1 Sámìɔ̀ 9
9
Sɔ́ɔ̀ è Sámìɔ̀ yè
1Gɔ̃ɔ̃̀ do è kǝ̀ lɵ̀ é go Bɛ́nzémɛ̀ sɛ̀ gɥ́, é kǝ̀ pǝàgɔ̀ mɛ̀ ká à tɔ́ è kǝ̀ Kísì ká é kǝ̀ Ábìɛ̀ gbɵ ká. Ábìɛ̀ è kǝ̀ Zérɔ̀ gbɵ ká, Zérɔ̀ è kǝ̀ Bɛ̀kórà gbɵ ká, Bɛ̀kórà dǝ è kǝ Áfìà é kǝ̀ Bɛ́nzémɛ̀mi káɛ ká. 2Kísì ɓɛ, à gbɵ do kǝ̀lɵ̀ wô tɔ́lɛ̀ Sɔ́ɔ̀, é kǝ̀ sǝ̀ dùò mɛ nyálà, à mɔ̀a gbɛɛ yaá kǝ lɵ̀ Ézrɛ̀mɛ̀nù son, àɓà kǝ̀ gbɛ̃̀ɛ̃̀sɥ̀ gɥ́ɛ à tu zìè mɛ wó to sáálɵɛ là gɛ̃̀kpoú do ká.
3Yi do káɛ, Kísì Sɔ́ɔ̀ dǝa sòfã̀ã gbú wò tòblɥ́, ê pɵ Sɔ́ɔ̀ lǝ̀, “Ƃò yuɔkǝmɛ̀nù wó ɥ píéɛ à do sɥ́ kãã̀ káló sòfã̀ãnù ɓɛɛ wo mɛɛ̀lɛ̀à.” 4Wó lo wó bɔ Ífrɛ̀n tɔ̃̀sɛ̀ wãã̀ Sàlísà sɛ̀ gɥ́, kǝǝ waá wo ye. Wó zìè wó lo wó bɔ Sáálìn sɛ̀ gɥ́, kǝǝ sòfã̀ãnù ɓɛɛ waá kǝ má. Lɛ̀kɔ̀ɔɛ wó lo wó bɔ Bɛ́nzémɛ̀ sɛ̀ gɥ́, kǝǝ waá wo ye. 5Lɛ̀ wà nu Zúfù sɛ̀ gɥ́ɛ, Sɔ́ɔ̀ yà pɵ mɛ wãã̀ wó loɛ lǝ̀, “Nu kóyíɛ́ ko zɥ́, kɵ́kǝ̀ n dǝ èye zòɓo sòfã̀ã wɔ̃̀píé yâ e zòtà ko mɔ́ɔ̀wɔ̃̀gɥ́.”
6Yuɔkǝmɛ̀à pɵ à lǝ̀, “Lɛ̀gà, dɔ̀-Aaɓilílàmɛ̀ do è pɵɵzɵ, è gɔ̃ɔ̃̀ é mɛnù wóà ɓlɛ̀kpɔ dùòɛ̀ ká. Yà wɔ̃́biɛ̀ɛ̀ è kǝ̀ wɔ̃́dè ká. Kò ló má, yigbúkáɛ è lò wɔ̃́biɛ̀ ko lǝ̀ nyɛ̀ɛ̀ gbã̀ tá kó nuáɛ ɓà.”
7Sɔ́ɔ̀a pɵ yuɔkǝmɛ̀ lǝ̀, “Kǝ mǝ̀ kó lo loá gɔ̃ɔ̃̀ ɓɛɛ lɛ̀ɛ̀? Ƃií ɓɵ̀pǝ̀ é kǝ̀ koo ɓɔ̀ɔgɥ́ɛ yà nyiɛ, ĩ́ĩ́ gbàapǝ̀ gbɛɛ yaâ lɵ̀ kǝ kɔ̃́ɔ̃̀ à nu dɔ̀-Aaɓilílàmɛ̀ ɓɛɛ lǝ̀. Mǝ̀ é ko gɔ̀ɛ̀?”
8Yuɔkǝmɛ̀ ɓɛɛ ê pɵ Sɔ́ɔ̀ lǝ̀ zɥ́ nɛ̀ɛ̀, “Lɛ̀gà, séɓlà nàò pǝtéé è n gɔ̀ zɵ kǝ ã́ã̀ nu dɔ̀-Aaɓilílàmɛ̀ ɓɛɛ lǝ̀, nyɛ̀ɛ̀ tá kó nuáɛ gɥ́pɵ ko lǝ̀.” 9Líé Ézrɛ̀ sɛ̀ gɥ́ɛ, àyé mɛ yàà mɛɛ̀ nyɛ̀ɛ̀ Aaɓi lɛ̀kpɔ́ kǝɛ, yà pɵ̀, “Nu kó ló lɛ̀yè Aaɓiwɔ̃̀gɥ́ mɛ̀ píé.” Ƃií mɛ wô tɔ́lɛ̀à gbɛ̃́ã̀ dɔ̀-Aaɓilílàmɛ̀ ɓɛ, wà lɛ̀ líé lɛ̀yè Aaɓiwɔ̃̀gɥ́ mɛ̀.
10Lɛ̀kɔ̀ɔɛ Sɔ́ɔ̀a pɵ yaa yuɔkǝmɛ̀ lǝ̀, “Ч bìɛ̀ sǝ̀, nu kó ló.” Zɛ̃ã̀ ɓɛ wô kǝ̀a wó lo pɵɵ lɛ̀ dɔ̀-Aaɓilílàmɛ̀ è kǝ̀àɛ̀ ɓà.
11Lɛ̀ wó kǝ̀ dàlɛ̀à pɵɵ tɔ̃̀là nanɛ, wó nǝ́ lonnù ye kǝ wò nuà yítɔ́lɛ̀à, wô pɵ wo lǝ̀, “Lɛ̀yè Aaɓiwɔ̃̀gɥ́ mɛ̀ ɓɛɛ è zɵà?”
12Wô pɵ, “È zɵ. Ye gà é ka líé wɛ́á ɓǝ. Kà tá síèsíè, yànu pɵɵ dɔ̀ùnɛ̀, ɓií mɛnù ɓɛɛ wò lò sraɓo gbɛ̃́ã̀ sraɓolɛ̀ ɓà tɔ̃̀tuo. 13Kâ dà pɵɵ nǝ̀ǝɛ, kalòà ye kǝ nyɛ̀ɛ̀ kɔ̀ lósɥ̀à tɔ̃̀tuo pǝɓɵ̀lɛ̀à. Ƃií mɛnù ɓɛɛ waáló pǝɓɵ̀ nyɛ̀ɛ̀ toápɵ́ nyɛ̀ɛ̀ nu, lɛ̀ é lo lúàkpɔ sra ɓɵ̀pǝ̀ ɓɛɛ ɓàɛ̀ ká. Yàkɔɔ́ɛ mɛnù wóo lɔ̀ɔ̀kǝ̀ɛ̀ wó lo pǝɓɵ̀. Kàló luo dɔ̀ùnɛ̀, ɓií lɛ̀ ɓɛɛ káloà yeà zálɵ nɛ̀.” 14Lɛ̀kɔ̀ɔɛ wó dà pɵɵ. Lɛ̀ wó gbɛ̀ìlà pɵɵɛ, wó Sámìɔ̀ ye nulɛ̀à wo gɔ̀ kǝ è lóà tɔ̃̀tuo.
15Kǝ Sɔ́ɔ̀ nuyì ya tó lɛ̀kpààyì do káɛ, Yàwɛ è lɛ́ɓòwɔ̃́ là Sámìɔ̀ lǝ̀ ê pɵ, 16“Lɛ̀apíé lɛ̀ dɔ̀nǝ̀ǝsɥ̀ gɥ́ɛ a lò gɔ̃ɔ̃̀ do é go Bɛ́nzémɛ̀ sɛ̀ gɥ́ɛ bɔ ɥ píé kǝ ɥ́n nyɔ́ wròàtuo kǝ nyɛ̀ɛ̀ kǝ kíŋ ká ma mɛnù wó Ézrɛ̀mɛ̀nù káɛ wo là. Ye é lo ma mɛnù gɔ̀la Félésã́ã̀mɛ̀nù kwɛ, ɓií n nyá ya waa wàɓɵ̀sɥ̀ ye ĩ́ĩ́ waa gbɵbɔ wò yà wò n ɓà.”
17Lɛ̀ Sámìɔ̀ è Sɔ́ɔ̀ yeɛ, Yàwɛ ɓɛɛ ê pɵ à lǝ̀, “Gɔ̃ɔ̃̀ â wɔ̃̀bìɛ̀ ɥ lǝ̀ɛ̀ gà é nɛ̀! Ye é lo líésɥ ma mɛnù ká.” 18Lɛ̀kɔ̀ɔɛ Sɔ́ɔ̀ è gã̀ã̀ Sámìɔ̀ ká kɵ̀ɵ glàlí ɓà, é pɵ, “Lɛ̀yè Aaɓiwɔ̃̀gɥ́ mɛ̀a kɔ́ é zɵɛ è mǝ́ɛ?”
19Sámìɔ̀ yà pɵ Sɔ́ɔ̀ lǝ̀, “Ma á tɔɔ lɛ̀yè Aaɓiwɔ̃́gɥ́ mɛ̀ ɓɛ. Ƃò ló n líe tɔ̃̀tuo, ɓií ɥ lò pǝɓɵ̀ n píé gbɛ̃́ã̀ kǝ lɛ̀apíé lɛ̀àlíéɛ ã́ã̀ wɔ̃́ sáálɵ é ɥ zòɔ gɥ́ɛ biɛ̀ ɥ lǝ̀. Ã́ã̀ gó ɥ zɥ̀ kǝ ɥ́n ló. 20Àyé é ɓa sòfã̀ãnù wà tóblɥ́ yi yààka ɓàɛ̀ wɔ̃̀ káɛ, kɵ́kǝ̀ ɥ zòɔ dũlúú wo mɔ́ɔ̀wɔ̃̀ká, ɓií wà wo ye. Kǝǝ dɵ é Ézrɛ̀à lɔ̀kǝ̀a dùòè? Ƃi kũ, kãã̀ ɥ dǝ píékee mɛ̀nù káa?”
21Sɔ́ɔ̀ yà pɵ, “Bɛ́nzémɛ̀mi kũ n káa, n ká gó sɛ́nù wó Ézrɛ̀ sɛ̀ gɥ́ɛ à téézǝ̀ gɥ́a, ĩ́ĩ́ kpɔ̀grúzǝ̀ á go wo sonɛ waâ gɥ́gaɥ̀zǝ̀ Bɛ́nzémɛ̀ sɛ̀ gɥ́a? Kǝ mǝ̀kǝ̀ ɥ wé kɔ̀ kǝ̀ nǝ̀ǝ n píée?”
22Lɛ̀kɔ̀ɔɛ Sámìɔ̀ è Sɔ́ɔ̀ wãã̀ yaa yuɔkǝmɛ̀ ɓɛɛ wo sɥ wó nu keelɛ̀ và ɓà, wóo yàlɛ̀ sɥ mɛnù é wo lɔ̀ɔ̀kǝ̀ wó kǝ̀ kee, wó lo kǝ mɛ gɔ́ɔ̀ yààka káɛ gɔ̀píé zɛ̃̀ã. 23É Sámìɔ̀ yà pɵ pǝkpà mɛ̀ lǝ̀, “Ƃònu ɓɵ̀pǝ̀ àyé â nu ɥ lǝ̀ â pɵ, ‘Ƃòà dɔsɛa kɔ̀pɛ̃́ã́ gbɛ làɛ̀ ká.’ ” 24Lɛ̀kɔ̀ɔɛ pǝkpà mɛ̀ è wɥ gbã́ wãã̀ à pǝ sáálɵ é kǝ̀àpíéɛ sɥ é nuá ê dɔ Sɔ́ɔ̀ líé, é Sámìɔ̀a pɵ, “Lɛ̀gà zɵ, ɓɵ̀pǝ̀ é kǝ̀ dɔàká sɛaɛ wô dɔ ɥ líé ɓǝ. Pǝɓɵ̀, ɓií aà dɔ̀sɛa ɥ lǝ̀ nyɛ̀ɛ̀ toápɵ́ yi nɛ̀ɛ̀ nyɛ̀ɛ̀ wò kǝ mɛnù á wo lɔ̀ɔ̀kǝ̀ɛ̀ kãã̀nù kã́ã̀ pǝɓɵ̀ ka kóà.”
Lɵɛ Sɔ́ɔ̀ è pǝɓɵ̀ Sámìɔ̀ píé yi ɓɛ ká. 25Lɛ̀ wà gó tɔ̃̀tuo wà yɔɔ̀ pɵɵ, é wà wɔ̀lɛ̀ pǝ̀kǝ Sɔ́ɔ̀ lǝ̀ kɔ́là nanɛ,#9.25 Kɔ́là nǝn: Waa kɔ́ é kǝ̀ yiɓɛ káɛ à too yaá kǝlɵ̀. A làluo lɛ̀ è kǝ̀ gbɛ́áká, yàkǝɛ wó wɔ̀àɓà. è wɔ̀sɛa é yizǝ.
Sámìɔ̀ è nyɔ́ wrò Sɔ́ɔ̀ tuo nyɛ̀ɛ̀ kǝ kíŋ ká
26Lɛ̀àlíé lɛ̀tiigɥ́ɛ Sámìɔ̀ è Sɔ́ɔ̀ lɔ̀ɔ̀kǝ̀ kɔ́là nǝn, ê pɵ, “Wruù kǝ ã́ã̀ ɥ pã́ã́ɓo ɥ́n yezɛ̃ã.” É Sɔ́ɔ̀ è wrùù wãã̀ Sámìɔ̀ wó ye plan wó tà wo kóá. 27Lɛ̀ wó ló là pɵ líétólɛ̀ ɓàɛ̀, Sámìɔ̀à pɵ Sɔ́ɔ̀ lǝ̀, “À biɛ̀ ɓa yuɔkǝmɛ̀ lǝ̀ è ló kolíé, àyé yà zie kolàɛ̀ ɓò dɔsɛa ɓlɵ́ká, kǝ ã́ã̀ wɔ̃́tàà é go Aaɓi píéɛ biɛ̀ ɥ lǝ̀.”
Currently Selected:
1 Sámìɔ̀ 9: DHB
Highlight
Share
Copy
Want to have your highlights saved across all your devices? Sign up or sign in
