ILOOWALI 35
35
Tei Yako wolo polemboaĚ’lio lomonggato ode Betel
1Todulahee tuwau Allahu Taa̒ala lotahuda mai odelei Yako, “Wau̒lo Allahu Taa̒ala talo pobilohei batanga to olemu tou̒ yio̒ lolahi lonto oli kaakamu Esau. Hua̒a ponao̒lo ode Betel. Poti biluloo̒lo mota teto wau potihula mao̒ mesba tuwau ola-U̒.”
2-3Laptao̒ tei Yako loloi̒ya mao̒ ode ngaalaa̒lio wau ode ngoa̒amila taa uwoluo pee̒-pee̒enta wolio, “Ito mamo monggato monteea wau monao̒ ode Betel. Mota teto wau̒ mamopo tihulao̒ mesba duo̒lo Allahu Taa̒ala tamalo tulungi olau̒ tou̒ wau̒ ilodungga lou̒ suukali wau maloduo̒la olau̒ penu boli deu̒toonu ponao̒wau̒. Oditolio tapilaalo mao̒ bui̒ lo dedeewaalo deli uwoluo to olemu; pohutua mao̒ upacala mopobelesi batanga wau pomakea mao̒ pakeyangi u belesi.” 4Lapatao̒ timongolio lohudu mao̒ odelei Yako ngoa̒amila dewa deli uwoluo to olimongolio wau olo ante-ante limongolio. Ngoa̒amila upango boito yilobungo lei Yako towalungo bungo lo ayu leidaa̒ totili lokota Sikhem.
5Tou̒ tei Yako wau polemboa̒ ngaalaa̒lio lomonggato, Allahu Taa̒ala lohenggubei ulipu lo kokoo-tawaalo totili wolo laasa moohe, tilinggula timongolio diila helo hunuhe olei Yako wau polemboa̒lio. 6Lapatao̒ malei dungga mota timongolio tohuta lo Kanaa̒n tokota Betel u muloololio mai ilunte Lus. 7Mota teto tei Yako lopotihula mesba wau longunte mao̒ tambati boito “El-Betel”, kalana Allahu Taa̒ala malo pobilohei batanga to olio mota teto tou̒ tio lolahi lonto likaakalio. 8Mola teto olo ti Debora, tiilo tamoo-laalawa oli Ribka yilate lapatao̒ yilobungio towalungo bungo lo ayu uleidaa̒ to ambahu huliyaalio lokota boito. Uitolo sababuulio bungo lo ayu boito ilunteelio “Bungo Hilimuta”.
Allahu TaaĚ’ala lobalakati olei Yako to Betel
9Lapatao̒ tei Yako lohualingai lonto Mesopotamia, Allahu Taa̒ala luli lopo bilohei batanga to olio wau lobalakati mao̒ olio. 10Tahuda lo Allahu Taa̒ala to olio, “Yio̒ diilalo unteelo Yako, bo Isirai̒lu.” Odi-odieelo mola Allahu Taa̒ala helo ngunte mao̒ olio Isirai̒lu. 11Lapatao̒ tahuda lo Allahu Taa̒ala poli, “Wau̒lo Allahu Taa̒ala Taa Laba-labaalo kawasa. Mamusi yio̒ motiwalao̒ wau wombu u dadaata! Yio̒ mamo polaahei babaa-ngusawalo wau mowali tiyamo loluuhuru lomongo olongia. 12Lipu u mailohi-U̒ mao̒ olei Abraham wolei Isihaka, mawohi-U̒ mai ode olemu wau waliimu mola.” 13Lapatao̒ uito Allahu Taa̒ala lololaa mao̒ olei Yako. 14To tambati lo Allahu Taa̒ala helo tahuda odelei Yako, tio malo potihula botu tuwau poe̒ela. Lapatao̒ botu boito pilodewolio ode Allahu Taa̒ala wolo loluatao̒ angguru wau yinulo jaitun toitaatio. 15Tambati boito ilunteelio “Betel”.
Ti Rahel yilate
16Lapatao̒ uito tei Yako wau polemboa̒lio lololaa mao̒ Betel. Tou̒ timongolio donggo molamingao̒ lonto Eprata, malei dungga saaa̒tilio ti Rahel u motutu. Bo walai̒o boito mototolo potutuolio mai. 17Tou̒ ngongotio u mopotutu mai boito malo bolitutuo̒, malo loi̒ya mao̒ hulango to olio, “Pou̒daa̒awa mola hilaamu, Rahel, walau̒mu botie poli talolai̒.” 18Bo ti Rahel mawimbideo̒ mate, wau tou̒ mamo polutao̒ napasiilio u pulitio, ilunteelio walao̒ boito Ben-Oni bo tiyamolio longunte olio Benyamin.
19LapataoĚ’ ti Rahel yilate maoĚ’, mailobungio tio totili lodalalo udulu-dulunga ode Eprata, u masaatia ilunte Betlehemu. 20Tei Yako lopo tihulaoĚ’ botu poeĚ’ela mota teto, wau dilumutu todulahee botie olo kuubulu li Rahel donggo tuotuoto lobotu boito. 21LapataoĚ’ uito tei Yako lopo tolonga mola lononaoĚ’lio, tulusi malo potihulaoĚ’ kemalio totambati tuwau u lumaodeoĚ’ to monala Eder. 22TouĚ’ timongolio donggo woluo totambati boito tei Ruben helo tuluhe woli Bilha, pipia liyamolio. SuaĚ’li boito ilodungohe lei Yako, wau tio maloingo daaĚ’.
Mongo walaeĚ’e Yako
(Boh. Taw. 2:1-2)
Tei Yako owalaoĚ’ mopulaa duulota mongo lolaiĚ’. 23Mongo walaiĚ’ Lea yito tei Ruben (tamohuhula daaĚ’ lei Yako), Simeon, Lewi, Isakhar, wau Jebulon. 24Mongo walaiĚ’ Rahel yito tei Yusu wolei Benyamin. 25Mongo walaiĚ’ Bilha, wato li Rahel yito tei Dan wolei Naputali. 26Mongo walaiĚ’ Jilpa, wato li Lea yito tei Gad wolei Asyer. Mongo walaoĚ’ boito pilotutulio mai to Mesopotamia.
Tei Isihaka yilate
27LapataoĚ’ malei dungga mola tei Yako odelei Isihaka tiyamolio, totambati biluloaĚ’lio to Mamre membideoĚ’ lo Hebron. (Muloololio mai tei Abraham tiyombulio, bilu-biluloaĚ’ mola teto olo.) 28-29To umulu mapanggola daaĚ’, deuĚ’yito-yito ngohetuto walu lopulu lotaunu, tei Isihaka yilate tulusi yilobungio lei Esau wolei Yako mongo walaiĚ’o.
Currently Selected:
ILOOWALI 35: LAIGOR
Highlight
Share
Copy
Want to have your highlights saved across all your devices? Sign up or sign in
