Ekim. 29
29
Ŋainakineta aŋuna a ŋasuban a ŋuna a ŋarupepe
(Ŋilep. 23:23-25)
1Ŋirwa ke elap epei elap ŋolo a ŋikanikaarei, emaikina iyes tocunakinos iwapei kilipa, nyemaikina iyes toloto loticisyo kus kitiyata, erae akoloŋit ŋin ŋina ikusyata iyes ŋarupepe, 2ido emaikina iyes yaut ŋainakineta nu ŋuna epeyo ŋuna ebob eure kec aneni ke Ekapolon: Emoŋ ŋolosorokit, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit. 3Ikwapei ainakinet ŋina a ŋikinyom, emaikina iyes yaut ŋakirya ŋuna ajokak ŋuna iguritoe ka akimyet, aŋuna a emoŋ, ŋakiloi ŋauni aŋuna a emesek, ŋakiloi ŋaarei 4ka akilo apei aŋuna a ŋinikale a ŋulukanikaarei. 5Emaikina nabo iyes yaut ekoroe erae ainakinet aŋuna ka asecit ka aŋuna ka amookuno kus. 6Einakinio ŋainakineta ŋun kaapei ka ŋainakineta ŋuna epeyo ŋuna ke elap a ŋolokitete kaapei ka ŋainakineta ŋuna a ŋikinyom ta ŋainakineta ŋuna epeyo ŋuna a ŋinakoloŋit kaapei ka ŋainakineta ŋuna a ŋikinyom, kaapei ka ŋainakineta ŋuna a ŋimaten lopite ŋolo elimunitere aŋuna kec alokisil, erae ikes ŋainakineta ŋuna epeyo ŋuna ebob eure aneni ke Ekapolon.
Ŋainakineta aŋuna ka akoloŋit a ŋina ka amookuno
(Ŋilep. 23:26-32)
7Ani edoli ŋirwa ke elap ŋitomon, elap ŋolo a ŋikanikaarei, tocunakinos kilipa, emaikina iyes kiredakis akiron ka nyilot loticisyo kus kitiyata. 8Emaikina iyes yaut neni ke Ekapolon ŋainakineta nu ŋuna epeyo ŋuna ebob eure aneni ke Ekapolon: Emoŋ, emesek ka ŋikaalei ŋikanikaarei ŋulumesekin ŋulu emam neni eŋwalit. 9Ikwapei ainakinet ŋina a ŋikinyom, emaikina iyes yaut ŋakirya ŋuna ajokak ŋuna iguritoe ka akimyet: Ŋakirya ŋakiloi ŋauni aŋuna a emoŋ, ŋakiloi ŋaarei aŋuna a emesek 10ka akilo apei aŋuna a ŋinikale a ŋulukanikaarei. 11Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet aŋuna ka asecit ka amookuno kus ta ŋainakineta ŋuna a ŋimaten.
Ŋainakineta aŋuna a ŋasuban a ŋuna a ŋisakaitei
(Ŋilep. 23:33-44)
12Ŋirwa ke elap ŋitomon ka ŋikan elap ŋolo a ŋikanikaarei, emaikina tocunakinos iwapei kilipa, nyilot loticisyo kus kitiyata. Emaikina iyes kinumunuma ŋasuban neni ke Ekapolon ŋirwa ŋikanikaarei. 13Emaikina iyes yaut neni ke Ekapolon ŋainakineta nu ŋuna epeyo, ŋuna ebob eure aneni ke Ekapolon: Ŋimoŋin ŋulusorok ŋitomon ka ŋiuni, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou kec ekaru epei, ido tomam neni eŋwalit. 14Ikwapei ainakinet ŋina a ŋikinyom, emaikina iyes yaut ŋakirya ŋuna ajokak ŋuna iguritoe ka akimyet: Ŋakirya ŋakiloi ŋauni aŋuna a ŋolomoŋ a ŋulutomon ka ŋiuni, ŋakiloi ŋaarei aŋuna a ŋolomesek a ŋuluarei 15ka akilo apei aŋuna a ŋinikale a ŋulutomon ka ŋiomwon. 16Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ka ainakinet ŋina a ŋikinyom ta ainakinet ŋina a ŋimaten.
17Akoloŋit ŋina etupakini ŋin, emaikina iyes yaut ŋimoŋin ŋulusorok ŋitomon ka ŋiarei, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou kec ekaru epei ŋulu emam neni eŋwalit. 18Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna a ŋimoŋin ka aŋuna a ŋimeesekin ta aŋuna a ŋinikale lopite ŋolo elimunitere alokisil aŋuna a ekimar kec. 19Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ka ainakinet ŋina a ŋikinyom ka ŋina a ŋimaten.
20Ani epete ŋirwa ŋiuni, emaikina iyes yaut ŋimoŋin ŋulusorok ŋitomon ka epei, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou kec ekaru epei, ŋulu emam neni eŋwalit. 21Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna a ŋimoŋin ka a ŋimeesekin ta aŋuna a ŋikaalei, lopite ŋolo elimunitere alokisil aŋuna a ekimar kec. 22Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina a ŋikinyom ka ŋina a ŋimaten.
23Ani epete ŋirwa ŋiomwon emaikina iyes yaut ŋimoŋin ŋulusorok ŋitomon, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou kec ekaru epei emam neni eŋwalit. 24Emaikina daŋ yaut ŋainakineta ŋuna a ŋikinyom ka ŋuna ŋimaten aŋuna a ŋimoŋin ka a ŋimeesekin ka aŋuna a ŋikaalei, lopite ŋolo elimunitere alokisil aŋuna a ekimar kec. 25Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ŋainakineta ŋuna a ŋikinyom ta ŋuna a ŋimaten.
26Ani, epete ŋirwa ŋikan, emaikina iyes yaut ŋimoŋin ŋulusorok ŋikanikaomwon, ŋimesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou ekaru epei, ŋulu emam neni eŋwalit. 27Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna a ŋimoŋin ka ŋimeesekin ta aŋuna a ŋikaalei lopite ŋolo elimunitere alokisil aŋuna a ekimar kec. 28Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ka ainakinet ŋina a ŋikinyom ta ŋina a ŋimaten.
29Ani epete ŋirwa ŋikanikapei, emaikina iyes yaut ŋimoŋin ŋikanikauni, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu emam neni eŋwalit ŋulu erae apolou kec ekaru epei. 30Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna a ŋimoŋin ka a ŋimeesekin ka aŋuna a ŋikaalei, lopite ŋolo elimunitere alokisil aŋuna a ekimar kec. 31Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ka ainakinet kec ŋina a ŋikinyom ta ŋina a ŋimaten.
32Ani epete ŋirwa ŋikanikaarei, emaikina iyes yaut ŋimoŋin ŋulusorok ŋikanikaarei, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu emam neni eŋwalit, ŋulu erae apolou kec ekaru epei. 33Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna ŋimoŋin ka aŋuna a ŋimeesekin ta ŋikaalei, lopite ŋolo elimunitere alokisil aŋuna a ekimar kec. 34Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit ka ainakinet ŋina a ŋikinyom ta ŋina a ŋimaten.
35Ani epete ŋirwa ŋikanikauni emaikina iyes tocunakinos kilipa, nyemaikina toloto loticisyo kitiyata. 36Emaikina iyes yaut ŋainakineta nu ŋuna epeyo, ŋuna ebob eure aneni ke Ekapolon: Emoŋ, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit. 37Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna emoŋ, aŋuna a emesek ka aŋuna a ŋikaalei lopite ŋolo elimunitere alokisil aŋuna a ekimar kec. 38Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit ka ainakinet ŋina a ŋikinyom ka ŋina a ŋimaten.
39Emaikina iyes yaut neni ke Ekapolon ŋainakineta ŋun alorwa a ŋulu a ŋasuban a ŋuna etubunitoe. Emaikina iyes yaut ŋainakineta ŋun kaapei ka ŋainakineta ŋuna ikoŋitotor iyes, ŋainakineta ŋuna ka acamit a ŋinituŋanan ikwapei ŋainakineta ŋuna epeyo, ŋainakineta ŋuna a ŋikinyom, ŋuna a ŋimaten ta ŋainakineta ŋuna ke ekisil.
40Aŋun, abu Moses tolimok Ŋisirael ŋakiro daadaŋ lopite ŋolo ecikitor Ekapolon iŋes.
Currently Selected:
Ekim. 29: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.