Kub 16
16
Okuzaarwa kwa Isimairi
1Sarai mukazi w'Abburamu akaba atamuzaaliire baana, Sarai akaba anyina omuzaana Omunyamisiri, ibara lye Hagara; 2Sarai yagambira Abburamu ati: “Nyowe Ruhanga akanyima abaana, temba ekitabu ky'omuzaana wange; uwe taikara kukuzaara abaana.” Abburamu yahurra Sarai eki yamugambiire. 3Abburamu ogu, akaba amazire emyaka ikumi ali omunsi Kanaani, Sarai mukazi we kumuha Hagara Omunyamisiri omuzaana we kumuswera. 4Abbburamu yagendera Hagara, Hagara yatwara enda; obu yarozire atwaire enda, yatandika kugaya mugole we. 5Sarai yagambira Abburamu ati: “Emigayo enu ei arukunyoleka, na iwe naakagikwoleke! Nkakuha muzaana wange omuswere, obu yarozire atwaire enda, yangaya. MUKAMA aturamule, iwe na nyowe.” 6Baitu Abburamu yamugarukamu ati: “Ngira omuzaana ogu aba wawe, niwe omulema, mukole eki orukwenda.” Aho Sarai yatandika kumutuntuza, Hagara nukwo kumwirukaho.
7Malaika wa MUKAMA yasanga Hagara ha iziba erikaba liri omwirungu, ha muhanda ogwatwaraga Suuru: 8yamukaguza ati: “Hagara omuzaana wa Sarai, nooruga ha kandi noogya ha?” Hagara yagarukamu ati: “Ninyiruka Sarai mugole wange.” 9Nubwo Malaika yamugizire ati: “Garuka hali mugole wawe omwebundaalize.” 10Yayongera yamugambira ati: “Ndikanyisa muno abaijukuru bawe baliba baingi muno, tibalisobora kubarwa.” 11Malaika yayongera yamugambira ati: “Dora, oina enda, noija kuzaara omwana omwojo, olimuruka ibara Isimairi, habwokuba MUKAMA arozire omuhito gwawe. 12Aliba nk'enyamaiswa ey'omu kisaka araarwanisaaga buli muntu, kandi araarwanisibwaga buli muntu, taikirranizeege n'ab'oruganda rwe boona.” 13Aho Hagara yasiima MUKAMA ayabalize na uwe yamweta ibara “Ruhanga anyakurora.” Nukwo kugamba ati: “Mazimakwo nkyali mwomeezi kandi kunu ndozire MUKAMA.” 14Nahabweki iziba eri, nikyo lyeterwa iziba ly'ogu ayarozire MUKAMA kandi yagaruka yayomeera, liri hagati ya Kadesi na Beredi.
15 #
Bag 4:22. Hagara yazarra Abburamu omwana omwojo kandi Abburamu yamuruka ibara Isimairi. 16Abburamu kuzaaraho Hagara omwana, akaba ahikize emyaka kinaana na mukaaga ey'obukuru.
Currently Selected:
Kub 16: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
