Mak 8
8
1TE ci koic juec ber gwer ku acin ke cam ke, ke Yecu col koickek puoic ku jiam, 2An an akoic puou e koic, ato ke an akol kadiak ku kʼacin ke cam ke. 3Te d̤wet an ke panden e t̤iele kʼabi yuik d̤olic. Koic kok amaic beiken ke. 4Go koic puoic Yecu goke ye t̤iec, An bu kumon diec teno bi koic kwet̤ ror aten? 5Ku t̤iec Yecu ke, Nangka kumon kadi? Goke jam, An a ye d̤arou. 6Go Yecu koic yok, An jalka n̤yuic piny. Go kumon kad̤arou kwain, ku t̤ie ke, ku bain keyic, ku yik ke koickek puoic bi ke lo tak koic; goke lo tak koic. 7Ku nongke rec t̤i kalik. Ku te ci Yecu ke t̤ie, ke yok ke bi ke lo tak koic ya. 8Go koic mit̤ ku kwet̤ke: ku kwainke ka ci bainic ku t̤iangkʼ aghot kad̤arou. 9Ku koic ci mit̤ a ye bianabur kangwan. Go Yecu koic d̤wet. 10Ku ler Yecu rieic ke ke koickek puoic, ku lek pan col Dalmanut̤a.
11Go Parit̤ai goke ben ku t̤iecke ye, An n̤yuot̤a gho ke dit goi gho n̤ial, t̤emke ye. 12Go Yecu wei aret ku jiam, An yengu yuic rin̤ dʼeman ke dit goi ke n̤ial? Wek a ya yok ayic, rin̤ dʼeman aci ke dit goi ke bi ting. 13Ku jel Yecu, ku ber lo rieic, ku d̤uk wer long tui.
14Goke mit̤ke muot̤ n̤im, ku nongke kumon tok abaic rieic. 15Go Yecu ke yok, An tiangka awaic de Parit̤ai ku awaic de Erod apuat̤. 16Go kerot̤ t̤iec ku jamke, An gho acin kumon. 17Go Yecu n̤yic ku jiam, An yengu ye werot̤ t̤iec, etong kumon kecka be? Kecka gwa ting ku n̤yaicka? Cak puot̤ riel? 18Wek anong n̤yin ku cak ting? ku wek anong yit̤ ku cak ping? ku kecka wen̤im gwa tak? 19Te cʼan kumon kad̤iec bainic etong koic bianabur kad̤iec, cak atain ke ghuot ben e kwainic kadi e ka ci bainic? Goke jam, An aye t̤ier ku rou. 20Ku te cʼan kumon kad̤arou bainic etong koic bianabur kangwan, cak aghot ben e kwainic kadi e ka ci bainic? Goke jam, An aye d̤arou. 21Go Yecu d̤uk, An kecka gwa n̤yic apuat̤?
22Goke lo Bit̤aida, ku bike ran ci cor tong Yecu, ku t̤iecke bi t̤ap e yecin. 23Go cin de ran ci cor kwak piny ku t̤el e ror t̤ok. Ku te ci Yecu ye nguot n̤yin ku t̤ap e yecin, ke t̤iec, Nong te ca ting? 24Go ran ting ku jiam, An an ating koic ke cit tim eke cat̤. 25Go Yecu n̤yin ber t̤ap e yecin, ku ber ran piny ting, ku ler n̤yin jik ku ting kang apuat̤. 26Go Yecu ye tuoic panden ku jiam, An yuel e bai kou.
27Ku lo Yecu ke ke koickek puoic, ku lek bei ke Kait̤aria de Pilipai. Go Yecu ke t̤iec d̤olic, Ye koic luel An ye ghan nga? 28Ku leke ye, An e Jon yor koic n̤im, ku koic kok An e Ilaija, ku koic kok, An e ran tong de N̤ialic t̤er. 29Go Yecu ke ber t̤iec, Ye wek luel, An ye ghan nga? Go Pita jam, An yin e Mat̤ia. 30Go Yecu ke yok, An duongka lek ran do tong an. 31Ku wet Yecu koic, An Wen Dit de ran abi d̤il e gum, ku abi ror dit jai, ku bain̤ ke ka ke N̤ialic, ku koic ke waragak abi jai, ku kʼabi nok, ku kabi rot ber jot nin karou. 32Ku ping koic ked̤ia ewelke. Go Pita Yecu ghat̤ teden kepeic, ku waic ye. 33Ku te ci Yecu ro wel ku ting koickek puoic ke waic Pita, ku jiam, An n̤yai rot akou Cetan. Puondu anong ka ke koic, aci e ka ke N̤ialic. 34Go Yecu koic col ke ke koickek puoic ku jiam, An te yuic ran ba buot̤ cok, cak a n̤yang rot, ku jot tiamden ager, ku buot̤ a. 35Ku te yuic ran bi weke luok abi weke mor, ku ran ci weke mor etong an ku wel puat̤ ke N̤ialic, abi weke luok. 36Ku te kap ran piny nom eben ku mar weke, yengu bi piat̤ tong yen? 37Ku yengu bi ran war e weke? 38Te rioic ran n̤yin e ghan ku welcie eman e rin raicic, Wen Dit de ran abi n̤yin ber rioic e ran wen, te bi yen ke ceng de Un ku malaikai laijik.
Currently Selected:
Mak 8: CIEC1916
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society
