1 Johani DIPSWI DO THANGA
DIPSWI DO THANGA
Dipapilo diya di londeta timhaka timbidi ta hombe.
Yo khata, nja wuxaka wa makholwa ni Txizimu, awu ma khongotelwako ku wu xayisa, me namarelana ni Jesu Kristu Mwanana wa Txizimu.
Ya wumbidi, nja tigondo to timeta vathu: Makholwa ma fanete kutiwonela ka tona, nguko, ma txi ti ningetetela ka tona, ma na mwalalelwa ngu wuxaka wa ona ni Txizimu.
Vagondisi va makuhu va kha vona, asiya sotshe si nga wumbwa, ahawa ha mafuni, kupata ni mmidi wa m'thu si huma ka m'bihi. Va kha vona, Jesu Kristu kha ningwa mmidi wo fana ni wathu; kambe va womba ti to nzila ya kuhanyiswa, ngu kuhambana ni sa mtumbuluko; hambi m'thu a txi ti ñola, hambi a txi randa va ka kwawe, mwendo asi va randi, kha ti nga ni mhaka eto, nguko nza mafu dwe; txa hombe ngu kuhanyisa moya wa m'thu wu nga khotelwa mndani ka mmidi wakwe.
M'bhali wa dipapilo diya a kaneta tigondo tiya to gombonyeka. A tsanisa ti to Jesu Kristu i ti m'thu wa mmidi ni mnoha, a fana ni nathu, kambe ene i ti si nga muonhi. Ava va kholwako ka Jesu Kristu, ni va va randako Txizimu txi va si txi woniko, va kurumetwa kuranda ni vona vathu-kulowe, ka nyama, ava va va wonako ni kuhanya navo.
Txizimu, Liwoningo ni lirando, kuwomba Johani. Vathu va txona va komba wuxaka wawe natxo ngu kuhanya Liwoningoni ni lirandoni. Mapapilo a Johani, ma bhatwe ngu ene wu a nga bhala Evhangeli ya Johani.
Longoloko ya timhaka
1. Dipwsi do thanga (1:1-4)
2. Txizimu liwoningo (1:5-10)
3. Ditshuri ni makuhu (2:1-27)
4. Vanana va Txizimu ni vanana va Sathani (2:28--3:24)
5. Moya wa Txizimu ni moya wa Mlala wa Kristu (4:1-6)
6. Txizimu i Lirando (4:7-21)
7. Likholo lo xula ditiko (5:1-21)
Currently Selected:
1 Johani DIPSWI DO THANGA: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.