Kub 15
15
Ruhanga naaraganiza kandi naagumya endagaano na Abburamu
1Ebi obu byahoire, Ruhanga akeeyoleka Abburamu, naagamba ati: “Abburamu, leka kutiina, ndaakulindaga: empeera yawe eriba nkooto muno.” 2Abburamu yagamba ati: “Ai MUKAMA Ruhanga, olimpa ki? Dora tinkazaaraga mwana, Eryeeza Omudamasiko nuwe aligwetwa omuka yange? 3Nyowe otampe ruzaaro; habweki omwiru ayazairwe omuka yange nuwe aliba mugwetwa wange.” 4Aho MUKAMA yamugarukamu ati: “Omusaija ogu taliba mugwetwa wawe; omwana ou oyezaliire wenka nuwe aliba mugwetwa wawe.” 5#Bar 4:18; Baheb 11:12.Ruhanga yaturukya Abburamu aheeru, yamugambira ati: “Raramira iguru, obale enyunyuuzi ezi obu oraaba noosobora kuzibara.” Yayongera yamugambira ati: “Abaijukuru baawe nuho balingana obwingi!” 6#1Mak 2:52; Bar 4:3; Bag 3:6; Yak 2:23.Abburamu yaikiriza ekigambo MUKAMA eki yamugambiire, eki nakyo MUKAMA yakimumanyiraho nkooku ali muhikiriire.
7MUKAMA yagambira Abburamu ati: “Ninyowe MUKAMA ayakwihire omunsi Uri ey'Abakalidaaya, nukwo nkuhe ensi enu ogitunge.” 8Baitu Abburamu yagamba ati: “Ai MUKAMA Ruhanga, ndaamanya nta nkooku nditunga ensi enu?” 9MUKAMA yamugarukamu ati: “Ndeetera enyana enyakuhikize emyaka esatu, ebuguma y'embuzi ey'emyaka esatu, n'empaya y'entaama ey'emyaka esatu, enduka n'eriiba erito.” 10Abburamu ebi byona yabireetera MUKAMA, yabyasaamu ensinga, buli rusinga yarutembekaniza ha rundi, baitu amaiba atagaaseemu nsinga. 11Amahungu obu gaagwire ha mitumbi egi, Abburamu yagabinga.
12 #
Yob 4:13,14. Izooba obu likaba nirirenga, Abburamu yagwijagira oturo twingi; omwirima kasira ogurukutiinisa gwamusweka. 13#Kurug 1:1-14; Ebik 7:6.Nubwo MUKAMA Ruhanga yamugambira ati: “Manyira kimu, baijukuru bawe nkooku baliba baikazi omunsi etali y'owabu, baliba bairu omunsi egi, balikorwa kubi kumara akasumi ak'emyaka ebikumi bbina; 14#Kurug 12:40,41; Ebik 7:7.baitu ihanga erinyakubatungire ndirifubira, hanyuma baliruga omunsi egi banyina ebintu bingi. 15Baitu iwe olifa n'obusinge, okurate baaswenkuru; olifa ogurusire muno. 16Abaijukuru bawe ab'enyakana baligaruka omunsi enu; habwokuba obubi bw'Abamooli tibukahoire.”
17Izooba obu likaba limazire kugwa, obwire buteeraine, haazooka ebintu bibiri: oruswa rw'omurro orukaba nirucuukwaho omwika, n'ekimuli ekirukwaka, byaraba hagati y'ensinga ez'ebisoro biri. 18#Ebik 7:5.Ha kiro eki, nubwo MUKAMA yakozire endagaano n'Abburamu naagamba ati: “Ensi enu ndigiha baijukuru bawe, okuruga ha kisaaru kya Misiri okuhika ha kisaaru ekikooto, nikyo ekisaaru Efuraate, 19ensi ey'Abakeeni, Abakenezi, Abakadenoni, 20Abahiiti, Abaperezi, Abalefaimu, 21Abamooli, Abakanaani, Abagirigasi, n'Abayebusi.”
Currently Selected:
Kub 15: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
