Hoseya 11
11
Txizimu txa randa vathu va txona va txieyiso
1 # Wona ni ka: Eks. 4:22; Mat. 2:15. Mbimo yile Israyeli i nga ti ti mfana, ani ni mrandile;
se ni dhani mwanana wangu
e huma ngu Egipta.
2Kambe ngako ni txi va dhana
vona va ti nitshuralela;
va ti ti phaxela ka va ka bhahali,
ve hisela dibaselo sithombe so vatwa.
3Hambi keto, ani ni m'dhedhisile Efrayime;
ni va ñote ngu mawoko awe,
kambe kha va tiziva ti to ani ni na va kalamukisa.
4Ni va ndindete kwangu ngu majoke a wuthu,
ngu majoke a lirando; se ni tsute kwawe
kufana ni va va thavisako dikange ka tithamo tawe,
kambe ni va ningile sakudya.
5Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka. 6Se ditxhari di nata txitimwi ka madhoropa awe, di nata fuvisa sikhweketo sa tisimbi, kambe di na va lovisa, ngu mhaka ya makungo awe. 7Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.
8 # Wona ni ka: Dhewut. 29:23. Ni ndi na kulekisa kutxani, awe Efrayime kani?
Ni ndi na kuningelisa kutxani, awe Israyeli kani?
Ni ndi na kumahisa kutxani ku nga Adhama kani?
Ina ni ndi na kuveka ku nga Zebhoyimi kani?
Mbilu yangu yi txitxile mndani kwangu,
kotshe kunavela kwangu ka tura.
9Na mbi londetela ta kupanda ka kuhenya kwangu;
kha ni na mbi wuya ku ta hoxota Efrayime,
nguko ani ni Txizimu, kha ni nga m'thu, Msawuleki hagari kwako;
ani kha ni na mbi wulela didhoropani.
10Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela. 11Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.
12Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.
Currently Selected:
Hoseya 11: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.