O KEJADIAN 49
49
O Yakub ai demo mabobaha
1De ipaha o Yakub wä ahoko ai ngoha-ngohaka deʼ wätemo, ”Nima toomu nengino, nihihitigi-tigino. Aha tinihingahu nginika okia aha ngini niamake o wange maduruino:
2Nima toomu, hei o Yakub ai ngoha-ngohaka
niwihi gihene o Israel nia ama.
3O Ruben, ahingohaka mariaka, ngona ahikuata,
ahinauru mahohoko madodihiraka.
Ngona duru nonauru deĘĽ duru nokuata ahingohaka mata-mata manga idogoronaka.
4Ngona i gapanga nololopaka hokä o akere,
hiädono kono holoiua;
hababu ngona nomi hiduoka ngohi hekata paliara,
napesekoka ani ama ahingidu-ngidu mangĂŻ.
5O Simeon deĘĽ o Lewi o riadodoto:
toönanga manga däe o dogowini mapakakaha.
6Ngohi aha tomotekua toönanga manga fakati magoronaka,
de toonaö manga doomu mahidogoronaka.
Hababu önanga yotoma manga gangamo magoronaka,
o banteng ikuatokaua mangale o sanangi.
7Toönanga manga gangamo yamake o bodito, karana yömodongo.
Toönanga manga dohata yamake o bodito, karana mahayanga koiwa.
Ngohi aha önanga tahikokitingakoka i ngodumu o Israel madaeraka.
Ngohi aha tahibarihi önanga o hoana de o berera i ngodumu mahigoronaka.
8Yehuda, ngona aha nahorokumu anihaturu mangatotö;
ani riadodoto aha inihigiriri
deĘĽ yohuba anihimangoka.
9 #
Bil. 24:9; Him. 5:5 O Yehuda hokä o singa magö;
Ă«nanga yatoma mainomo, deĘĽ imakilioro maigutika;
ënanga imatotupukoro daha i mäidu,
deʼ moiua o nyawa yömoroneua yaruae.
10O Yehuda aha wasö ino kokoano madiki-diki,
aidifauku aha yopareta kahi ado-adonika.
Hagala o hoana de o berera aha yoao o soungu,
deĘĽ yohuba de imaponuku ai himangoka.
11Ai keledai mangohaka waliko o gota mautuika,
o angguru magota mautu duru i hohailoa.
Unanga wafoka ai pakeanga de o angguru,
ma angguru mamodökara hokä o awunu.
12Ai lako mamo dokara karana o angguru waokere,
ai ingiri mamagarehe karana o huhu waokere.
13O Zebulon aha wogogere womahi tigi-tigika de o ngöto;
hagala o kapa aha i matapu ai hohanoka;
hiädono o Sidon mabatingi ai daera.
14O Isakhar hokä o keledai i kua-kuata
i mä idu-idu magina makaraja mahidogoronaka.
15Wamake hokokia marahai o ngï gënanga,
deʼ hokokia mahailoa o berera gënanga,
done woma huguku ünanga wömodeke iwïgina,
deʼ iwi pakisa wokarajanga hokä o gilaongo.
16Ngona Dan aha nahi dero o adili anihoana de aniberera
ngona nodadi o hoana hokä o hoana mahomoa o Israel mabereraka.
17Ngona hokä o dodiha o ngekomo madatekoka,
o dodiha i biha-biha o lurungu madatekoka,
yagögoli-goli o kuda mabobo
hiädono wadoa-doail̄e womahi kaweli.
18Ya Jou, nohidödöa-döaka o halamati, gënanga tödodamä.
19O Gad, ngona aha yo ora-ora i nilawani,
ma ngona aha nädogiliorika önanga näora.
20O Asyer, ani inomo duru i wöe dekai hemo-hemoro,
ngona aha nasadia o kokoano manga inomo.
21O Naftali hokä o maijanga iotanika,
aingoha-ngohaka duru yohö hailoa. 22O Yusuf hokä o keledai magö,
o keledai ihĂĽhuhuku imahi tigi-tigika de o akere malako,
ima popopäta ol̄oku magelehoroka.
23Ai haturu iwi lawani kahagiria,
iwi nĂŻki de o toimi, deĘĽ matoimi madoto.
24Mä o Yusuf ai giama i tatapu i puturungu,
itatapu ikuata ai toimi madoto,
karana o Gogoana Wokua-kuata aikuaha,
o Yakub ai Jou Madutu, o Israel ai Hohohongo.
25Ani ama ai Jou Madutu wonĂŻ riwo ngona;
Woko Kuaha wonihi barakati ngona
de o awana o dihanguku
de o akere o tonakil̄e.
De o ngohaka deĘĽ o hapi,
26o gandum deĘĽ o bunga.
Ani ama ai Jou Madutu Ai barakati i hiholoi
de o l̄oku yapoperekioka makaya.
Tanu o barakati gënanga mata-mata iuti o Yusuf ai häekuku, ai biono mal̄okuoka.
Unanga duru iwihöheto-hetongo ai riadodoto manga hidogoronaka.
27O Benyamin ganga o serigala ihohatera.
O ngorumino Ă«nanga yagoli mainomo.
Deo hutu-hutu ëna ihi kodoku.”
28Genanga o Israeloka mahoana ngimoi de hinoto, deʼ o demo-demo wahö heto-hetongo toönanga manga ama, maöraha wohidöaka o gitingaka matabea onangika moi-moi.
O Yakub wohonenge deĘĽ iwi lungunu
29-30 #
Kej. 23:3-20
De ipaha o Yakub wohibehehongo aingoha-ngohakika, ”Mahutuohi aha ngohi tolio hokä ahi ete de ahi tohora. Dahaö ngohi nihilungunu toönanga manga datekoka o Makhpela maaruku magoronaka, o Mamre o Kanaan matonakoka o wange mahiwaroko i daduoka. O Abraham waijaka o aruku de o dumule magilolitino o Efronoka o Heti manyawa la yadiai manga jere. 31#Kej. 25:9-10, 35:29 Genangokadau o Abraham deʼ o ngo Sara, o Ishak de o ngo Ribka yälungunu; deʼ genangokadauö ngohi tomi lungunu o ngo Lea. 32O dumule deʼ o aruku genangokadau taijaoka o Het manyawaka. Nihi lungunu ngohi genangokadau.” 33#Kis. 7:15 De ipaha o Yakub wohibehehongo de iböto aingoha-ngohakika, ünanga womä idu daha wohonenge.
Currently Selected:
O KEJADIAN 49: TLB
Highlight
Share
Copy
Want to have your highlights saved across all your devices? Sign up or sign in
