a ŋulupesur: Mala, Noa, Ogila, Milika ka Tirisa. 34Arae ŋun ŋatekerin a ŋiletok a Manase, arae ekimar a ŋulu aponi kimarunae ŋalipyo ŋatomonikan ka ŋaarei ka ŋamiae ŋakanikaarei.
35Ŋiletok a Epuraim a ŋatekerin kec ikes lu: Susala iŋes papaa a ateker a Ŋisusala, Beker iŋes papaa a ateker a Ŋibekeri, Taan iŋes papaa a ateker a Ŋitaani. 36Lokoku a Susela iŋes Eran, arae Eran papaa a ateker a Ŋierani. 37Arae ŋun ŋatekerin a ŋiletok a Epuraim, ido arae ekimar a ŋulu aponi kimarunae ŋalipyo ŋatomoniuni ka ŋaarei ka ŋamiae ŋakan.
38Ŋiletok a Benjamin a ŋatekerin kec ikes lu: Bela iŋes papaa a ateker a Ŋibela, Asibel iŋes papaa a ateker a Ŋiasibeli, Airam, iŋes papaa a ateker a Ŋiairami, 39Sepupam iŋes papaa a ateker a Ŋisepupami, Upam iŋes papaa a ateker a Ŋiupami, 40Ŋiletok a Bela aneni ka Ared ka Naaman ikes lu: Ared iŋes papaa a ateker a Ŋiaredi, Naaman iŋes papaa a ateker a Ŋinaamani. 41Arae ŋun ŋatekerin a ŋiletok a Benjamin, tosodi arae ekimar a ŋulu aponi kimarunae ŋalipyo ŋatomoniomwon ka ŋakan ka ŋamiae ŋakanikapei.
42Ŋiletok a Dan a ŋatekerin kec ikes Ŋisuami ŋulu arae ŋiletok a Suam.
43Arae ekimar a ŋulu aponi kimarunae anateker a Ŋisuami ŋalipyo ŋatomonikanikapei ka ŋaomwon ka ŋamiae ŋaomwon.
44Ŋiletok ka Aser a ŋatekerin kec ikes lu: Imina iŋes papaa a ateker a Ŋiimina, Isipi iŋes papaa a ateker a Ŋiisipi, Beria iŋes papaa ateker a Ŋiberia. 45Ŋiletok a Beria a ŋatekerin kec ikes lu: Eber iŋes papaa a ateker a Ŋieberi Malikiel iŋes papaa a ateker a Ŋimalikieli. 46Ayakar Aser ikoku ŋinipese ŋini anyaritae Sera. 47Erae ŋun ŋatekerin a ŋiletok ka Aser, arae ekimar a ŋulu aponi kimarunae ŋalipyo ŋatomonikan ka ŋauni ka ŋamiae ŋomwon.
48Ŋiletok a Naputali a ŋatekerin kec ikes lu: Yeseel iŋes papaa a ateker a Ŋiyaseeli, Guni iŋes papaa a ateker a Ŋiguni; 49Yeser iŋes papaa a ateker a Ŋiyeseri, Silem iŋes papaa a ateker a Ŋisilemi, 50Arae ŋul ŋiletok a Naputali a ŋatekerin kec; arae ekimar a ŋulu aponi kimarunae ŋalipyo ŋatomoniomwon ka ŋakan ka ŋamiae ŋaomwon.
51Arae ekimar a Ŋisirael a ŋulu arae ŋikilyok a ŋulu aponi kimarunae ŋalipyo ŋamiae ŋakanikapei ka apei ka ŋamiae ŋakanikaarei ka ŋatomoniuni.
52Kirwor Ekapolon neni a Moses tema, 53“Ŋituŋa ŋul ikes ekorakinio akwap toruwor ŋina kec, iwuapitae ŋirorwa ŋulu imarunitae. 54Ani ekabila ŋolo elalak ŋituŋa keŋ emaikina iyoŋ tokorak akwap daŋ ŋina alalan, tosodi ekabila ŋolo ekudyoko ŋituŋa, emaikina iyoŋ tokorak akwap ŋina edit; emaikina ŋikabilae daadaŋ toryamut akwap ŋina eruwor ŋina kec alokimar a ŋituŋa keŋ. 55Nai, ekoryo akwap anakilamilam, iwuapitae ŋirorwa atapapaa a ŋikabilae. 56Ekoryo ŋinakwap anakilamilam ekorakinio neni a ekabila a ŋolo elalak, kori ekudyoko ŋituŋa keŋ.”
57Erae lo ekimar a ŋilepi a ŋatekerin kec: Gerisom iŋes papaa a ateker a Ŋigerisoni, Kaot iŋes papaa a ateker a Ŋikaoti, Merari iŋes papaa a ateker a Ŋimerari. 58Erae nu ŋatekerin a Lepi: Ateker a Ŋilibini, ateker a Ŋieburoni, ateker a Ŋimali, ateker a Ŋimusi, ateker a Ŋikorai. Arae Kaos papa ka Amiram. 59Arae ekiro a aberu ka Amiram Yokebed nakoku a Lepi ŋina auruunio alo Ijipit. Abu Yokebed touruut ka Amiram ŋidwe lu: Aron, Moses ka nakaato kec Miriam. 60Abu Aron touru ŋidwe lu: Nadab Abiu ka Eleasar ta Isamar. 61Nai apotu Nadab ka Abiu totwaka apaki ŋina ainakiniata ikes neni ke Ekapolon akim ŋina pa etaleuno. 62Arae ekimar a ŋilepi a daadaŋ a ŋulu aponi kimarunae ŋalipyo ŋatomoniarei ka ŋauni, arae ŋul ŋisapa ŋulu arae apolou kec elap epei ka adepar. Pa emarakinitae ikes neni a Ŋisirael a ŋuluce, anerae pa apotu ikes toryamut akwap adio lopite ŋolo aryamuniata ŋikabilae a Ŋisirael ŋuluce.
63Erae ŋul ŋituŋa ŋulu apotu Moses ka Eleasar esacaradoti kimara apaki ŋina emaryata anadipoe aŋuna a Moab alo Kide Yorodan aneni iteosi ka Yeriko. 64Alotuŋa a ŋulu imarunitae a ŋul, mam ipei daŋ ŋini edounitoe apaki ŋina emaryata Moses ka Aron esacaradoti Ŋisirael analoŋisat a ŋina a Sinai. 65Apotu ŋituŋa ŋul daadaŋ totwaka, anerae alimunit Ekapolon aŋuna kec ebe, “Etwakete ikes analoŋisat.” Mam ikes ipei daŋ ŋini ariŋa eyari mati Kaleb lokoku a Yepune ka Yosua lokoku a Nun.
Currently Selected:
Ekim. 26: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.