Jɛ́nɛ́sì 36
36
Íìsɔ́ɔ̀ nyúà-dyú deìn dúún ɓěɔ̀
1Íìsɔ́ɔ̀ kɔ̃̀ nyɛ́nɛ́ ɖò mɔ̀à Íɖɔ̀ùn kɛɛ nyúà-dyú deìn dúún ɓěɔ̀ kɛà kɛ̀. 2Íìsɔ́ɔ̀ kpɔ̃ ma Kénà-màà ɓě dyi. Ɖò mɔ̀ Áɖà mɔ̀à Éɖɔ̀ùn mɔ̀à Hítì-nyɔ̀ɔ̀ kɛɛ dyú-mààɔ̀ kɛ. Ké ɖò mɔ̀ Àhóɖìbámà mɔ̀à Ánàà dyú-mààɔ̀ kɛ. Àhóɖìbámà mɔ̀ Zíɓìɔ̀ùn ɓɛ́ ɔ mɔ̀ ma Hívì-nyɔ̀ ɖò kɛɛ nyúà-dyú. 3Ké ɔ nyɔ́nɔ́ ɓěɔ̀ tã nììnɔ̀ mɔ̀ Bàsímà mɔ̀à Ésìméòɛ̀ dyú-mààɔ̀ kɛ. Bàsímà mɔ̀ Nɛ̀bádyò ɖíí-màà. 4Áɖà wóɖóìn ma Ɛ̀ɖífà. Ké Bàsímà wóɖóìn ma Wɛ̀ɖɛ̀dyúò. 5Ké Àhóɖìbámà wóɖóìn ma Jɛ́dyù kè Jáɖàùn ɔ kè Kówàɖà. Wa kè Íìsɔ́ɔ̀ wóɖóìn ma gàa-dyù ɓě nìà kɛ ɖé Kénà-ɓòɖòɔ̀ kɔ̃.
6Wé ɖòɛ̀ ɓaɖaa, Íìsɔ́ɔ̀ ɖú ma ɔ gmàà ɓěɔ̀ kè ɔ dyú-gàà ɓěɔ̀ kè ɔ dyú-màà ɓěɔ̀ kè ɔ gbǒ-xwíníín-nyɔ̀ séín ɓěɔ̀ kè ɔ nyúà-ɖɛ̀ ɓěɔ̀ kè ɔ kɔ̃̀ɔ̀-ɖɛ̀ séín ɓě ɔ ɖǎ ma dyé ɖé Kénà-ɓòɖòɔ̀ kɔ̃ɛɛ dyí, ké ɔ sɔ̀ ma ɓó ɔ ɖíí-gàà Jékɔ̀ bũ̌, ké ɔ jàɖàìn ma ɓóɖó kà kò ɖò kɔ̃. 7Ɔ jàɖàìn ma ɓóɖó kà kò ɖò kɔ̃, sepóɛɖé wa sɔ̃́ɔ̀ se ma dà dyúáɖò cĩ́ɛ ɓɛ́ìn. Waà kɔ̃̀ɔ̀-ɖɛ̀ ɓěɔ̀ vò ma dyí mìɔ jèɛɛ, pá se ma ɖé ɓóɖóɔ̀ kɔ̃ nì ɓó waà nyúà-ɖɛ̀ ɓěɔ̀ bìì. 8Ɔ jèɛɛ, Íìsɔ́ɔ̀ kɔ̃̀ nyɛ́nɛ́ ɖò mɔ̀à Íɖɔ̀ùn kɛɛ cĩ́ ma ɖé toɖo-ɓòɖò mɔ̀à Séì kɛɛ kɔ̃.
9Ti ɓɛ́ Íìsɔ́ɔ̀ mɔ̀à Íɖɔ̀ùn-nyɔ̀ ɓěɔ̀ ɓǎɔ̀ kɛɛ cĩ́ ma ɖé toɖo-ɓòɖò mɔ̀à Séì kɛɛ kɔ̃ɛɛ, ɖéɛ̀ ɔ nyúà-dyú ɓěɔ̀ wóɖóìn ma. 10-13Íìsɔ́ɔ̀ kè Áɖàà dyú-gàà mɔ̀à Ɛ̀ɖífà kɛɛ nììn dyú ɓěɔ̀ kɛà kɛ̀: Témàùn kè Ómà kè Zɛ́fò kè Gátàùn ɔ kè Kɛ́nà. Ké Ɛ̀ɖífà ɓéɖé ma gmaɖe-nyɔ̀nɔ̀ ɖò kɔ̃̀ nyɛ́nɛ́ mɔ̀ Tĩ́nà kɛ. Ɔ wóɖóìn ma Àmáɖɛ̀. Nyɔ ɓě nìà kɛ mɔ̀ ma Íìsɔ́ɔ̀ gmàà mɔ̀à Áɖà kɛɛ nyúà-dyú ɓěɔ̀.
Ké Íìsɔ́ɔ̀ kè Bàsímàà dyú-gàà mɔ̀à Wɛ̀ɖɛ̀dyúò kɛɛ nììn dyú ɓěɔ̀ kɛà kɛ̀: Náhà kè Zɛ́wàɖà kè Sámà ɔ kè Mízà. Nyɔ ɓě nìà kɛ mɔ̀ ma Íìsɔ́ɔ̀ gmàà mɔ̀à Bàsímà kɛɛ nyúà-dyú ɓěɔ̀.
14Ké Íìsɔ́ɔ̀ gmàà mɔ̀à Àhóɖìbámà, ɓɛ́ ɔ mɔ̀à Ánàà dyú-màà, ɓɛ́ ɔ mɔ̀à Zíɓìɔ̀ùn nyúà-dyúɛɛ nììn dyú ɓě ɓɛ́ ɔ kè Íìsɔ́ɔ̀ wóɖóìn ma kà kɛɛ, wa kɛà kɛ̀: Jɛ́dyù kè Jáɖàùn ɔ kè Kówàɖà.
15Xwéɖé-dù ɓě sɔ̀ ma ɖé Íìsɔ́ɔ̀ dyú-gàà ɓě nìà kɛ mú. Íìsɔ́ɔ̀ nyíɔ́-dyù mɔ̀à Ɛ̀ɖífà kɛɛ nììn dyú ɓěɔ̀ kɛà kɛ̀: Témàùn kè Ómà kè Zɛ́fò kè Kɛ́nà 16kè Kówàɖà kè Gátàùn ɔ kè Àmáɖɛ̀. Nyɔ ɓěɛ̀ mɔ̀ xwéɖé-dù ɓě sɔ̀ ɖé Ɛ̀ɖífà múɛɛ ɓǎ ɓě. Ɛ̀ɖífà wóɖóìn ma wa ɖé Íɖɔ̀ùn-ɓòɖòɔ̀ kɔ̃. Wa mɔ̀ Áɖàà nyúà-dyú ɓěɔ̀.
17Íìsɔ́ɔ̀ dyú-gàà mɔ̀à Wɛ̀ɖɛ̀dyúò kɛɛ nììn dyú ɓěɔ̀ kɛà kɛ̀: Náhà kè Zɛ́wàɖà kè Sámà ɔ kè Mízà. Nyɔ ɓěɛ̀ mɔ̀ xwéɖé-dù ɓě sɔ̀ ɖé Wɛ̀ɖɛ̀dyúò múɛɛ ɓǎ ɓě. Wɛ̀ɖɛ̀dyúò wóɖóìn ma wa ɖé Íɖɔ̀ùn-ɓòɖòɔ̀ kɔ̃. Wa mɔ̀ Bàsímàà nyúà-dyú ɓěɔ̀.
18Íìsɔ́ɔ̀ gmàà mɔ̀à Àhóɖìbámà kɛɛ nììn dyú ɓěɔ̀ kɛà kɛ̀: Jɛ́dyù kè Jáɖàùn ɔ kè Kówàɖà. Nyɔ ɓě nìà kɛ mɔ̀ xwéɖé-dù ɓě sɔ̀ ɖé Àhóɖìbámà mɔ̀à Ánàà dyú-mààɔ̀ kɛ múɛɛ ɓǎ ɓě. 19Nyɔ ɓěa mɔ̀ ma Íìsɔ́ɔ̀ mɔ̀à Íɖɔ̀ùn kɛɛ dyú-gàà ɓěɔ̀. Wa mɔ̀ ma xwéɖé-dù ɓěɔ̀ ɓǎ ɓě.
Séìɛ̀ nyúà-dyú deìn dúún ɓěɔ̀
20Nyɔ ɓě ɓɛ́ wa cĩ́ ma ɖé Séì-ɓòɖòɔ̀ kɔ̃ kĩ́ín nyɛɛ, wa mɔ̀ Séì ɓɛ́ ɔ mɔ̀ ma Hówìɖì-nyɔ̀ ɖò kɛɛ dyú ɓě. Wa mɔ̀ Ɖótàùn kè Sóɓàò kè Zíɓìɔ̀ùn kè Ánà 21kè Dísɔ̀ùn kè Ézɛ̀ ɔ kè Dísàùn. Séì mɔ̀à Hówìɖì-nyɔ̀ɔ̀ kɛɛ xwéɖé-dù ɓěɔ̀ sɔ̀ ma ɖé dyú ɓěɛ̀ mú.
22Ɖótàùn ɓɛ́ ɔ mɔ̀ ma Tĩ́nàà ɖíí-gàà kɛɛ nììn dyú ɓěɔ̀ kɛà kɛ̀: Hówìɖì kè Hómà.
23Sóɓàò nììn dyú ɓěɔ̀ kɛà kɛ̀: Áávã̀ kè Mànáhà kè Éɓàò kè Sɛ́fò ɔ kè Ónàùn.
24Zíɓìɔ̀ùn nììn dyú ɓěɔ̀ kɛà kɛ̀: Ádyà kè Ánà. Ánà mɔ̀ nyɔ dyé ma ní-sùmùù nì ɓóɖóún sɔ̀ǔn ɖé gbǎùn-fúɖúáɔ̀ kɔ̃, ti ɓɛ́ ɔ nì ma ɔ ɓǎ Zíɓìɔ̀ùn jǎkasì ɓěɔ̀ dyi-ɖi-naín kpauń wɛ̃.
25Ánà nììn dyú ɓěɔ̀ kɛà kɛ̀: Dísɔ̀ùn kè màa-dyù dyúáɖò mɔ̀ Àhóɖìbámà kɛ.
26Dísɔ̀ùn nììn dyú ɓěɔ̀ kɛà kɛ̀: Hɛ̃́ɖàùn kè Ɛ́ɓàùn kè Ífànà ɔ kè Kéwàɖàùn.
27Ézɛ̀ nììn dyú ɓěɔ̀ kɛà kɛ̀: Bíóhã̀ kè Záávã̀ ɔ kè Ákàùn.
28Dísàùn nììn dyú ɓěɔ̀ kɛà kɛ̀: Dyúzè kè Áwànà.
29-30Ɖótàùn kè Sóɓàò kè Zíɓìɔ̀ùn kè Ánà kè Dísɔ̀ùn kè Ézɛ̀ ɔ kè Dísàùn mɔ̀ nyɔ ɓě kɔ̃̀ mú ɓɛ́ Hówìɖì-nyɔ̀ ɓěɔ̀ xwéɖé-dù ɓěɔ̀ sɔ̀ ma kà kɛ̀. Nyɔ ɓě nìà kɛ mɔ̀ Hówìɖì-nyɔ̀ ɓě kɔ̃̀ mú ɓɛ́ waà xwéɖé-dù kò-kò ɓěɔ̀ sɔ̀ ma kà, ké wa cĩ́ ma kà ɖé Séì ɓíɖí-ɓòɖòɔ̀ kɔ̃ɛ̀.
Íɖɔ̀ùn-ɓòɖòɔ̀ kã́á ɓě
31Kã́á ɓě ɓɛ́ wa kɔ̃̀ ma Íɖɔ̀ùn-ɓòɖòɔ̀ wuɖuí, hwɛ̀ ɓɛ́ kã́á ɖò dyi ma Éézùɖùɛ̀-nyɔ̀ ɓěɔ̀ wuɖuí kɔ̃̀ kɛɛ, wa kɛà kɛ̀.
32Bɛ́ɖà ɓɛ́ ɔ mɔ̀ ma Bɛ́òɛ̀ dyú-gàà kɛɛ mɔ̀ ma Íɖɔ̀ùn-ɓòɖòɔ̀ kã́á kĩ́ín-kĩ́ín. Ɔ ɓíɖí-hwɔ̀ɖɔ̀ɔ̀ nyɛ́nɛ́ mɔ̀ ma Dĩ̀háɓà.
33Ti ɓɛ́ Bɛ́ɖà mɛ́ ma kɛɛ, Jóɓà ɓɛ́ ɔ mɔ̀ ma Zɛ́wàɖàà dyú-gàà, ké ɔ sɔ̀ ma ɖé Bɔ́zàɖà-hwɔ̀ɖɔ̀ɔ̀ múɛɛ mɔ̀ ma kã́á ɓó ɔ bɛ̃̌ǐn.
34Ti ɓɛ́ Jóɓà mɛ́ ma kɛɛ, Húsàùn ɓɛ́ ɔ sɔ̀ ma ɖé Témàùn-nyɔ̀ ɓěɔ̀ ɓíɖí-ɓòɖòɔ̀ kɔ̃ɛɛ mɔ̀ ma kã́á ɓó ɔ bɛ̃̌ǐn.
35Ti ɓɛ́ Húsàùn mɛ́ ma kɛɛ, Háɖà ɓɛ́ ɔ mɔ̀ ma Bɛ́dàà dyú-gàà kɛɛ mɔ̀ ma kã́á ɓó ɔ bɛ̃̌ǐn. Háɖà mɔ̀ nyɔ ɖu ma Míɖìàùn-nyɔ̀ ɓěɔ̀ toún ɖé Móà-ɓòɖòɔ̀ kɔ̃ɛ. Háɖà nììn ɓíɖí-hwɔ̀ɖɔ̀ɔ̀ nyɛ́nɛ́ mɔ̀ ma Ávì.
36Ti ɓɛ́ Háɖà mɛ́ ma kɛɛ, Sámàɖà ɓɛ́ ɔ sɔ̀ ma ɖé Màzéɖékà-hwɔ̀ɖɔ̀ɔ̀ múɛɛ mɔ̀ ma kã́á ɓó ɔ bɛ̃̌ǐn.
37Ti ɓɛ́ Sámàɖà mɛ́ ma kɛɛ, Sádyù ɓɛ́ ɔ sɔ̀ ma ɖé Wìɖìhóɓò-hwɔ̀ɖɔ̀ɔ̀ múɛɛ mɔ̀ ma kã́á ɓó ɔ bɛ̃̌ǐn. Wìɖìhóɓò-hwɔ̀ɖɔ̀ɔ̀ nì ɖé Dyùféɖétì-nìɔ̀ wĩín.
38Ti ɓɛ́ Sádyù mɛ́ ma kɛɛ, Béò-Hánà ɓɛ́ ɔ mɔ̀ ma Áɓɔ̀ɛ̀ dyú-gàà kɛɛ mɔ̀ ma kã́á ɓó ɔ bɛ̃̌ǐn.
39Ti ɓɛ́ Béò-Hánà mɔ̀à Áɓɔ̀ɛ̀ dyú-gààɔ̀ kɛɛ mɛ́ ma kɛɛ, Háɖɔ̀ mɔ̀ ma kã́á ɓó ɔ bɛ̃̌ǐn. Ɔ nììn ɓíɖí-hwɔ̀ɖɔ̀ɔ̀ nyɛ́nɛ́ mɔ̀ ma Pádyù, ké ɔ gmàà nyɛ́nɛ́ mɔ̀ ma Mɛ́hètáɓèò. Mɛ́hètáɓèò mɔ̀ ma Mátèɖè ɓɛ́ ɔ mɔ̀ ma Mìzáhàà dyú-màà kɛɛ dyú-màà.
Íìsɔ́ɔ̀ xwéɖé-dù ɓěɔ̀
40Íìsɔ́ɔ̀ dyú ɓě kɔ̃̀ mú ɓɛ́ xwéɖé-dù ɓě sɔ̀ ma kɛɛ, wa kɛà kɛ̀: Tĩ́nà kè Áávà kè Jɛ́fè 41kè Àhóɖìbámà kè Éɖà kè Pínɔ̀ 42kè Kɛ́nà kè Témàùn kè Míízà 43kè Màɖíè ɔ kè Íwàɖàùn. Nyɔ ɓě nìà kɛ mɔ̀ ma Íɖɔ̀ùn-nyɔ̀ vɛ̀nɛ̀ ɓě kɔ̃̀ mú ɓɛ́ xwéɖé-dù ɖò-ɖò ɓě sɔ̀ ma kɛ. Dɛ̀ ɓɛ́ xwéɖé-dù ɖò-ɖò cĩ́ ma kɛɛ mùìn ma xwéɖé-dùɔ̀ nyɛ́nɛ́ín. Kǎà Íìsɔ́ɔ̀ mɔ̀ ma kà Íɖɔ̀ùn-nyɔ̀ ɓěɔ̀ ɓǎ kɛɛ jè nyu ma nìɛ̀.
Currently Selected:
Jɛ́nɛ́sì 36: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
