Joxuwa DIPSWI DO THANGA
DIPSWI DO THANGA
Dibhuku da Joxuwa, di womba-womba ngu ta va ka Israyeli, ngako va txi teka ditiko da Kanana ve abanela, na va txi thangelwa ngu Joxuwa, mtsiveti wa Mosi, amu ka kuthangela vathu va Txizimu.
Txizimu txi hetisile sithembiso sa txona ka Abrahamu, ngu kuningela ditiko diya ka va ka Israyeli, di txi maha dawe. Kunene, kuhuma ka va ka Israyeli ngu ditikoni ka Egipta, ni kuwulela kwawe ditikoni ka Kanana, ndimhaka timbidi ta hombe, mndani ka matimu a va ka Israyeli; ngu wumbidi wa tona, ti mahekile ngu konaho ka mtamo wa Txizimu dwe, kasi kutsanisa mpatano wa txona ni va ka Israyeli.
Txizimu txi tshumete txi komba lirando la txona ni kuthembeka ka txona, ngu kuninga Muisrayeli mmwani ni mmwani, m'ti ni wukhalo wa kudima ka wona ni ku dyisela kona sifuyo. Ngu toneto, ni vona va ka Israyeli, va fanete kutikomba kota vathu vo thembeka, ngutu-ngutu ngako va txi khata kudukwa ngu siheno sa mahanyelo a Vakanana, ni sizimu sawe. Hagari ka sona siduko siya, Joxuwa a zile e sengeleta ngamu ya ka Israyeli ditikoni ka Sikemi, ahawa va ka Israyeli va nga ya wuseta kona txixambanyo txawe, txa kulondeta ni kuvekisa Mlayo wa Mkoma Txizimu, va txi leka kukhozela sizimu sa vamatiko, ngako Joxuwa a txi va gela ku khene: “Ngako ti si mi tsakisi kukhozela Mkoma Txizimu, sawulani nyamsi awule mi no mkhozela. Mwendo mi lava kukhozela sizimu sile vatate vanu va nga si khozela, va di mtxhatuko ka mnambo wa Jordhani, mwendo sizimu sa Vaamori, ava mi zumbako ditikoni kwawe. Aniko ani ni mwaya wangu, hi na khozela Mkoma Txizimu.” (Jox. 24:15)
Magwito ka dibhuku da Joxuwa, hi engisa timhaka ta kuwusetwa ka Mpatano wa Txizimu ni va ka Israyeli, ni ta kufa ka Joxuwa, mimangoni ka va ka Efrayime.
Longoloko ya timhaka
1. Kukhoziswa ka ditiko da Kanana (1:1--12:24)
2. Kuabaniselwa ka ditiko da Kanana (13:1--21:45)
a. Matiko a wutxani ka Jordhani (13:1-33)
b. Matiko a mswa-ditambo ka Jordhani (14:1--19:51)
c. Madhoropa o thavela ka ona (20:1-9)
d. Madhoropa a Valevhi (21:1-45)
3. Tihunzu ta wutxani ti tshumelela ka matiko a tona (22:1-34)
4. Kusalisa ka Joxuwa (23:1--24:33)
Currently Selected:
Joxuwa DIPSWI DO THANGA: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.