1 Vatesalonika 1
1
Kulosa
1Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate, ni Mkoma Jesu Kristu. Kateko ni kudikha si nave ni nanu!
Wutomi ni likholo la Vatesalonika
2Ha ninga kubonga yotshe mbimo ka Txizimu ngu kota yanu motshenu, na hi txi mi alakanya, mikombeloni kwathu. 3Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu. 4Ha tiziva, vanathu, ti to anu mi dhundwako ngu Txizimu, mi sawutwe ngu txona. 5Nguko, Evhangeli yathu kha ya hoka kwanu ngu mapswi dwe, aniko yi fakazetwe ngu mtamo wa Moya wo Sawuleka, ni mahanyelo o kholwisa. Ma tiziva ti hi nga hanyisa tona ni nanu ngu mhaka ya lirando kwanu. 6#Wona ni ka: Mith. 17:5-9. Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka; 7ahawa ka kuza mi va mi di txikombiso ka otshe makholwa a ditiko da Makedhoniya ni da Akaya. 8Kha ditshuri, Dipswi da Txizimu, di di nga engiswa di txi khukhela kwanu, kha da engiswa dwe ngu Vamakedhoniya ni va Akaya, aniko likholo lanu ka Txizimu li tshanganisile otshe makhalo; se ngu kota yeto, kha kuswi ku txi laveka ti to hi ngadi hi txi womba-womba ngu mhakeyo. 9Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri; 10mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.
Currently Selected:
1 Vatesalonika 1: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.