1 Sámìɔ̀ 8
8
Ézrɛ̀mɛ̀nù wò kíŋ lɛ̀
1Lɛ̀ Sámìɔ̀ yà kǝ klɵ̀ɛ̀, èye gbɵnù kǝ̀ zadɔmɛ̀nù ká Ézrɛ̀ là. 2À gbɵ bìɛ̀zǝ̀ tɔ́ tɔɔ Zóɛ̀, à yé é yeàpíéɛ wô tɔ́lɛ̀ Àbízà. Wò kǝ̀ zadɔmɛ̀nù ká Bìɛ̀síbà. 3Kǝǝ à gbɵnù waá tá nɛ̀zɛ̃ã é tàaɛ lɵ́. Wò sìɛ̀ pǝ ye zɛ̃̀ã̀ yaa píé, wó mǝ̀àpíé pǝ̀ kũ. Waá zakã́ kpenlɵ.
4Lɛ̀kɔ̀ɔɛ dèèbɔ̀ sáálɵ wó Ézrɛ̀ sɛ̀ gɥ́ɛ wó pà wo kóà Sámìɔ̀ plɵ̀ɵ̀ Wrámà pɵɵ. 5Wô pɵ à lǝ̀, “Lɛ̀gà, ɓá kǝ klɵ̀, é ɥ gbɵnù waâ tálà nɛ̀ɛ̀ ɥ tákɔ̀ lɵ́. Àmɔ́ɔ̀wɔ̃̀gɥ́ɛ ɓò yia kíŋ sɥ́ nyɛ̀ɛ̀ líésɥ́ yiká nɛ̀ɛ̀ sɛ́nù wó to sáálɵɛ lɵ́.” 6Kǝǝ à pɵ wôɓo, “Ƃò yia kíŋ sɥ́ nyɛ̀ɛ̀ líésɥ́ yiáɛ,” yaá Sámìɔ̀ zòkṹ. Àmɔ́ɔ̀wɔ̃̀ Sámìɔ̀ è ɓɛ̀à Yàwɛ lǝ̀. 7Lɛ̀kɔ̀ɔɛ Yàwɛà pɵ Sámìɔ̀ lǝ̀, “Ƃò ɥ tókǝ pǝ sáálɵ mɛnùɓɛɛ wô biɛ̀là ɥ lǝ̀ɛ̀ píé, ɓií waá kɔ̀ ɥ wɔ̃̀ ká, kǝǝ wò kɔ̀ m ɓà kǝ̀ kíŋ ká wolàsɥ̀ ká. 8Zɛ̃ã do wó wɔɓoá m ká gó yi á goá wo ká Ízè sɛ̀ gɥ́ɛ ɓà ɥ́ nuá gbɛ̃́ã̀ɓà kɔ̀ m wɔ̃̀ãsɥ̀ wãã̀ gblɥ̀n Aaɓi gbɛ lǝ̀sɥ̀ káɛ, wô kǝlà ɥ gɔ̀ ɓǝ. 9Lɛ̀ é pɵ́ɛ, ɥ tókǝ wo wò píé. Pǝdo ɥ́ loàkǝɛ é tɔɔ, ɥ lò lùòpɵ wo lǝ̀ ɥ́ mɛ yàkǝ kíŋ káɛ àɓà wɔ̃́kǝkɔ̀ zɔ̃̀ wo lǝ̀.”
10Lɵɛ Sámìɔ̀ è wɔ̃́ sáálɵ Yàwɛà bìɛ̀ à lǝ̀ɛ̀ bìɛ̀ mɛnù wó pɵ wà mɛ̀ɛ̀ kíŋ káɛ lǝ̀. 11Ê pɵ, “Zɛ̃ã kaa kíŋ è lo wɔ̃́kǝá ka gɔ̀ɛ̀ gànɛ̀. È lò ka gbɵnù sɥ nyɛ̀ɛ̀ wo dà kálìà tá yùɔ̀ wãã̀ sò tá yùɔ̀ nù píé, wo gbúnù wɔ̃̀ɔ̃̀ blàsɥ́ àɓà kálìà líé. 12Zɥ́ɛ, ye dè è lò mɛ gɔ̀lààmɛ̀ sɥ krúázǝ̀ vù plǝǝ̀zǝ̀ wãã̀ krúázǝ̀ gɔ́ɔ̀ sɔ́ɔ́lú nù làluo, é mɛgbú wó lo àɓà ɓlɥ́ɵ̀ kpɔ wâ àɓà tapǝ̀nù kã̀ tapǝ̀ kã́yìa, wó àɓà kózǝ pìɛ̀nù, àɓà kálìà kǝ pǝ̀nù kǝ̀. 13Ka lúnù wò lò nyɔ́ gbĩ́ã́ sǝ̀ kǝ à lǝ̀, wò lò kǝ àɓà pǝkpà mɛ̀nù ĩ́ĩ́ blɛɛ̀kǝmɛ̀nù ká. 14È lò kaa pǝtalɛ̀ srǝ̀ǝ̀bɔ̀, kaa gréè ɓlɥ̀ɵ̀, wãã̀ ɔ́lè ɓlɥ̀ɵ̀nù kũ kagɔ̀ é wo nu yaa yuɔkǝmɛ̀ vàvànù lǝ̀. 15È lò kaa tapǝ̀ sii wãã̀ kaa gréè gɔ́ɔ̀ líémɔ̀ kũ nyàà nu yaa kózǝmɛ̀-vàvà wãã̀ yuɔkǝmɛ̀ vàvà ɓáá lǝ̀. 16È lò kaa nɔ̀à gɔ̃ɔ̃̀zǝ̀ wãã̀ kaa nɔ̀à lonzǝ̀, ĩ́ĩ́ kaa tùɔ̀nù ĩ́ĩ́ sòfã̀ãnù àyé wó kpã̀ã̀zǝ̀ dùòɛ̀ sɥ é wo dà yaa yuɔnù píé. 17È lò kaa ɓlánù wãã̀ ɓònù gɔ́ɔ̀ líémɔ̀ sɥ. Ĩ́ĩ́ kadè kalò kǝ àɓà nɔ̀ànù ká. 18Àyé yi ɓɛɛ yà wòɛ, ka lo ka wòkpɔ kaa kíŋ kadè kâ sɥɛ gɔ̀, kǝǝ Yàwɛ yaáló e tó to kaa wòkpɔ́ wò nù gɔ̀.”
19Mɛnù wóɓɛɛ waá wo tó gbɛɛ tó Sámìɔ̀ wò gɔ̀, kǝǝ wà pɵ̀, “Héyè! Yi mɛ̀ɛ̀ kíŋ ká. 20Kǝ nyíì kǝ nɛ̀ɛ̀ sɛ́nù wó to sáálɵɛ lɵ́, kǝ yia kíŋ nyɛ̀ɛ̀ líésɥ́ yiá, nyɛ̀ɛ̀ ye yi líé nyɛ̀ɛ̀ yia kónù zǝ yi lǝ̀.” 21Wɔ̃́ sáálɵ wô bìɛ̀ɛ̀ Sámìɔ̀ yà mà é lo é bìɛ̀ Yàwɛ lǝ̀. 22Yàwɛ yà pɵ, “Pǝ wó mɛ̀ɛ̀ ɓòàkǝ ɥ́ waa kíŋ nu wo lǝ̀.” Lɛ̀kɔ̀ɔɛ Sámìɔ̀ yà pɵ Ézrɛ̀ gɔ̃ɔ̃̀nù wó ɓǝ sáálɵɛ lǝ̀ wò ló wo plɵ̀ɵ̀.
Currently Selected:
1 Sámìɔ̀ 8: DHB
Highlight
Share
Copy
Want to have your highlights saved across all your devices? Sign up or sign in
