Mak 7
7
1GO Parit̤ai ku koic ke waragak ci ben Jerut̤alem goke gwer tong Yecu. 2Ku tingke koic puoic Yecu eke mit̤ ke nong cin aicuol, ku kec kecin kang cau. 3Ku Parit̤ai ku Jiu ked̤ia, te kecke kecin kang cau apuat̤, kaci bi mit̤, amuk luoi de koic ditken t̤er. 4Ku te bi kek t̤ukic, te kecke kerot̤ kang lok kʼaci bi mit̤. Ku ka juec ke koicken t̤er ato ke ke. Ku cut̤ke biinken ke dek, ku aduken ke miet̤, ku toinken. 5Go Parit̤ai ku koic ke waragak goke Yecu t̤iec, Yengu kec koickuk puoic loi cit man luoi de koic dit t̤er, ku mit̤ke kanong cin aicuol? 6Go Yecu jam, An gar de It̤aia t̤er tong wek koic raic, e gar jik atet.
Aci gor, An koicke ariou an e welken,
Ku puotken aliu.
7Ku puoinden alaric, ke wetke ka ke koic. 8Ku wek an̤yang long de N̤ialic we, ku muka ka ke koic t̤er. 9An wek ajai long de N̤ialic ba kakuen t̤er muk. 10Ku Mot̤et̤ aci luel, An loi ur apuat̤ ke ke mor, ku ran ci un lat ko man, ca ka t̤ou. 11Ku wek ajam, An te yok ran un ko man, An ka ca dur moic e Korban, te luel e yen e t̤ongda, ka ci yek N̤ialic; 12wek apen luoi e rane tong un ko man. 13Wek arec wel ke N̤ialic, ku leka koic welkuen abaic. Ku wek aloi ka juec acit kan. 14Go Yecu koic juec ber col ku jiam, An piangka wed̤ia ku n̤yaiceka. 15Ka lo ran gwop aci ran bi raic, ka buo be ran gwop abi ran raic. 16Ca ke ca ping koic nong yit̤ ke. 17Te ci Yecu koic puol, ku ler ghot, ke t̤iec koickek puoic e welkek nia. 18Go Yecu jam, An kuoicka ya? Kecka ting? ka lo ran gwop aci ran bi raic. 19Aci lo yepuou, alo yeyic, ku jal ben be la. Go koic tak ken̤im, An ring ked̤ia apuat̤. 20Go Yecu jam, An ke buo be ran gwop yen abi ran raic. 21Kʼekik abuo be koic puot̤; karaic ci ran tak, ku kap e n̤ya, 22ku ka kwal, ku nak e ran do, ku kap e tik, ku puon de ran ayuic ka ke ran do, ku luoi raic eben, ku luen̤ t̤or, ku wut, ku let, ku tiel, ku n̤yap. 23Karaicke ked̤ia kabuo be ran puou, ku raic ran. 24Go Yecu ro jot, ku jel, ku ler pan de Taia ku T̤aidon, ku ler ghot, ku aci yuic koic bik ye n̤yic, ku n̤yic koic abaic. 25Go tik nong n̤yant̤inden ci jong raic muk, go Yecu ping, ku ler ku cua rot piny yecok. 19 26Ku tik e ting Gerik, ting e pan col Tairo-poinit̤ia; ku t̤iec Yecu bi jong raic ciec we n̤yande gwop. 27Go Yecu jam, An ca ka mit̤ a kang kwet̤. Te lom koic miit̤ ke mit̤ ku cueteke jok, e keraic. 28Go tik jam, An e yic atet bain̤, ku jok ato tim e miet̤ lil akwain at̤ot̤ue ke mit̤. 29Go Yecu ye yok, An yin aci kepuat̤ luel, lor, jong nia aci jal n̤yandu gwop. 30Ku ler be, ku yok n̤ya ataic acin gwop jok.
31Go Yecu ber jal pan e Taia, ku ret T̤aidon ku ber Dekapolit̤ retic, ku ler wer e Galili. 32Ku bi koic ran ci ming tong Yecu ku ye rok, ku t̤iecke Yecu bi t̤ap e yecin. 33Go Yecu ran ci ming wek yetok, ku lut yecin e yeyit̤, ku ngut ku got liep e yecin. 34Ku liec n̤ial ku wei, ku yok ran, An Epat̤a, te luel e yen e t̤ongda, An liep. 35Go yeyit̤ liep, ku loin̤ liep, ku jam ajik. 36Go Yecu jam, An duongka lek koic kok, go welke ber d̤uokic. Go koic welke cuok ping ku lek lek koic bai eben. 37Go koic gai aret ku jamke, An luoide e luoi puat̤ eben, aci koic ci ming ca ping, ku koic cin rot̤ ca jam.
Currently Selected:
Mak 7: CIEC1916
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society
