1 Johani 1
1
Dipswi da wutomi
1 # Wona ni ka: Mat. 24:43; Luk. 12:39; 1 Vat. 5:2; Mtu. 16:15. Hi bhala ta wule i ku Dipswi da wutomi, awu i ngadi ene kukhukhela makhatoni; awu hi nga mu engisa, awu hi nga ti mu wona ngu maso athu, awu hi nga mu wonisisa, awu hi nga m'gwesa ngu manza athu. 2#Wona ni ka: Joh. 1:14. Wutomi wu ti kombisile, nguko hi wu woni, ha wu fakazela; se ha mi zivisa ta wutomi wuwa wo mbi guma, awuwa wu nga ti ni Tate, wu nga ti kombisa kwathu; 3ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu. 4Hi mi bhalela timhaka tiya, kasi ku litsako lathu li txi hetiseka.
Txizimu Liwoningo
5Aawa ngu ona mahungu awa hi nga ma engisa kwakwe hi mi zivisako: Txizimu Liwoningo, ka txona kuwalo txidema ni ka kudotho. 6Ngako hi txi hi vamwevo ni Txizimu, na hi txi tsimbilela mtemani, ha womba makuhu, kambe kha hi mahi ditshuri. 7Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.
8Ngako hi txi womba ti to kha hi nga ni txionho, ha ti kanganyisa, se ditshuri kha di nga ho kwathu. 9Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi. 10Ngako hi txi womba ti to kha hi onhi, ho lumbeta makuhu Txizimu, se dipswi da txona kha di nga ho kwathu.
Currently Selected:
1 Johani 1: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.