Kub 45
45
Yosefu naayetondera bagenzi be
1 #
Ebik 7:13. Yosefu atasobole kwegumya omumaiso gaabo boona abakaba bamuli haihi, yarra yagamba ati: “Abantu abandi abanyakuli hanu, mubaturukye, mubaanyiheho.” Habweki, hatabeho n'omu ayasigaireho, obu akaba naayetondera bagenzi be. 2Yatamu omukungo, Abamisiri n'abantu ab'omuka ya Faraaho baaguhurra. 3Yosefu yayetondera bagenzi be ati: “Ninyowe Yosefu,” hanyuma yabakaguza ati: “Taata aikaire?” Baitu, bagenzi be batasobole kugarukamu, habwokuba bakatiinamu, obu baahuliire ngu nuwe Yosefu. 4Aho Yosefu yagamba bagenzi be ati: “Munyirre haihi,” bairra haihi, yabagambira ati: 5“Ninyowe mugenzi wanyu Yosefu ou mwatunzire natwarwa Misiri. Hati, muleke kutuntura rundi kweijukya ngu habwokuba mukantunda naleetwa omunsi enu, Ruhanga akabanyebembeza, nukwo njune obwomeezi bwanyu. 6Habwokuba, kiihe yakagwa omunsi okumara emyaka enu ebiri, kandi hakyasigaire emyaka etaano, omu myaka egi, tihalibaho kulima rundi kugesa. 7Ruhanga akabanyebembeza, ncwe amagezi, nukwo oruganda rwanyu ruleke kucwekera kandi omuli inywe, hasigalemu omuganda gw'abantu abatafiire. 8Nahabweki, etabe ntegeka yanyu eyandeesire hanu, baitu Ruhanga nuwe yakigondeze, akanfoora nka ise Faraaho, yampa okurolerra eka ye yoona n'okulema ensi Misiri yoona. 9#Ebik 7:14.Murahuke bwango, mugende mugambire isenyowe muti: ‘Mutabani wawe Yosefu naagamba ati: Ruhanga akanfoora mulemi w'ensi Misiri yoona, orahuke bwango ompikeho, otabandaara; 10noija kwikara omunsi Goseni, ompereere, iwe, abaana baawe, abaijukuru bawe, amagana gawe ag'embuzi n'ag'entaama, ente zawe na byona ebi onyinabyo. 11Oku nuho ndaakukonyerraga, habwokuba omumaiso, hakyasigaireyo emyaka etaano eya kiihe, iwe, abantu bawe na byona ebi onyinabyo, mutaliikara kwitwa enjara.’ 12Hati nimurora n'amaiso ganyu, na Benyamiini owanyina-nyowe, na uwe nanyerorra n'amaiso ge, nkooku ali nyowe Yosefu arukubaza na inywe. 13Mugambire ise nyowe, nkooku nyina ekitiinisa kingi omunsi Misiri, kandi mumugambire byona ebi muboine. Mwanguhe bwango, mundeetere isenyowe hanu.” 14Nubwo yakwata owanyina Benyamiini, yamubumbaatira, yarra, Benyamiini na uwe yabumbaatira Yosefu, yarra. 15Bagenzi be boona, yatandika kubaza nabo.
16Abantu ab'omunju ya Faraaho, obu baahuliire bagenzi ba Yosefu nkooku baizire, Faraaho n'abagaragara be baasemererwa muno. 17Faraaho yagambira Yosefu ati: “Gambira bagenzi bawe oti: ‘Mukole kinu, mute emitumba ha bisoro byanyu, mugaruke omunsi Kanaani, 18mwiheyo isiinywe n'abantu baanyu, mugaruke kunu, ninyija kubaha ekicweka ekirukukira oburungi omunsi Misiri, mulyege ebirungi ebya Misiri.’ 19Kandi obaragire oti: ‘Mukole kinu, mwihe ebigaali omunsi Misiri, mubitwaale, nibyo muliireeteraho abantu baanyu. Mutabarre isiinywe mwije. 20Ebintu byanyu ebya Kanaani muleke kubitunturra, habwokuba ebintu ebirukukira oburungi omunsi Misiri byanyu.’ ” 21Abaana ba Isirairi, baakora nkooku baabagambiire. Yosefu yabaha ebigaali, Faraaho nkooku yamuragiire, yabaha n'entanda ey'okuliira omu muhanda. 22Buli omu, yamuha ebijwaro ebirungi, baitu Benyamiini, akamuha ebicweka by'efeeza bikumi bisatu, n'ebijwaro bitaano ebirungi. 23Ise yamutwekera binu: enkaina ikumi ezinyakwetwekere ebintu ebirungi eby'omunsi Misiri, buguma z'enkaina ikumi ezinyakwetwekere engano, emigaati ahamu n'entanda, ise ei aliriira omu muhanda naija. 24Yosefu yayohereza bagenzi be, baagenda. Obu bakaba nibaahukana yabagambira ati: “Mutakunganira omu muhanda.” 25Baaruga Misiri, baagenda, baahika omunsi Kanaani, hali isebo Yakobbo. 26Baamugambira Yosefu nkooku akyali mwomeezi, kandi nkooku ali nuwe mulemi w'ensi yoona eya Misiri. Yakobbo obu yahuliire eki, akekanga yahuna, tiyaikiriza eki baamugambiire. 27Baitu obu baamugambiire ebigambo byona Yosefu ebi yagambire, arozire ebigaali ebi yatwekere kumutwarraho, omutima gwamugwa omunda. 28Isirairi yagamba ati: “Omwana wange Yosefu obu araaba akyayomiire, tinyina kindi eki ndukwetaaga, ka ngende mmurole ntakafiire.”
Currently Selected:
Kub 45: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
