1 Sámìɔ̀ 10
10
1Lɛ̀kɔ̀ɔɛ Sámìɔ̀ è nyɔ́ é kǝ̀ kpòu nǝ́ gɥ́ɛ sɥ é wrò à tuo, éye bɛ̃̀ pàa é pɵ, “Yàwɛ yà ɥ sɥ́ ɥ́n kǝ kíŋ ká àɓà mɛnù wó Ézrɛ̀mɛ̀nù káɛ làluo. Ч lò líésɥ àɓà mɛnù ká ɥ́n wo tàkpàà wo yaagɥ́ nù gɔ̀. Pǝ é lo kǝ à dɔ̀a ká nɛ̀ɛ̀ Yàwɛ yà ɥ sɥ́ɛ é nɛ̀. 2Àyé ɓá gó zɵ gbɛ̃́ã̀ɛ̃̀ ɥ lò gɔ̃ɔ̃̀nù pèètɛ ye Wrésǝ̀ bũlà sɔ́ Bɛ́nzémɛ̀ sɛ̀ gɥ́ Zɛ́zà pɵɵ. Wò lòà biɛ̀ ɥ lǝ̀ nɛ̀ɛ̀, ‘Sòfã̀ãnù kálo wo mɛɛ̀lɛ̀à ɓɛɛ wà wo ye. Ч dǝ yaâ e zòtálà wo mɔ́ɔ̀wɔ̃̀ gɥ́ gbɔɔ, kǝǝ à zòɔ dũ̀lúú sɥ̀mɥ̀ ɥ mɔ́ɔ̀wɔ̃̀gɥ́. Yà pɵ là, “Mǝ̀ á loà kǝ ma nǝ́ nɛ̀ mɔ́ɔ̀wɔ̃̀ɓàɛ̀?” ’ 3Góɓomɥ́ɛ ɥ lò blɥ̀n líé ɥ́ wò Tábɔ̀ pɵɵ, xlɥ́ và gɛ̀in. Gɔ̃ɔ̃̀nù yààka wó lólà tɔ̃̀ tuo Bɛ́tɔ̀ pɵɵ kǝ wɔ̃̀ɔ̃̀ gblɥn Yàwɛ lǝ̀ɛ̀ wò lò ɥ ye má. Mɛ do è lólà ɓò yààka ká, à do dèe è lólà blɛɛ̀ kpo yààka ká, à kã̀ã̀làzǝ̀ è lólà wã́ìn ká wɥkwi ɓɔ̀ɔ gɥ́. 4Wò lò ɥ ɓoyie wó blɛɛ̀ kpo pèètɛ nu ɥ lǝ̀ yàkɔɔ́ɛ ɥ lò blɛɛ̀ ɓɛ kũ wo kwɛ. 5Yàkɔɔ́ɛ ɥ lò nu Aaɓia tɔ̃̀tuo Gébìɛ̀, lɛ̀ é Félésã́ã̀ kózǝmɛ̀nù yàlɛ̀ɓàɛ̀ ɓà. Ч dàlà pɵɵɛ ɥ lò dɔ̀-Aaɓilílàmɛ̀ krù ye kǝ wò góà gblɥ̀n Aaɓi lǝ lɛ̀à tɔ̃̀tuo kǝ waa zìnònù, zǝxlɥ̀nù, ɓɔ̀nnù, wãã̀ lúúnù zǝmɛ̀nù wò tã́ɓolà wo líé, kǝ wodèe wò kpɛ̀kǝlà zùùgɥ́. 6Yàkɔɔ́ɛ Yàwɛ Zùù ɓɛɛ è lò nu ɥ là píígbéèzǝ̀ ká kǝ ɥ tà nyɛ̀ɛ̀ bɔɔ̀ ɥ́n kǝ gɔ̃ɔ̃̀ gbɛɛ ká kãã̀nù kâ kpɛ̀kǝ̀ zùùgɥ́. 7Àyé wɔ̃́nù nɛ̀ wàkǝɛ, pǝ sáálɵ ɥ kɔ̀mɔ̀àɛ̀ ɓòàkǝ, ɓií Aaɓi yè ɥ píé. 8Góɓomɥ́ɛ ɥ lò lo n líé Géégàà pɵɵ. A nu là ɥ píé má, kǝ ã́ã̀ gɥ́ɵ́sràɓo wãã̀ zòɔyàgrú srà ká. Ч lò dɔ n gɔ̀ lɛ̀kpààyì lɔ́ɔ́yià ɓà, è toápɵ́ á nu ã́ã̀ wɔ̃́ ɥ́ loàkǝɛ biɛ̀ ɥ lǝ̀.”
9Lɛ̀ é sìɛ̀ nyɛ̀ɛ̀ gó Sámìɔ̀ píé nyɛ̀ɛ̀ lóɛ, Aaɓi è Sɔ́ɔ̀ zòɔ tàbɔ̀ɔ̀. Yi do ɓɛ káɛ pǝ sáálɵɛ è kǝ̀ nɛ̀zɛ̃ã Sámìɔ̀ yà bìɛ̀aɛ lɵ́. 10Lɛ̀ Sɔ́ɔ̀ wãã̀ yaa yuɔkǝmɛ̀ wà wò Gébìɛ̀ pɵɵɛ, dɔ̀-Aaɓilílàmɛ̀ krù wò gbɛ̀ì à là mɥ́. Zálɵɛ Aaɓi Zùù ɓɛɛ é nuàlà píígbéèzǝ̀ ká, é kpɛ̀kǝ̀ zùùgɥ́ wo píé. 11Lɛ̀ mɛ sáálɵ wóà dɔ líéɛ wàà ye kpɛ̀kǝlɛ̀à zùùgɥ́ɛ dɔ̀-Aaɓilílàmɛ̀nù sonɛ wó pɵ wo kónù lǝ̀, “Mǝ é nu Kísì gbɵ là nɛ̀? Sɔ́ɔ̀ yakǝ dɔ̀-Aaɓilílàmɛ̀ káa?” 12Gɔ̃ɔ̃̀ do é go lɛ̀ ɓɛ ɓàɛ é wo wɔ̃̀ lɛ̀ɛ̀kpɔ́ kǝ̀ wòa nɛ̀ɛ̀, “Wo dǝ é tɔɔ dɵè?” Àmɔ̃́ɔ̃̀wɔ̃̀ã̀ɛ̃̀ é kǝ̀ wɔ̃́biɛ̀ wò ká nɛ̀ɛ̀, “Sɔ́ɔ̀ è dɔ̀-Aaɓilílàmɛ̀ son pɵ́a?” 13Lɛ̀ Sɔ́ɔ̀ yà nyiɛ kpɛ̀kǝlɛ̀à zùùgɥ́ɛ, è nu tɔ̃̀tuo sraɓolɛ̀ ɓà.
14Sɔ́ɔ̀ dǝ záà gɔ̃ɔ̃̀zǝ̀à pɵ wãã̀ yaa yuɔkǝmɛ̀ ɓɛɛ lǝ̀, “Kǝɓoɛ ka lò mǝ́ɛ?”
Sɔ́ɔ̀à pɵ, “Sòfã̀ãnù mɛɛ̀lɛ̀à. Lɛ̀ yi ká wo yeɛ, yí lo Sámìɔ̀ píé.”
15É Sɔ́ɔ̀ dǝ záà yà pɵ, “Ƃɛà á ɓo, wɔ̃́ Sámìɔ̀ yà bìɛ̀ ka lǝ̀ɛ̀ kàà biɛ̀ n lǝ̀.”
16Lɛ̀kɔ̀ɔɛ Sɔ́ɔ̀à pɵ e dǝ záà lǝ̀, “Yà bìɛ̀ yilǝ̀ púúká nɛ̀ɛ̀ wà sòfã̀ãnù ɓɛɛ ye.” Kǝǝ wɔ̃́ é gbã̀ kíŋsɛ̀ wɔ̃̀ɓà é Sámìɔ̀ ya wɔ̃̀bìɛ̀ɛ̀, yaá wɔ̃́gbɛ biɛ̀ nyɛ̀ɛ̀ gbã̀ã̀ ɓà.
Wò Sɔ́ɔ̀ kǝ̀ kíŋ ká
17Lɛ̀ yà kɔɔ́ɛ Sámìɔ̀ è mɛnù ɓɛɛ lɔ̀ɔ̀kǝ̀ kóà Yàwɛ líé Mízípà pɵɵ. 18Lɛ̀kɔ̀ɔɛ ê pɵ Ézrɛ̀mɛ̀nù lǝ̀, “Pǝ Yàwɛ, Ézrɛ̀a Aaɓi yà pɵɛ é nɛ̀, ‘A gò Ézrɛ̀ ká Ízè sɛ̀ gɥ́, á Ézrɛ̀mɛ̀nù ká nɛ̀ɛ̀, ɓo gã́gɥ́ Ízèmɛ̀nù kwɛ. Á ka gɔ̀ la sɛ́gɔ̀ sáálɵ wo wɔ̃́gbéè kǝ̀ kaáɛ gɔ̀.’ 19Kǝǝ yi nɛ̀ɛ̀ káɛ ká kɔ̀ kaa Aaɓi ká. Mɛ é ka la kaa wɔ̃́gbéè wãã̀ kaa zòɔ dàzrɥɵ wɔ̃̀ sáálɵɛ gɔ̀ɛ̀, é kâ pɵ, ‘Héyè! Ƃò yia kíŋ yà yi là.’ Lɛ̀ é pɵɛ kà pá ka kóà Yàwɛ líé Ézrɛ̀ sɛ́gɔ̀ dodo sáálɵɛ wãã̀ kpɔ̀grúzǝ̀ dodo sáálɵɛ ká.”
20Lɛ̀kɔ̀ɔɛ Sámìɔ̀ yà kǝ̀ é sɛ́gɔ̀ dodo wó ɓǝ sáálɵɛ wó pà wo kóà do Aaɓi líé, é Yàwɛ è Bɛ́nzémɛ̀ sɛ̀ sɥ. 21Lɛ̀ Bɛ́nzémɛ̀ sɛ̀ yà gã́ã́ kɵ̀ɵ kpɔ̀grúzǝ̀ ɓàɛ̀, é Yàwɛ è Mátrà kpɔ̀grúzǝ̀ sɥ. À kã̀ã̀làzǝ̀ káɛ lɛ̀ Mátrà kpɔ̀grúzǝ̀ wà gã́ã́ kɵ̀ɵ gɔ̃ɔ̃̀nù dɔ̀ɓɥ̀ǝ̀ gɥ́sɥ̀ káɛ, é Yàwɛ è Sɔ́ɔ̀ Késì gbɵ sɥ. Kǝǝ lɛ̀ wô mɛ̀ɛ̀ɛ̀ waâ ye. 22Lɛ̀kɔ̀ɔɛ wó Yàwɛ lɛ̀ɛ̀kpɔ́ kǝ zɥ́, “Gɔ̃ɔ̃̀ ɓɛ è nù zɵà?”
Ê pɵ, “Lɛ̀gà, Sɔ́ɔ̀ è má, é yà e bĩ̀ pǝnù son.”
23Wó lo blàa wó nu Sɔ́ɔ̀ ká mɛnù ɓɛɛ píé, é wô yeá nɛ̀ɛ̀ è kǝ̀ gbɛ̃̀ɛ̃̀ zózòn é zìè mɛ sáálɵɛ là gɛ̃̀kpoú do ká. 24Lɛ̀kɔ̀ɔɛ Sámìɔ̀ yà pɵ mɛnù wóɓǝ sáálɵɛ lǝ̀, “Mɛ é Yàwɛ yààsɥ́ ɓɛɛ kayèà? Mɛgbɛɛ kâlɵ̀ nɛ̀ɛ̀ ye lɵ́ mɛnù kpɔ̀n kwá nɛ̀ɛ̀ kwa son.”
Lɛ̀kɔ̀ɔɛ mɛnù ɓɛɛ wó gblà wô pɵ, “Yia kíŋ ɓò grɔ̀ɔ̀!”
25Lɛ̀ yàkɔɔ́ɛ wɔ̃́sǝ̀ é kiŋ gɔ̀ɛ̀ wãã̀ yuɔ sáálɵ é kíŋ loà kǝɛ Sámìɔ̀ yà bìɛ̀ mɛnù ɓɛɛ lǝ̀, é wɔ̃́nù pɵ́ sáálɵɛ plɛ́n bɛ̃̀ɛ̃̀ ê kpɔ Yàwɛ píékee. Lɛ̀ wà nyiɛɛ Sámìɔ̀ è mɛnùɓǝ sáálɵɛ bɔ̀ wo plɵ̀ɵ̀ dodo. 26Sɔ́ɔ̀ è lò e plɵ̀ɵ̀ pɵ́ lɛ̀ é Gébìɛ̀ pɵɵɛ ɓà. É gɔ̃ɔ̃̀nù wó krúázǝ̀ ká é Aaɓi yà wɔ̃́biɛ̀ wo zòɔ lǝ̀ sáálɵɛ wó toà píé. 27Kǝǝ mɛ kũ̀wɔ̃́ã́sɥ̀zǝ̀ gbú wà pɵ̀, “Zɛ̃ã mlǝ̀ǝ̀zǝ̀ gɔ̃ɔ̃̀ nɛ̀ é mɔ̀à nyɛ̀ɛ̀ kwa laáɛ?” É wo nyâzìè à gɥ́, waá gbàapǝ̀ gbɛ nuà lǝ̀. Kǝǝ èye zòɔ kùsɛa.
Currently Selected:
1 Sámìɔ̀ 10: DHB
Highlight
Share
Copy
Want to have your highlights saved across all your devices? Sign up or sign in
