ILOOWALI 30
30
1Bo ti Raheli debo diipo loo̒tapu mai walao̒ olo. Sababu uito tio malohiihia toli taatalio, lapatao̒ loloi̒ya mao̒ odelei Yako, “Wohia mai walao̒ to olaatia, wonu diila, watia mamate.”
2Tei Yako maloingo toli Rahel wau loloi̒ya mao̒, “Wau̒ botie diila Allahu Taa̒ala. Tio-tiolo tahelohutu olemu diila loo̒tapu mai walao̒.”
3Lapatao̒ uali Rahel, “Botie wato lowatia ti Bilha; potuluhulo wolio alihu tio mopotutu mai. Lou̒ odito watia mowali tiilo motimbulude to olio.” 4Lapatao̒ yilohilio mao̒ ti Bilha ode dilelio, wau tei Yako lou̒lauwa wolo wato boito. 5Ti Bilha maa ilombodaa̒ mola lapatao̒ lopotutu mai walao̒ talolai̒ ngota. 6Ti Rahel loloi̒ya, “Allahu Taa̒ala malo mutoa̒i duo̒lo polohuna daa̒ olaa̒atia. Dilungohe-Lio dua̒au̒ wau yilohia-Lio mai walao̒ talolai̒ ngota ode laatia.” Tulusi ilunteelio walao̒ boito Dan. 7Ti Bilha luli ilombodaa̒ mola poli wau lopotutu mai walao̒ talolai̒ ngota. 8Uali Rahel, “Watia malo hipate tio̒opatea helo luwali oli taata lowatia, wau watia loo̒hama,” sababu uito iluntelio walao̒ boito Naptali. 9Tou̒ ti Lea lotota mai lou̒ tau deu̒ tio diilalo moo̒tapu mai walao̒, yi mailohilio watolio, deu̒yito-yito ti Jilpa, odelei Yako u mowali dilelio. 10Ti Jilpa lopotutu mai walao̒ talolai̒ ngota. 11Uali Lea, “Watia mailo pae̒eda,” lapatao̒ iluntelio walao̒ boito Gad. 12Ti Jilpa luli lopotutu mai walao̒ talolai̒ ngota, 13wau uali Lea, “Donggo boli sanangi tutu watia! Botia ngoa̒amila mongobua malo loi̒ya olaatia sanangi tutu.” Sababu uito iluntelio walao̒ boito Asyer.
14To sembo lo pongotolaa pale, tei Ruben lonao̒ mola ode huta datahu wau luasi wau ilodunggaalio mola teto odelo ngorupa lo pilomulo wunemo, lapatao̒ dilelio mota odeli Lea, tiilolio. Uali Rahel odeli Lea, “Wohiyalo mai olaatia ngoi̒di monto pilomulo wunemo u maa ilodungga lo walau̒mu boito.”
15Tametao̒ li Lea, “Wolo diipo loe̒enggade yio̒ malohama to dileu̒? Botia yio̒ tumbao̒ mohimontala poli mai mohama pilomulo wunemo u lotapu mai lo walau̒uu̒.”
Uali Rahel, “Wonu yio̒ mohuto mongohi mai pilomulo wunemo lo walau̒mo boito ode olau̒, yio̒ mowali motuluhu wolei Yako tohui botie.”
16Tou̒ tei Yako malo hualinga mota ode bele lonto huta udatahu wau luasi lolaango boito, ti Lea lolutulai olio sambela loloi̒ya mao̒, “Potuluhulo pee̒-pee̒enta wolaatia tohui botie sababu watia malo maayali mao̒ uoleeto wolo pilomulo wunemo lonto walao̒ lowatia.” Lapatao̒ tei Yako lou̒lauwa wolio tohui boito.
17Allahu Taa̒ala lodungohe dua̒ li Lea, wau tio maa ilombogaa̒ tulusi lopotutu mai walao̒ tao̒limolio. 18Uali Lea, “Allahu Taa̒ala malongohi mai olaatia wuupa sababu watia malohudu mao̒ oli Jilpa todile lowatia,” sababu uito iluntelio walai̒o boito Isakhar. 19Ti Lea luli ilombodaa̒ mola wau lopotutu mai walai̒o tao̒lomolio. 20Ualio mao̒, “Allahu Taa̒ala malongohi mai olaatia palaseni u mopiohe daa̒. Botia dile lowatia mamongohi mao̒ halaga olaatia, sababu watia malo potutu mai walao̒ mongo lolai̒ wolomota,” sababu uito iluntelio walai̒o boito Jebulon. 21Lapatao̒ uito ti Lea lopotutu mai walao̒ taabua ngota tai̒luntelio Dina.
22Lapatao̒ maa iloe̒ela mola lo Allahu Taa̒ala ti Rahel; Allahu Taa̒ala lodungohei dua̒alio wau tio ilotoduo lo walao̒. 23Yi ti Rahel maa ilombodaa̒ wau lopohutu mai walao̒ talolai̒ ngota. Uali Rahel, “Allahu Taa̒ala malo podiyaluo ohihina lowatia. 24Hinta Eeya mongohi mai olo watotia walao̒ talolai̒ ngota poli.” Sababu uito iluntelio walai̒o boito Yusu.
Tataawalia to wolota lei Yako wolei Laban
25Lapatio mao̒ ti Rahel lopotutu mai olei Yusu, tei Yako loloi̒ya mao̒ odelei Laban, “Poluasiyalo mai watia mohualingo ode lipu lowatia. 26Huliyalo mai watia modelo dile lowatia duduulota wolo mongo walao̒ lowatia. Timongolio lotapu mai lowatia wolo helo kalaja toli Oomu. Otaawa li Oomu, watia malo kalaja tio̒opatea daa̒.”
27Tei Laban loloi̒ya mao̒ olio, “Dungohipo: Wau̒ heloo̒ toduo mai laamalani deu̒ Eeya malo balakati mai olau̒ kalana yio̒. 28Polelea mai olau̒ ngoolo u pohileemu.”
29Tametao̒ lei Yako, “Otaawa li Oomu lohihilao deu̒ watia malo kalaja wolo tio̒opatea daa̒, wau bibiahe li Oomu mai̒lo duhenga mola dadaata kalana hetilaala lowatia. 30Tou̒ watia diipo lonao̒ mai, halata haku li Oomu diipo boti woloolo, bo botia ti Oomu makilaaya. Eeya malo balakati mai oli Oomu kalana watia. Botia mawakutuulio watia mokalaja duo̒lo ngaalaa̒ laatia lohihilao.”
31Ualei Laban, “Oditolio wolo u mamusi wohiu̒ mai olemu?”
Tei Yako lolametao̒, “Sambelolo ti Oomu mongohi mai wolo-wolo. Watia madebo molaalao̒ bibiahi Oomu, asali ti Oomu akolo lo hihiile lowatia botie: 32Poluasia mai watia todulahee botie monao̒ tohuungo lo totoonulalo himbala lobatade wau himba li Oomu, wau mohama mao̒ timii̒du walao̒ himba u moitomo, wau olo timii̒du batade buboto u tambala wau hibonto-bontoa̒a. Uito wambao̒ wuupa u otohilaa lowatia. 33De todulahee momooli lou̒ gambangi mowali otaawa mao̒ li Oomu wolo watia malohutu juujulu. Wonu bolo ti Oomu monao̒ mai momalakisao̒ wuupa lowatia, wau moo̒onto mao̒ woluo batade u diila hibonto-bontoa̒a meaalo tambala, meaalo himba udiila moitomo, yi otaawa mao̒ li Oomu deu̒ binatangi boito matilao̒ mai lowatia.”
34Tei Laban lolametao̒, “Akolo! Ito mamohutu mao̒ wolo uiloi̒yamu boito!” 35Bo todulahee boito tei Laban lopowalaheo ngoa̒amila batade ulai̒ u tambala wau ngoa̒amila batade bilango u tambala, hibonto-bontoa̒a, wau uwoluo tambii̒o moputio̒; tio olo lopowalaheo̒ ngoa̒amila himba u moitomo. Lapatao̒ ilahulalio mao̒ mongo walai̒o mongulusi bibii-natangiyalo boito, 36tulusi malonao̒ timongolio wolo bibii-natangiyalo boito lotilamingo lonto olei Yako, u antadelio tolo hui mola ponao̒walo.
Labitio lo himbala batade himba haku lei Laban tilaala maoĚ’ lei Yako.
37LapataoĚ’ tei Yako malohama tataa-ngowalo u moidu lonto bungo lo ayu bawar, bungo lo ayu badam wau bungo lo ayu berangan, wau longalipaoĚ’ ngotayadu lonto alipio tilinggula lowali hitamba-tambalawa. 38Pilodutulio maoĚ’ tataa-ngowalo boito totalu himbala lobatade boito todelomo tambati pongilumalio, kalana bibii-natangiyalo boito mohuto mohiiyala touĚ’ mamongilu. 39Oditolio wonu babaa-tadeyalo boito mohiiyala totalu lo tataa-ngowalo boito, walaiĚ’o tambala meaalo hibonto-bontoaĚ’a.
40LapataoĚ’ tei Yako malohama hihii-mbawaalo tulusi lopotaaluo maoĚ’ ode babaa-tadeyalo u tambala wau moitomo. Wolo dudelo boito tio helooĚ’tapu maoĚ’ himbala lo binatangilio lohihilao wau lopobuaĚ’ maoĚ’ lonto himbala lo binatangi lei Laban.
41Wonu bolo bibii-natangiyalo u hilootola donggo hemohiiyala, tei Yako hemo podutu maoĚ’ tataa-ngowalo u ilalipalio boito totalu lo bibii-natangiyalo, todelomo tambati pongilumalio. 42Bo tataa-ngowalo boito diila pilodutulio totalu lo bibii-natangiyalo u molulupuhu. Oditolio ngoaĚ’amila binatangi u puulo boito molulupuhu, wau uitolo haku lei Laban, hiambola ngoaĚ’amila binatangi u moitomo, tambala wau hibonto-bontoaĚ’a boito molotolo, wau uitolo haku lei Yako. 43LouĚ’ odito tei Yako lowali kaya daaĚ’. Tio o himbala batade himba dadaata, unta, kolodai wau mongo wato.
Currently Selected:
ILOOWALI 30: LAIGOR
Highlight
Share
Copy
Want to have your highlights saved across all your devices? Sign up or sign in
