Hoseya 14
14
Israyeli a dhanwa kutshumelela ka Txizimu
1Awe Israyeli, hundulukela ka Mkoma, Txizimu txako; nguko u wite ngu sionho sako. 2Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole. 3Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.
Wutomi wa wuphya ka Israyeli
4Ani ni na holisa ku ni tshuralela kwakwe,
ani ngu kutilava kwangu,
ni na va randa;
nguko kuhenya kwangu ku khukhile kwawe.
5Ka Israyeli ani ni na fana ni mwando,
ene a na tshura kufana ni siluva,
kambe a na hangalasa mitwi yakwe kufana ni Libhanoni.
6Ma na nava madhavi akwe a maphya,
kambe wudhumo wakwe wu na fana ni wa muolivha,
ni kunungela kwakwe ku na fana ni ka Libhanoni.
7Ava va no zumba ka mtsudi wakwe va na wuya;
va na hanya kufana ni fulaho
kambe va na veka siluva ku nga m'vhina
mialakanyo yawe yi na fana ni vhinyo ya Libhanoni.
8Efrayime a na khene:
Ni ngadi ni txani kambe ani ni sithombe kani?
Ani ni khala ku tiengisa,
se eto na ti pfisisa;
ani ni fana ni mndonga wa faya wa mkungu;
ngu kwangu ka manwa mihando yako.
Magwito
9I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.
Currently Selected:
Hoseya 14: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.