Dhewuteronome 34
34
Kufa ka Mosi
1Sekoko Mosi a to khukha ngu libalani ka Mowabhi, a txi ya kwela mmangoni ka Nebho, txitimwi ka Pisiga, ku ku masoni ka Jeriko. Se Mkoma a to mkomba dotshe ditiko, kukhukhela Gileyadhi kala Dhani; 2dotshe da Naftali, da Efrayime ni da Manasi, dotshe da ka Judha, kala lineneni ka mswa-ditambo; 3ni Wuphemba, ni ka thembwe ya mkovani ka Jeriko, didhoropa da mitxhese.
4 # Wona ni ka: Gen. 12:7; 26:3; 28:13. Se Mkoma a to m'gela a txi khene:
Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”
5Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma. 6Se ene a to tshotshwa mkovani, ditikoni ka Mowabhi, ngu masoni ka Bheti-Peyori; aniko ni wammweyo kha kuzivi ahale a nga kelelwa kona, kala ka disthiku da nyamsi.
7Mosi a ti ti ni 120 wa malembe, mbimo yi a nga fa; maso akwe ma sa nga karala, ni mtamo wu sanga pwateka kwakwe. 8Vanana va ka Israyeli va msalukile Mosi, libalani ka Mowabhi, amu ka magumi mararu a masiku, kala ku txi guma masiku a masaluko, o dila Mosi.
9Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.
10Ka va ka Israyeli, kha nga humelela kambe mmwani mprofeti wo fana ni Mosi, awu Mkoma a nga m'ziva, khohe ni khohe. 11Kha nga ho mmwani a fanako nayo amu ka sotshe sikombiso ni sidiwukiso, si Mkoma a nga mruma ku si maha ditikoni ka Egipta, sa kutsayisa Faro, ni votshe vathu vakwe ni dotshe ditiko dakwe. 12Hambi amu ka sotshe si a nga si maha ngu dianza dakwe da mtamo, hambi mu ka sotshe sidiwukiso sa hombe, asiya Mosi a nga si maha masoni ka vanana va ka Israyeli.
Currently Selected:
Dhewuteronome 34: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.