Amosi 5
5
Vathu va dingana kutisola
1Engisani mhaka yi ni yi wombako, ya txidilo hagari kwanu, awe nyumba ya Israyeli.
2Dihorana do tuma da Israyeli di wite,
di na mbi ngadi di wuka kambe:
A tsukutwe ditikoni kwakwe,
kha ngaho awu aku na mu wusa.
3Nguko Mkoma Txizimu a womba tiya:
Ka didhoropa di kuhumako 1.000, ku na vekiswa dizana, se ka dile kuhumako dizana, ku na vekiswa digumi, ka nyumba ya ka Israyeli.
4 Mkoma a womba tiya ka va Israyeli a txi khene:
Ni laveni mi na hanya. 5Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.
6Lavani Mkoma mi na hanya, kasi ku si rinzwi mndilo ka nyumba ya ka Josefa, wu txi yi tshokomisa, ku si maneki ni wammweyo Bheteli, wa ku yi tima. 7Anu mi phinduketako wunene ngu mbiti, ni kurinza hahatshi wululamo.
8 # Wona ni ka: Job. 9:9; 38:31. Lavani wu a nga maha
Mtxhanu wa tinyeleti ni timbidi ni Oriyoni,
a phemberusa txidema txi maha kuwonekela ka mixo,
e tshumela e phemberusa mitshikari yiva wusiku
a wu a dhanako mati a linene
e ma theletela txitimwi ka mafu;
ditina dakwe i Mkoma.
9Ngene a wu a lovisako vathu va mtamo,
a lovisako ni miti ya vona ya mikhokhola.
10Va venga wu a emako ni to lulama habanza, ni kunyenya wu a wombawombako ditshuri. 11Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona. 12Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni. 13Ngu toneto, awu a ku ni mapimo a na malala, ka yona mbimo yile, nguko mbimo yi na va yi di bihile.
14Lavani wunene i si nga wubihi, ti to mi hanya, koneho Mkoma, Txizimu txa Mabutho a Tiyimbi, a na va ni nanu, nga ku mi wombako. 15Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.
16Ngu toneto, a womba tiya Mkoma, Txizimu txa Mabutho a Tiyimbi, Mkoma:
Ka otshe magondo ku nava ni kudila: Ni ka sotshe sigava va na kha vona: Yowe! Yowe! Kambe va na dhana m'dimi kuya dila, ni ku ta dila ka vale va zivako madilelo. 17Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.
Ditshiku da Mkoma
18Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela. 19Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka. 20Kha di na mbi va txidema ditshiku da Mkoma, i si nga kuwonekela kani? Ku na mbi va ku di tshangani txidema ni kuwonekela kani?
Wululamo na i si nga miphaxo
21Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko. 22Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu. 23Tshuketisani kule diguwa da tindando tanu, kha ni na mbi engisa mpfumawulo wa sivetaveta sanu. 24Wunene wa tutuma nga mati, ni wululamo ku nga mnambo wa kwa mbi phwha.
25 # Wona ni ka: Mith. 7:42-43. Mi ni ningile mphaxo ni miningelo txiwulani, ka mune wa magumi a malembe, anu vanana va ka Israyeli kani? 26Txo khata mi tekile ditenda da Moloke wanu, ni txiluvelo txa sifaniso sanu, ni nyeleti ya txizimu txanu, mi nga ti mahela mipune. 27Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.
Currently Selected:
Amosi 5: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.