Vakolosa 3
3
1 # Wona ni ka: Mas. 110:1. Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu. 2Alakanyani simaha si i ku sa txitimwi, i si nga asi i ku sa ha mafuni, 3nguko anu mi fite, se wutomi wanu wu sisilwe kumweko ni Kristu, ka Txizimu. 4Se Kristu, Ene i ku wutomi wanu, mbimo yi a nota ti wonekisa, na nanu mi nata humelela kumweko nayo kuwonekelani ka kupfaliswa.
Wutomi wa kale ni wutomi wa wuphya
5Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa. 6Asiya ngu sona si dhanako kuhenya ka Txizimu, ka va va eyisako, 7atiya ngu tona mi nga ti hanyisa tona kale, mi nga ti fumwa ngu tona. 8Se konkuwa na nanu si tshotsheni kule sotshe siya: Txitsikivi, kuhenya, wubihi, kuruka, mawombawombelo a nzambwa. 9#Wona ni ka: Vaef. 4:22. Mi nga hembelaneni, nguko mi xivite m'thu wa kale ni hanyelo yakwe; 10mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka. 11Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.
12Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela; 13#Wona ni ka: Vaef. 4:32. mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto. 14Kambe txitimwi ka sotsheso, ambalani lirando, i ku txitsaniso txo hetiseka; 15Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.
16Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu. 17Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.
Kuhanyisana wutomini kakuphya
18Anu vavasikati, ti vekeni hahatshi ka vamna vanu, nguko ti ni fanelo ka vale i ku sihango sa ditshuri sa Mkoma.
19 # Wona ni ka: Vaef. 5:25; 1 Ped. 3:7. Anu vavamna, randani vasikati vanu, mi si zumbi ngu ku va xupha.
20 # Wona ni ka: Vaef. 5:25; 1 Ped. 3:7. Anu vanana, engisani vaveleki vanu ka totshelele, nguko ta tsakisa ka Mkoma. 21Anu vaveleki, mi nga henyiseleni vanana vanu, kasiku mi si va theli dikhodho.
22Anu sithumi, engisani vakoma vanu va ha mafuni ka timhaka totshe, va thumeleni, i si nga ngu mhaka ya ku mi woneleta, nga mo lava kutsakisa vathu, aniko thumani ngu mbilu ya yinene, ngu kuthava Mkoma. 23Totshe ti mi ti thumako, ti maheni ngu yotshe mbilu yanu, ngu kuziva ti to mi thumela Txizimu, kha mi thumeli m'thu. 24Na mi txi tiziva kambe ti to Mkoma a na mi hakela ngu ku mi maha vadyi va thomba yakwe. Mkoma ngu Kristu, anu mi sithumi sakwe. 25#Wona ni ka: Dhewut. 10:17; Vaef. 6:9. Ngu toneto, awu a mahako to wekela a na amukela hakhelo yo wekela wakwe. Txizimu kha txi yi ngu khohe ya m'thu.
Currently Selected:
Vakolosa 3: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.