LUKAS 5

I Yesus nompile'imo anu momona nombatuki Ia

(Mat. 4:18-22, Mrk. 1:16-20)

1 # Mat. 13:1-2, Mrk. 3:9-10, 4:1 Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu. 2I Yesus nontoa ohua' na duangan kiijo' i biwi nu bone' aijo'; topo ikan nintatau'mo lengkat mae i duangannyo ka' hau-haunyo mombaso'i buani' nu aha. 3I Yesus noliba' i sala' sa'angu' na duangan, aijo'mo duangan i Simon, ka' nompokau i Simon nombulusakon duangannyo aijo' gagana' majo'on lengkat i biwi nu bone'. I Yesus sinumuhang i uno nu duangan aijo' ka' nongajan mian da'isan.

4Noko ajan, Ia notataemo hi Simon, “Boseakon mokiijo' i tampat anu maleeng, ka' sambuangakon na buani'um da mongkona ikan.”

5 # Yoh. 21:3 “Tuumangku Gulu',” tinaaman i Simon, “Sinampahu na uutu kami binakalaja totu-totu'u, panyo madi' ko anu pini humpa-humpak! Panyo kalana opokaunto Tuumangku, ma'ima'mo; da po'ule' ku sambuangakon na buani'.” 6#Yoh. 21:6 Pinoko bau nu aha na aijo', aha nohumpak ikan kinonjoo'nyo hondo sampe nobeak na buani' nu aha. 7Kalana aitu aha nompoita tulung hi to sanga-sangalu nu aha i duangan sangga'at. To sanga-sangalu nu aha tinoka ka' hingga-hinggat nongisii ohu-ohua' na duangan aijo' nobuke' nu ikan, sahingga me ise-ise' duangan haha aijo' tinompumo. 8Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

9I Simon ka' iwi-iwi' anu nongsangalui ia binangang nontoa kinonjoo'nyo na ikan anu i humpak nu aha. 10Sumo aitumo mule' na to sanga-sangalu i Simon, aijo'mo i Yakobus ka' i Yohanes, to ana-anak i Zebedeus. I Yesus notatae hi Simon, “Boli mabuhuk! Mulai uuka, beleyum timbalimo pombuani' mian.”

11I Simon ka' to sanga-sangalunyo nohela' duangan aijo' nokiijo' i biwi nu bone', lapas aijo' iwi-iwi' pinala'iannyomo ka' nombatukimo Yesus.

I Yesus nompa'alin samian anu ko panyakit kilit anu okabuhuk

(Mat. 8:1-4, Mrk. 1:40-45)

12Daagi' ko sansinaan, i Yesus jinojoong i sa'angu' na kota. I kiijo' mae daagi' ko samian na mo'ane butongnyo no buke'mo nu panyakit kilit anu okabuhuk. Salatan tinoanyo na i Yesus, ia tinolodadupumo i ahop-Nyo ka' nompoita, “Tuumangku, de Kita Tuuma mongka'oho', Kita Tuumangku timbali mompa'alinakon aku!”

13I Yesus nompanya mian aijo' ka' notatae, “Aku mongka'oho', pa'alinmo!” Tempo'nyo aijo' panyakitnyo i na'alinmo. 14#Im. 14:1-32 Lantas i Yesus nontewa' mian aijo' boli monsisik han aijo' mau mule' pa' hi he, tukoo-Nyo, “Lako'mo hi imam ka' poita na ia da mompototu'u beleyum na'alinmo. Ka' lako' sombahkon na koloban sumo anu pinalentahkonmo i Musa, salaku bukuti' saba' beleyum totu-totu'u na'alinmo.”

15Panyo lele mongkona i Yesus kino togi-togi lelenyomo iyayamae, ka' manjoo'mo na mian toka da mohongo da o pa'alinakon na panyakit nu aha. 16Lapas aijo', i Yesus nambamo binalado'a i tampat anu liing.

I Yesus nompa'alin samian anu lupe

(Mat. 9:1-8, Mrk. 2:1-12)

17Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit. 18Tempo'nyo aijo' daagi' ko to pia-piangkuka na mian tinoka nomboa mae samian anu lupe anu pinomale' mae i ampas. Aha binala usaha nomboa mian aijo' i uno nu laigan da timbali opomale' hi ahop i Yesus. 19Panyo kalana mian talalo da'isan i kiijo' mae, aha madi' noko boa ninsoop. Kalana aijo' aha noliba'akon nokiita' i atop nu laigan. Lantas aha nontataki atop genting, ka' nontauhakon ia nohingga-hinggat ampas hi ahop i Yesus, i totonga' nu mian da'isan aijo'. 20Tempo'nyo i Yesus nontoa kinodaka'nyo na palesaya nu aha totu-totu'u, Ia notatae hi mian aijo', “Utus, dosa'um ingampunanmo.”

21To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

22Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu? 23Iya na lebe dengke, montaloakon, ‘Dosa'um ingampunanmo’, kabai montaloakon, ‘Bulamo ka' lajangmo!’ 24Panyo aiya Aku momponyata' hi belemiu saba', i bawo nu dunia aiya Anak nu Mian ko kuasa mongampuni dosa'.” Lantas i Yesus notatae hi mian anu lupe aijo', “Bulamo, hangkat na kahoyotanum ka' pinsusule'mo!”

25Lia-lia' na mian aijo' nobula i ahop nu aha iwi-iwi', ka' nohangkat kahoyotannyo, ka' ninsusule', ka' nompuji' Tumpu.

26Aha iwi-iwi' binangang hondo, lantas nompuji' Tumpu. Kalana nongoa'i nabuhukmo, aha notatae, “Mompobangang hondo na anu sinakisiantomo sinaa aiya!”

I Yesus nolaga i Lewi

(Mat. 9:9-13, Mrk. 2:13-17)

27Lapas aijo' i Yesus nosabat ka' nontoa samian anu topo tage hasin sanggonyo i Lewi, hau-haunyo suha-suhang i kantonnyo. I Yesus notatae hi ia, “Batuki na Aku.” 28I Lewi nobungkut ka' pinala'iannyo na iwi-iwi', ka' mombatuki Yesus.

29Lapas aijo' i Lewi nombau bau-bauon i laigannyo molabot i Yesus. Da'isan na topo tage hasin ka' to mia-mian sangga'at mongkaan hingga-hinggat ka' aha. 30#Luk. 15:1-2 To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

31I Yesus nontaami, “Mian anu mahoson madi' mompalalui dokoten; ola mian anu masakit. 32Aku toka misa' molaga to mia-mian anu mongoa'i butongnyo na'ima'mo, panyo to mia-mian anu baladosa', da aha balatobat madi'mo mombau dosa-dosa' nu aha.”

Mompo'ileeki puasa'

(Mat. 9:14-17, Mrk. 2:18-22)

33To mia-mian notatae hi Yesus, “Anu mombatuki Yohanes, ka' anu mombatuki mian nu Farisi toto minsan bapuasa' ka' balado'a. Panyo anu saja' mombatuki Beleyum mongkaan ka' monginum.”

34I Yesus nontaami, “Timbali na komiu mompokau to mia-mian bapuasa' i bau-bauon po'osoan, hau-haunyo boting mo'ane daagi' hingga-hinggat ka' aha? Tantu madi'? 35Panyo tokaje na tempo'nyo boting mo'ane aijo' o'alamo lengkat aijo' hi aha. Tempo'je aijo' na aha bapuasa'.”

36Lantas i Yesus nonsisikakon hi aha kantuang aijo', “Madi' ko mian montamban baju' mahudemo tiba geat nu hude bu'ou. Kalana ia mombeak baju' anu bu'ou aijo'. Ka' mule' hude pontamban anu bu'ou aijo' madi' mompahakona tiba baju' anu mahudemo. 37Sumo aitu mule', madi' ko mian anu molana'akon anggur bu'ou i uno nu botutu kilit anu pinmo, kalana anggur bu'ou aijo' monsaduakon botutu aijo' mobeak. Sahingga anggurnyo mobubus ka' botutunyo ma'idekmo. 38Anggur anu bu'ou tionyo olana'akon i botutu anu singkona bu'ou. 39Sumo aitu mule' madi' ko mian anu mongka'oho' monginum anggur bu'ou, de sala'je nonginum anggur anu pininmo. ‘Anggur pininmo aijo' lebe ma'ima',’ na koonyo.”

Currently Selected:

LUKAS 5: LAILOE

Highlight

Copy