Vakolosa 4
4
1 # Wona ni ka: Vaef. 6:9. Anu vanyamne, hanyani ni sithumi sanu ngu nzila yo lulama ni fanelo, na mi txi ziva ti to nanu mina ni Mkoma wanu a ku nzumani.
Kukhongotela
2Simamani mi khongela, mi txi khutalela kona mikombeloni, na mi txi bonga, 3mi txi hi kombelela nathu, kasiku Txizimu txi hi tulela nzila ya kutxhumayela kwathu, hi sikota kuhuwelela msisalo wa Kristu, ani ni maneka mkorani ngu mhaka ya wona msisalowo. 4Ni kombeleleni kasiku ni sikota ku wu txhamusela ngu kuwomba ngu tifanelo ti ti lavekako.
5 # Wona ni ka: Vaef. 5:16. Hanyani ngu wuzivi ni va va ku hahanze, mi txi londola ta tinene mbimo yi mi ku ka yona. 6Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.
Madingula o gwitisela
7I di mahungu a ti ni hanyisako tona, a nata mi xawutela totshe ene Tikiko mwanathu wo randeka, txithumi txo thembeka, txithumi kulothu mthumoni ka Mkoma. 8Ni mi rumela ene, ngu mhaka ya toneto, to ta mi xawutela mahungu a wutomi wathu ni ku ta tsanisa timbilu tanu. 9Kumweko ni Onesimu, mwanathu wo thembeka ni kurandeka ngutu, awu i ku wa lixaka la ka kwanu. Vona va nata mi xawutela totshe ti ti mahekako kheno.
10 # Wona ni ka: Mith. 19:29; 27:2; Film. 24; Mith. 12:12,25; 13:13; 15:37-39. Wa mi dingula Aristarkusi i ku txibotxhwa kulothi, kumweko ni Marku mtukulu wa mwanawe Bharnabhasi, awu mi nga ziviswa timhaka takwe; ngako a txi mi endela, mu amukeleni. 11Jesu, awu a dhanwako ku i Justo, wa mi dingula nene. Ava va nga ya wukwerani, ngu vona vava dwe va thumako kumweko ni nani, ka mthumo wa mfumo wa Txizimu; ngu vona va ni thavelelako.
12 # Wona ni ka: Vakl. 1:7; Film. 23. Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako. 13Kha ditshuri ani na mu fakazela ka mhaka yiya: Ene wa ti karata ngutu ngu nganu, ngu va Laodhikheya, ni va Hiyerapoli.
14 # Wona ni ka: 2 Tim. 4:10,11; Film. 24. Wa mi dingula nene Luka, mngana wathu wa ñanga, wa mi dingula nene Dhemasi.
15Dingulani vanathu va Laodhikheya, ni mame Ninfa, ni Dibanza di di sengeletanako m'tini kwakwe. 16Msana ka kuva di di gondilwe hagari kwanu dipapilo diya, di ningeleni di gondwa kambe Dibanzani ka Laodhikheya; na nanu lavani kugonda adi di tako ngu Laodhikheya. 17#Wona ni ka: 2 Tim. 4:10,11; Film. 24. Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.” 18Madingulisa awa ni bhala ngu txanza txangu: Ani Paulo. Mi nga divaleni ti to ni ku khotelwani. Kateko yi nave ni nanu.
Currently Selected:
Vakolosa 4: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.