مقتطفات من الزبور 39
39
مزمور طلب رحمة للنبي داود عليه السلام
1قلت: "إنتبِه عتصرّفاتي، تما أُغلط بحكياتي،
وحطّ عتمّي متل كمّامة،
طالما الضّالين حاضرين إدّامي."
2وصَمَتِتْ صَمِت تام، حتّى عن المنيح ما في كلام،
فتحرّك وجعي وزادِت آلامي.
3قلبي صار يغلي متل النار،
بدّي إحكي، ما بقى فيني إكبُت أنيني:
4"يا ربّ خبّرني نهاية سنيني،
أدّيه باقيلي من أيّام، وكيف نهاية المسار.
5حياة هالقدّ قصيرة إنتَ يا ربّ عاطيني،
وحياتي إدّامَك، ما هيّ شي، يا جبّار،
أمّا الإنسان فحياتُه بتمرّ متل النسمة.
6متل الخيال بيجي وبروح عالحياة،
بكافِح بدون فايدة، وبيجمع ثروات،
وما بيعرف لمين يورّتها بعد الممات.
7وأنا، شو ناطِر يا ربّ، يا عظيم؟
أملي فيك، يا رحيم.
8دخيلَك من كلّ ذنوبي نجّيني،
وصير مسخرة للغبي! لا تخلّيني.
9أنا سكتِت وما فتحت تمّي،
كرمالَك، فما حكيت ولا كلمة.
10دخيلَك يا ربّ، ممكن عقابَك ترفعه عنّي؟
ضَرِبْتَك بتوجِّع، أنا تدمّرت، ما بقي شي منّي.
11سبحانَك، ليتعلّم الإنسان، فبالتأديب بتعاقْبُه عالذنوب،
وبتِتلُف بهاءُه وثروتُه، متل لمّا العت بيتلُف القماش، فَبِدوب،
وما حياة الإنسان إلّا هواءاً منثور.
12فاللهمّ، اسمع دعائي، يا غفور،
واستجيب لصوت بكائي،
وعن دموعي لا تحجُب وجّك يا شكور،
فأنا ضيف عندَك متل جدودي وآبائي.
13ارحمني يا ربّي، وحوّل غضبَك عنّي، يا قدّوس يا نور،
فبيرتاح قلبي، قبل ما إرحَل وتفنى أشلائي.""
Currently Selected:
مقتطفات من الزبور 39: LRT
Highlight
Share
Copy
Want to have your highlights saved across all your devices? Sign up or sign in
© 2021 Sabeel Media